الورد للورد

الحلم المستحيل

هو ممكن حد يحلم حلم ويتعلق بيه ويحس انه مش هيقدر يعيش من
غير الحلم حتى لو كان مستحييييييييييييييييل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بومبه

بصلها بغضب شديد وقالها اوعى تفتكرى نفسك حاجه انتى ولا حاجه॥.....

انتى لسه من شهر فات كنتى دايره البلد كلها ولا نسيتى بلاش اتكلم ....

ده العربجيه شبعوا فيكى تقليب وتخبيط وكانوا بيلفوا بيكى على الشقق

ومحدش بيدفع فيكى اكتر من 5 جنيه انا مش عايز اتكلم اكتر من كده

بلاش تشوفى نفسك علينا مش علشان تسعيرتك زادت والكل بيطلبك ....

ده انتى طلعتى بومبه
.
.
.
.
.
.
ده مواطن مصرى بيكلم انبوبة البوتجاز

.

شكلك مايطمنش

انا مش برتاح للراجل ده مش عارف ليه

ولا بصدق اى كلمه يقولها

.

لا

تحية شكر وتقدير واحترام

ســيدى الـــرئيس مبــــارك كل الاحترام و الحب ليك والتقدير لكل اللى قدمته لشعب مصر... وكل اسفى عن كل كلمة اساءة فى حقك... الكل معرض للخطأ.... وبنطلب من ربنا الغفران ليك عن كل تهاون فى حق البلد والشعب... وبطلب كل الخير والصحه ليك لان كتيييير من شعبك بيحبك وبيحترمك وبيقدر انك قدمت كتتير
وياإلهى الصالح بين ايديك قلادة الحكم والسلطة لعهد و فترة جديدة على شعب مصر وفى انتظار وعدك بالبركة

مبارك شعبى مصر

مصر

فوق راسى علشان عاليه

وفى قلبى علشان غاليه

.

القتل على الهويه

ليلة رأس السنه كانوا 21 مسيحى اتقتلوا بايدين يهودى ده غير المصابين

وامبارح مات شخص و2 فى حاله حرجه و3 مصابين على ايد واحد مختل عقليا

تفتكروا اللى جاى هيطلع ايه ؟؟؟؟؟؟

هسيبلكم السؤال

.

MERRY CHRISTMAS

MERRY CHRISTMAS

المجد لله فى الاعالى وعلى الارض السلام وبالناس المسره

كلنا فرحانين بالعيد والشهدا اللى هيعيدوا معاك يا رب

كل سنه وكل مصر طيبه وبخير وسلام

.

يارب ارحم

كل واحد بيحتفل بطريقته


.

2011

وانا بستقبل سنه جديده

وبودع سنه قديمه

احب اقولك

حياتى من غيرك

ملهاش قيمه
.

مبرررررررررررررررروك

عاوزه اقول ل لاسع افندى

مبروك ياباشا على البنوته الجديده

تتربى فى عزك انت ومامتها

اجعل حبيبك يكرهك

اجعل من يحبك يكرهك جدا

طريقه سهله وسريعه..مش سريعه اوى

عاوزه شويه وقت بس فعاله

الاهمال ....الاهمال...الاهمال

*اهمله فى سؤالك عليه على قد ما تقدر

*اهمله فى عيد ميلاده ولو سألك ليه كده

قوله فيها ايه..نسيت ..وايه يعنى

*اهمله فى المناسبات الدينيه ولو عاتبك قوله

التليفون اتكسر..المحلات قافله..كنت عيان..الخ

*اهمله فى الذكريات اللى بينكم

*ماتحسسهوش انك بتحبه وبتغير عليه..على ان

الغيره مهمه للحب

*اذا مرت به مشكله فى شغله مثلا ..هيفها وتفه

مل ما يتعلق به

*لا تهتم بالاشياء الجميله فيه..

***النصايح دى للى عاوزين يخلعوا من حبهم

لكن اللى عاوز يتمسك بحبيبه خليه ياخد باله

من الحاجات الصغيره الحساسه

عشان

الحب يعيش

ياااااااااااااااااااااااااااااااااااااااااا رب

شفتى الفرحه؟

شفتى الفرحه الماليه عيونى

وانتى معايا ؟؟

اكيد شفتيها

اصل الفرحه اللى فى عيونك

كانت زييها

شفتى القلب اللى بتنطط

جوه ضلوعى ؟؟

كان بيغنى نفس الغنوه

البتحبيها

حتى شفايفى الكانت ساكته

انتى سمعتيها

قلت بحبك بس الرد

استكترتيها

.

