طق حنك مش اكتر

الثلاثاء، أغسطس 11، 2009

بحبك من تانى


بحبك من تانى

نفس حبى الاولانى

بس يمكن بشكل تانى

الفرق بينهم

انا بطلت اكون انانى

خلاص عرفت

الجم لسانى

واقول بحبك

من غير صوت

واسمع فى صمتك

احلى الاغانى

قدرت اخدك

واطير واطير

وانا فى مكانى

قدرت اهرب

من زمانى

ماتسأليش

عن الامانى

خلاص سلمت للمستحيل

ومش عايز اعرف

مين الجانى

ولا عايز اسمع

حكم تانى

هناك 46 تعليقًا:

THE illusionist يقول...

انا الاول انا الاول
انا صاحى طول الليل احتل المركز الاول
انا فووووووووزت

THE illusionist يقول...

حلوه حته الجم لسانى واقول بحبك فى صمت دى
عجبتنى يعنى
غير كده
كالعاده
الكلام حلو
وانا مش بعرف اعلق على الكلام الحلو
انا ادوقه بس
موسااااااء الصباح الخير

ঔღঔ نـــوارة ঔღঔ يقول...

هيييييه

الاول مكرررررررر

وش مطلع لسانه

ঔღঔ نـــوارة ঔღঔ يقول...

جمييييييييلة موووت

كدا هيحس بحبها فعلا ومش هيكون اناني ولا يفارقها تاني :)

كلامك بجد هايل واسلوبك مميز

تسللللللم ايدك

:)

وكل سنة وانت طيب يارب

ليس فقيرا من يحب يقول...

انا بطلت اكون انانى
خلاص عرفت
الجم لسانى
واقول بحبك
من غير صوت
واسمع فى صمتك
احلى الاغانى
قدرت اخدك
واطير واطير
وانا فى مكانى


روعه كلمات روعه ومش

لاسعه خالص

عاشقة الأحزان يقول...

السلام عليكم

كل سنه والاسره الكريمة وحضرتك بالف خير

وجميله قووى كلماتك

تحمل معانى كثيرة

مودتى

dramaqueen يقول...

حلوة اوى اوى اوى
الكلمات فعلا تحفة

ميرسى كتير

جنــــــــــة الله يقول...

راااااااااااااااااااائعة
بجد بجد جميلة اوووووى
كما تعودنا
حلووووة اوووووووى
تسلم ايديك

EMMY BABY يقول...

جميلة اوى بجد انه عرف فين كان الغلط وصلحه والاجمل انه رجع لحبه الاول تانى بشكل مختلف

ويارب يكون الطرف التانى هو كمان فى قلبه نفس الحب

تحياتى

ايمى

اقدم عاصمه فى الحب يقول...

السلام عليكم

تسلم ايدك يا كبير
الله ينور
.
.
:)

Pink Dreams يقول...

واسمع فى صمتك

احلى الاغانى


جميله جداااااااااااااااااااااا

تسلم ايدك بجد كلامك كله جميل

شباك موارب/منار يقول...

احساس الحب قليل اوي لما بتكتبه
بس جميل اوي منك
تخليت شويه عن الرباعيه
طالعه جميله اوي

اســ الغربه ـــير يقول...

ايه الكلام الجامد ده ياعم جميله اوى ومدونتك كمان جميله جدا تياتى اسير الغربه مشمش

Hossam يقول...

صديقى الجميل اللى وحشنى جدا
بجد اشتقتلك
كلام جميل بس تفتكر الحب لو راح مرة ممكن نحب نفس الشخص من جيد نفس الحب
معتقدش
كل سنة وانت بخير

rony يقول...

1_الشخص اللى يضيع مره هيضيع كل مره

2_ كويس انك بطلت تكون انانى رغم ان الحب اساسا فيه شوية انانيه

3_ حاسب من الطيران لتقع تكسر رقبتك

4_رااااااااااااااااااائع تعبيرك واحساسك

ودائما الى الامام

لاسع افندى يقول...

THE illusionist

عشاق الليل سهرانين
سايبين النوم لاهله
والسهر هديه
للى يستاهله

لاسع افندى يقول...

THE illusionist

شكرا على كلامك الجميل واتمنى دوام التواصل

لاسع افندى يقول...

ঔღঔ نـــوارة ঔღঔ

ده شرف ليا انك تكونى متابعانى وتاخدى التعليق الاول مكرر
يارب دايما متواصلين

لاسع افندى يقول...

ঔღঔ نـــوارة ঔღঔ

مش عارف ارد على كلامك الحلو
رفعتى معنوياتى

لاسع افندى يقول...

