التوك توك اختار

التوك توك خلاص اختار
هيناطح الكبار
مش خايف من التريلا
ولا من عبد الجبار
اللى سايق باقصى سرعه
وعامل وراه غبار
التوك توك صوته واطى
لكن بيصرخ ويقول
فى داهيه ياعبد الجبار
فى داهيه ياعبد الجبار
روح الهى ماترجع
ولا يطلع عليك نهار
التوك توك الغلبان
ياما بكى انهار
ياما وقع وانهار
من ظلمك ياعبد الجبار

ايجار جديد

كتير سكنوا قلبى
وانتى المالك الوحيد

نصيحه

تواضع يابن ادم
وخدها نصيحه ببلاش
اللى انهارده عميد
بكره لواء بالمعاش
واللى غرته الصحه
بكره يشرف فى الانعاش

افترقنا

افترقنا اول الخريف
عدى الشتا
والربيع
قرب الصيف
وحشتينى
وبدات تخريف

حرااااااااام

عسكرى دخل على محششين قالهم
حرام عليكم
ردوا
حرام عليك ورحمه الله
وبركاته

محششين

واحد محشش عنده ارق سأل صديقه :
اعمل ايه عندى ارق
قاله عد لغايه 500 وانت تنام
راح عد ولما وصل ل 499 نعس
راح غسل وشه عشان يكمل

حكمه جميله

حكمه جميله والاجمل ما كتب اخر الحكمه
النقود
نستطيع شراء منزل بالنقود
لكن لانستطيع شراءعائله
نستطيع شراء ساعه
ولكن لانستطيع شراء وقت
نستطيع شراء منصب
لكن لا نستطيع شراء الاحترام
نستطيع شراء سرير
ولكن لا نستطيع شراء النوم
نستطيع شراء الكتب
لكن لا نستطيع شراء العلم
نستطيع شراء الدواء
لكن لا نستطيع شراء الصحه
نستطيع شراء الدم
ولكن لا نستطيع شراء الحياة
فلذلك يجب ان تعرف ان النقود ليست كل شىء
وفى بعض الاحيان تخلق النقود لنا المعاناه
والمشاكل والالم ولانى صديق سأنصحك بنصيحه
ابعد عن نفسك الهموم والالم
فارسل لى جميع ما تملك من نقود
وانا ساعانى بدلا منك ولو سمحت تكون الفلوس

كاااااااااااااااااااااااااااااااااااااااااش

غلطتين

الغلطه غلطتين
ليه سكت فى الاول؟
وليه اتكلم بعدين؟

رساله من ام

بعد ان سافر الابن من الصعيد للقاهره ليدرس بكليه الصيدله بعثت امه برساله له هذا نصها
ابنى الحبيب صميده
انا عارفه انك مابتعرفش تقرا بسرعه عشان كده بكتبلك الجواب بالراحه .احنا كلتنا كويسين جوى جوى ..ابوك خلانا نعزل من الدار عشان مش عاوز اى حاجه تفكره بالسنين اللى فاتت..انا مش هجدر ابعتلك العنوان لانى معرفوش اصل الناس اللى كانوا ساكنين جبالنا اخدوا اليفط اللى مكتوب عليها اسم الشارع ورقم العماره ولزجوها على بيتهم الجديد.بس المكان جميل جوى تخيل ممطرتش غير مرتين السبوع كلاته مره تلات تيام ومره اربع تيام.
اخوك جاب عربيه جديده بدل اللى وجعت فى الترعه ورحنا بيها عند عمتك بس الواد اخوك المسطول خرج وجفل على المفاتيح وفضلنا محبوسين احنا وابوك فى العربيه لحد ما جه جدع ابن حلال كسر الجزاز وطلعنا.
اختك خلفت النهارده بس معرفتش جابت واد وللا بت فمعرفش بقيت عم وللا عمه.
هه دى كل اخبارنا ارجو تكون بالخير وربنا يديم المعروف.
ملحوظه:
كنت هبعتلك فلوس فى الجواب بس نسيت وجفلت الظرف جبل ما احطهم.

غباء

انا غبى اذا ...انا مبسوط
انا ذكى اذا...انا منقوط

عن الحب

لا تسعى وراء الحب….ولا تهرب منه

مسؤل كبير

مسؤل كبير ……لقيته مش فاهم صعب على يكون اخر من يعلم

حاولت افهمه مافهمش حاولت اكلمه مارضيش يسمعنى

غضبت…ثرت…بس فى الاخر فهمت

المسكين خايف يفهم يطلعوه معاش

غباء

لاتحزن اذا كنت غبيا …فأنت سبب سعادة الاذكياء

توك توك

تروح فين يا توك توك وسط التريلات
ماتعملش عنتر ..مانتش حمل الكلكسات
اركن على جنب ياشاطر خلى الكبير يفوت
خليك جبان وعايش
احسن مايعملوك بطل وتموت