تداعيات ازمة الحشيش

بيدوروا عليها

زمان اللى سرقها لفها فى سيجارتين

.

حبيب العمــــر

حبيب العمرخلى العمرليه معنى

بيحلى العمر لما الدنيا تجمعنا

جميل الحضن لما يساعنا

ونجرى نغسل فيه اوجاعنا

والقلب قبل الودن يسمعنا

حبيب العمر اخاف الدنيا تسرقنا

ويجرى العمر والايام تفرقنا

يطير الحزن بجناح حزين داكن

يرمى هموم تغرقنا

حبيب العمر تعال لحضن

يلملم كل اشواقنا

.

قــلب حبيبـــى

ياقلب حبيبى ايه مدارى

الحزن جواك متـــدارى

سيب قلبى ينور لك شمعه

وامسح من دموعك دمعه

ازاى اسيبك وحيد فى ليلك

وياما نورت ايامى

ازاى اسيبك غرقان فى همك

وانت جنة احلامى
.

عيد ميلاد الليله ميييييين؟؟؟

عيد ميلاد لاسع جمييييييييييييل

احلى تورت ليك يا لاسع

وكل سنه وانت طيب

وعقبال مييييييييييييييييت سنه

واحلى بوكيه ورد هديه للاسع افندى

.

الصبر

ياصيادين الصبر

مش بالشبك يتصاد

الصبر عايز صبر

ويتلقى بالكاد

ده الصبر غلب القدر

لما بدأ العناد

.

الى زوجتى

الحمد لله انك معايا

.

فضفضه

فضفضه

احبائى المدونين والمدونات

انا قولت افضفض معاكم شويه يمكن افضى الكبت والحيره اللى عندى

اصل انا قربت اطق واتجنن ومش عارفه ومش فاهمه حاجه فى اى حاجه

انا كنت عايزه اعرف هى الدنيا دى ماشيه ازاى؟

زمان اتعلمنا ان الصح صح والغلط غلط اما دلوقتى بقى ان الصح

بقى غلط والغلط بقى صح الصح

اكتشفت ان البنت تعرف تاخد قراراتها لوحدها وبدون مساعده من اى حد

اما الولد وده الغريب طبعا انه ميعرفش ياخد قرار واحد لوحده لي بقى؟؟؟؟

لان ماما هى اللى بتقول وبتعمل وبتاخد القرار هى اللى تقول ينفع او مينفعش

هى اللى تقول ياخد دى او ماياخدش دى يعمل ده ولا ميعملش

دى الرجوله دلوقتى .......... البنت لما بيلاقوها محترمه ومؤدبه

تحافظ على بيقولوا عليها بنت ب 100 راجل دلوقتى هيتقال عليها ايه؟

البنت دلوقتى بتاخد اهم قرارات فى حياتها وبتتحمل النتيجه مهما كانت

اما الولد بيخاف ياخد اى قرار احسن ماما تغضب او بابا وساعتها طبعا

هيتحرم من الميراث سوررررررررررى قصدى المصروف

اكتشفت كمان ان البنت لما تقف جنب خطيبها او جوزها فى بداية حياته وتشجعه

تبقى بتخطى اولى خطوات الفشل فى علاقتها بيه وهيفرط فيها بسهوله جدا

انا بنصح كل بنات جيلى واللى قبلى واللى بعدى كمان كل بنت اتربت تربيه صحيحه بقولهم

ينسوا كل اللى اتعلموه زمان لازم يعرفوا ان الزمن اتغير والمبادئ والقيم اتغيرت كل ماهو

صح زمان غلط جدا جدا دلوقتى احنا فى عصر جديد كله خدع ومفيش امان او امانه فى

التعامل بين الناس
حد يفهمنى ليه الام بتدخل فى حياة ابنها وكأنها بتعمل على سعادته وهناه زى طفل صغير

امتى الام هترفع الوصايه من على ابنها وتسيبه يتحمل مسئولية نفسه على الاقل؟؟؟؟؟؟

ليه يا امى بتربينى صح............ ليه خلتينى غريبه فى وسط الناس..............

