خايف من يوم وداعك
لما تشيلى سنينى
فى شنطة السفر
لما تاخدى القمر
وتسيبى ليل وسهر
ويبقى ليلى عتمه
من غير ضى القمر
خايف من يوم ضياعك
تاخدى كل اشعارى
ويفضل قلمى وحيد
يرفض يطاوعنى
ولا يكتب كلام جديد
ويبقى سطرى وحيد
والحرف بايعنى
خايف من يوم وداعك
المح فى عينك حنين
او دمعه من اوجاعك
ندمانه على السنين
تغطى فرحتك
وضحكتك
ويبان قلبك حزين
خايف على قلبك
مايكونش فيه قلبى
خايف على قلبى
مايكونش فيه قلبك
خايف على القلبين
يحنوا ليوم زمان
كانوا قلب واحد
مقسوم على جسمين
.
.
+copy.jpg)
Falling hearts Here
هناك 27 تعليقًا:
إحساسك عالى قوى فى الخواطر
ربنا يسعدك دايما
مش معقول انت بجد بتبهرنى بنشاطك وتواجدك فى كل المدونات واتمنى يجمعنا مشروع مشترك
تحياتى
الكلمات جميلة جدا والمدونة رائعة
بارك الله فيك
كلمات جميلة قوي وفيها احساس جميل
وربنا ما يحكم على حد بلحظة الوداع دي أبدا.
ما تخافش
ما تخافش
ماتخافش
ان شاء الله مايكونش فى وداع
تحياتى
إيه الإبداع ده كله
والإحساس فيها عالي عالي
وعجبتني أكتر الجزئية دي
,,,
خايف من يوم ضياعك
تاخدى كل اشعارى
ويفضل قلمى وحيد
يرفض يطاوعنى
ولا يكتب كلام جديد
ويبقى سطرى وحيد
والحرف بايعنى
,,,,
لأن فعلا يوم مالقلب يبقي وحيد القلم كمان بيبقي سجين الوحدة ويرفض ينطق بكلمة
حقيقي إسلوبك ممتع في قرايته
إستمر
تحياتي لقلمك المبدع
كل ده عشان انا مسافره:):):)
بجد كلامك جميل جدا انا فعلا مش بأحب السفر والاالوداع
اول زياره لمدونتك
كلمات جميله معبره ربنا يرجع كل مسافر بالسلامه
تقبل تحياتى
قلب واحد مقسوم على جسمين
جميله اوي
البوست المره دي رائع فعلا
استمر.......
شكرا
منار فايد
الوداع احساس صعب بجد v_v
بس سيبك انت
رغم حزن الخاطرة الا انها جميلة
^_^
بجد رااائع جداا
بس جرب تغير كلمة جسمين بجسدين
جرب وانطقها بصوت مسموع كده
اعتقد جسدين اجمل من جسمين
تحيتى
ماشاء الله احساسك عالي قوي وأسلوبك في قمة الجمال والتلقائية
ربنا يفرحك دايما وتستمر حالة السعادة والابداع اللي عندك
بالتوفيق دايما
انت خايف لما تكون سهران الدنيا تضلم عليك؟
اوعى تكون بتخاف من الضلمه احسن يطلعلك عفاريت زى اللى فى المحطه
حلوه "تشيلى سنينى فى شنطه السفر"
هى الشنطه هتكفى ايه وللا ايه
وبعدين ماهو قلمك مش مطاوعك هو انت بتكتب بيه حتى امر واحد؟
عموما حلوه اوى والبركه فى السهر والسفر
جميلة حقيقى واحساس حلو حقيقى بجد ومن غير مجاملات
دمت بكل الخير
رائع بجد وحشنى أوى الكتابة الراقية
دمت بكل الود
احسنت لكن هناك بعض الهنات العروضية
وواضح انك فى البدايات لكن جميل جدا ولازم تحضر ندوات ولقاءات عشان تحتك بناس اكتر وتقرا اكتر وتسمع اكتر فتتألق اكتر
لكن صورك جميلة وعندك رؤية كويسة
حلوة وجميلة ربنا يكرمك
السلام عليكم
كلمات جميله وأديبه
ومدونتك جميله وتستحق الزياره
ودمت بخير
حلويه جوي
أصعب احساس وأقساه هو الوداع يميت قلوبنا بلحظة
فيلوح مغادرا تاركا خلفه فراغ بحجم الكون واكثر
لا تقلق ودع الغد يرسم نفسه
الموضوع جميل
ومكتوب حلو اوووي
وفيه صراع بين الحبيب والمحبوبه
وبين الحبيب وذاته
تحياتي
وليد
ما شاء الله عليك
الكلمات بسيطة اوى
بس ليها معنى حلووووو اوووى
تسلم ايدك
تحفه البوست ده
دى اول مره ليا
بس كانت حلوه جدا
اول مره اعدى عليك
واكيد مش اخر مره
لما تاخدى القمر
وتسيبى ليل وسهر
ويبقى ليلى عتمة
من غير ضى القمر
هذا المقطع شديد الجمال
يعبر بصدق عن الاغتراب الوجودى
للمحب حينما يفقد حبييبته والهدف الذى يحيا لاجله
------------------------------
أنت فى مرحلة الفعل الشعرى المجدد
---------------------------------
مع تحياتى / هانى عمر
له حق يخاف
لان مفيش حاجة بتفضل على حالها
اجمل حاجة فيها احساسها
بجد احساسك بالحب باين فى كل كلماتك
خايف على القلبين
يحنوا ليوم زمان
كانوا قلب واحد
مقسوم على جسمين
صعب اوى حد ينسى الحب اللى وصل لدرجة قلب واحد
تحياتى
ايمى
ما تخافش من الوداع ده زيه زى شكة الدبوس
إرسال تعليق