ليس فقيرا من يحب

شكرا على التشجيع والمتابعه
اتمنى دوام الصداقه

لاسع افندى يقول...

عاشقة الأحزان

وانتى طيبه ياقمر ويارب تنولى كل اللى فى بالك
شكرا على المتابعه

لاسع افندى يقول...

dramaqueen

شكرا على كلماتك الرقيقه
اتمنى دوام التواصل

لاسع افندى يقول...

جنــــــــــة الله

انتظر تعليقاتك الجميله على كل موضوع جديد

تحياتى

لاسع افندى يقول...

EMMY BABY

وانا كمان اتمنى يكون الطرف التانى باقى على حبه الاولانى

شكرا على التعليق واتمنى دوام الصداقه

لاسع افندى يقول...

اقدم عاصمه فى الحب
انت فيييييييييين
لسه النت فاصل عندك؟؟

شكرا على المتابعه رغم ظروف النت

لاسع افندى يقول...

~^~shosho~^~

احيانا بيكون الصمت ابلغ من اى كلام
...لما تحسى بحد قوى ممكن تسمعى صمته


شكرا على المتابعه

لاسع افندى يقول...

شباك موارب/منار

اتمنى دايما احوز على رضاكم فى الخواطر او الرباعيات
شكرا على المتابعه

لاسع افندى يقول...

حماده مشمش

اسعدنى جدا وجودك وكلامك الجميل اتمنى دوام التواصل والصداقه

لاسع افندى يقول...

Hossam

صديقى
حمدالله على سلامتك ورجوعك للتعليق عندى

اعتقد ان الحب الصادق يتجدد

لاسع افندى يقول...

رونى

1-الشخص اللى بيرجع عمره مايضيع لانه جرب الضياع ومرارته
2-الحب خليط من الانانيه والتضحيه
3-انا باطير فى مكانى بخيالى مش ممكن اقع
4-دايما بترفعى معنوياتى
5-انتظر تعليقك فى كل موضوعاتى
6- تحياتى لكى
7- تحياتى ل....

سمسم يقول...

السلام عليكم
كل سنة وانت طيب
حلو الواحد يغير من نفسو
علشان الي بيحبو
ويتخلص من الانانية
مع انو حتفضل حبة صغيرة
ويحس نفسو طاير
تحياتي

7annen يقول...

ياعم لاسع يا جميل

كلامك حكم حلو اوى

تسلم ايدك بجد روووووعه

حنين

لاسع افندى يقول...

سمسم

شكرا على الحضور والتعليق اتمنى دوام التواصل

لاسع افندى يقول...

7annen
اتاخرتى عليا فى التعليق

عموما شكرا على الكلمات الرقيقه واتمنى دوام الصداقه والتواصل
تحياتى

marwa يقول...

السلام عليكم
كل سنة وانت طيب
عجبتني همس كلماتك الجميلة المشرقة
اتمنى لك مزيد من الابداع
دمت موفق دوما

Israa El-sakka يقول...

جميلة أوي و المدونة عموما رائعة و عنوانها ملفت يعني كنت بتسائل مين لاسع أفندي ده


الزيارة الأولى و إن شاء الله مش الأخيرة

فراشة يقول...

احلى دماغ لاسعه شفتها

بجد مش بعرف اقول حاجه عن كلماتك اللى تجنن

تأثير الفراشة يقول...

تشبيهات و استعارات مبدعة ، و احساس راقى

بالتوفيق دائما
دمت مبدعا

micheal يقول...

يا لسعانك
:)
جميلة
تحياتي

لاسع افندى يقول...

marwa

شكرا على الحضور والتعليق واتمنى يدوم

تحياتى

لاسع افندى يقول...

Israa El-sakka

منورانى ومنوره البلوجر كله فى اول زياره ويارب يدوم التواصل


تحياتى اللاسعه

لاسع افندى يقول...

فراشه

انا اللى مش بعرف اقول حاجه عن تعليقاتك الجميله
اتمنى دوام الصداقه

لاسع افندى يقول...

تأثير الفراشه

شكرا على الكلمات الرقيقه
اتمنى دوام التواصل

لاسع افندى يقول...

micheal

يا انترفيوهاتك

شكرا ياسيادة العميد على الحضور

صدى الصمت - عاشقة الورد - يقول...

كلمات أكثر من رائعة بأحييك عليها
وكل سنة وانت طيب

صدى الصمت - عاشقة الورد - يقول...

كلمات أكثر من رائعة بأحييك عليها
وكل سنة وانت طيب