حد يفهمنى ليه بيحصل كده فى الدنيا اللى بنفتكره حبيب بيطلع عدو لييييييييييييييييييييييييه؟؟؟

كل المعانى اتغيرت لييييييييييييييييييييييييييه؟؟؟؟؟؟؟؟؟؟؟؟

المكتوب - من رباعياتى

مـديت ايـدى فى الـزمن اغـير المكتوب

لا طلت نجوم السما ولا اخرت الغروب

عـاندت يوم القـدر لقـيته نـــاشـــف حجر

مستنى ايه من بكره اللى بات ليله مغلوب

.

بـحب لـمـا

بحب لما الم كلام الحب

اللــى مــالى عـيونــك

واحب اغزل دق القلب

لهفه وشوق يحاوطونك

واحب امارس طقوس جنونى

يزيد الحب فى جنونك

واحب منك نغم اسمى

يغطى الورد من لونك

واحب فصل الربيع

وشروق الشمس بجفونك

واحب حبك واحبك

واحب الناس اللى يحبونك

.

عودى ليعود الربيع

حبيبتى عودى قلبى لم يغلق بعد امامك

لم تطفىء الريح رغم قوتها لهيب نارك

لن يتغير قلبى رغم تقلب احوالك

كم شكوت اخطاء الاخرين امامك

فلمن اشكو ان كانت شكواى منك

من سيكون عزائى ان احزننى حبك

سؤال حائر

متى يعود الربيع ؟

متى يضحك الزهر مع ابتسامة وجهك البديع ؟

مهما تاخر فجرك سأنتظره فأملى لن يضيع !


من تخاريفى القديمه
.

مـش وحـشانـى

غايبه عنى ومجننانى

مش عارف اقولك ايه

حتى كلمة وحشانى

ضاقت على مشاعرى

مابقتش مكفيانى

القمر السهران بيسألنى

ونجوم الليل مش سايبانى

بيستنوا السهر فى عنيكى

يغزلوا من كلامك اغانى

الليل بدونك يتيم مسكين

نفسه يسهرلك من تانى

.

قرار لاســـــــع

بعد مرور عــــام على بداية التدوين

بقيت غنى جدا وعندى 4 مدونات

وبعد ما اتسرق من 3 موضوعات

واتعلمت اكتب اخيب قصص و حكايات

وبقالى اصحاب غاليين صبيان وبنات

بيقولوا كلام كبيرعليا فى كل التعليقات

ولان الوقت قليل والعافيه درجات

قررنا ماهو ات

هنغلق كل المدونات

...................

ونكتب كل حاجه فى تخاريفنا المشكله

خواطر وهموم مصريه وامثال شعبيه

حتى دليل المدونات

كله عدى وفات

وهتفضل بس تخاريف مشكله

تشكيله اخر جنان لكل الموضوعات

.

عشاق الليل - اعادة نشر

عشاق الليل

سهرانيــن

سايبين النوم لاهله

والسهر هديه

للى يستاهله

عاشقين نجوم الليل

مع صوت غنا المواويل

والقمر يندهله

فى كل مسا ياجميل

اقولك ..تسهر على خير

تقولى ...وانت من اهله

.

بحـــــر الصفـــا - من رباعياتى

جايلك يابحــر الصفا ارمى طــن هــمــوم

جايلك وليلى شتا وكــــــل سمايــا غـــيوم

عشمان الاقى الدفا وارجع قلبى مغســــول

اتارى رملك شايب وموجك حزين مهموم

.

استماره بخمسه وسبعين

انا استماره بطاقه رقم قومى بس من الغالى بخمسه وسبعين جنيه لونى اخضر...قصتى بتبتدى من اول ماكنت ورقه ماسواش شلن بقدرة

قادر بقيت اساوى كتير طالعه من المطبعه فرحانه بلونى الاخضر وبتمنى الغالى بس كل ده مش مهم انا قصة حياتى القصيره بتبتدى لما حد

يشترينى ويحررنى من حبسة الخزنه وريحة الفلوس القديمهواخيرا انفتح باب الخزنه وجه دورى اخيرا الحريه ومع اول ضوء دخل الفضول

غلبنى اشوف مين هيشترينى...ودى كانت أول صدمه..اصل اللى كان فى خيالى ان كل اللى بيشترى استماره بخمسه وسبعين غنى وظروفه

مرتاحه لكن الواقع غير كده خالص اغلب اللى بيشترى استماره ب75 غلابه وعلى قد حالهم زى صابرطبعا اكيد عرفتوا مين صابر...شاب

اسمر مش مهم شكله لانه واحد من ملايين يمكن يكون جارك او اخوك اوصديقك هو شبههم وشبهك والهم اللى شايله زى همهم وهمك ..لكن

رغم انى كنت اتمنى يشترينى حد غيره ظروفه احسن لكن ماعرفش ليه تعاطفت معاه وتمنيت اسعده لما اتحول من استماره لبطاقه واصبح

كل همى هو صابر..مسكنى صابر بايده وعينه بتلقى بنظرة وداع على الخمسه وسبعين جنيه اللى اختفت فى الخزنه الضلمهماحدش عارف

هى رايحه فين حتى الموظف اللى اخدها من صابر مايعرفش مصيرها وماحدش بيقول ويمكن ماحدش سأل..مسك صابر قلمه وبدأ يكتب

بياناته بحرص شديد كأنه فى لجنة امتحان اسئلته السهله جدا خايف يجاوب عليها.رغم ان السؤال هو اسمك لكن القلم خايف يجاوب خايف

يكتب خانه غلط تبوظ الاستماره وتضيع الفلوس ..ما اصعبه امتحان.. لكن صابر طول عمره مجتهد وذكى ومتفوق موس مذاكره زى

مابيقولوا ومعاه شهاده عاليه. بدا يكتب اسمه صابر واسم ابوه راضى جنسيته مصرى تاريخ ميلاده لسه فى عز شبابه عود اخضر طاقه

منتجه عنوانه جيراننا . طبعا الحاله الاجتماعيه اعزب... اما المهنه هى اللى حيرتنى عايز يكتب عامل اجرى !! والله صعبان على يا صابر

وصعبان علي تعبك وسهرك الليالى فى المذاكره ودعوات اهلك بالنجاح عملتلك ايه الشهاده اخرتها عامل اجرى! بس كله يهون علشان لقمة

العيش .خلاص صابر كتب كل البيانات المطلوبه بدقه بس اللى محيرنى لغاية دلوقتى نظرة صابر مش مبسوط بس مش زعلان. ماعندوش

امل بس مش يائس باختصار تقدروا تقولوا عليه صابربس مش راضىاصل صابر عقبال عندكم جميعا جايله عقد عمل فى دوله عربيه

يشتغل عامل اجرى وباع اللى وراه واللى قدامه علشان يجيب العقد.... بس هو كان نفسه يشتغل فى بلده بفلوس قليله مش مشكله بس يشتغل

المهنه اللى بيحبها واللى علشانها ذاكر وتعب واخد بكالوريوس التربيه كان نفسه يشتغل مدرس تاريخالطابور طويل الدنيا حر واخيرا وصل

صابر للموظف اللى استلم منه الاستماره حسيت ان دى لحظة الفراق هتبتدى رحلتى بس من غير صابر بس اللى مصبرنى ان صابر وهو

ماشى اخد حته منى مكتوب عليها ايصال استلام لسه فيه حاجه بتربطنى بيه ...مشى صابر والموظف حطنى وسط كوم استمارات كلهم

اعرفهم كنا مع بعض فى خزنه واحده تقريبا كلنا دفعه واحده شبه بعض بس اختلفنا لما باعونا كل واحده مننا شايله هم غير اختها وبيانات

مختلفه الشبه الوحيد اللى فاضل بيننا ان كلنا محبطين من اللى شوفناه كلنا صعبان علينا اللى اشترانا كلنا بنتمنى نتحول بطاقه باقصى سرعه

وده حقنا لاننا استمارات مستعجله ...بس مستعجله على ايه....ده اول تعليق سمعته من اول موظف مسك مجموعة الاستمارات وقال لزميله

خد دى استمارات مستعجله هو قالها على انها دعابه بس احنا مستعجلين على مصالح اصحابنا ومهمومين بهمهم تعرف ياصابر كان

المفروض يسمونا استمارات مهمه لان اسم مستعجله مش بيثير اهتمام الموظف لان احنا فعلا استمارات مهمه.. مصير ناس كتير متعلق بينا

تعرف كمان المفروض يسمونا استمارات غاليه لان تمنا غالى جدا بالنسبه للفئه اللى بتشتريناتمنا بيمثل ثروه بالنسبه للغلابه اللى زى

حالاتك....انت تعرف رغم كل ده بيسمونا ايه ؟ استمارات خضرا...... احنا المفروض نطالب بتغيير اسمنا يسمونا استماره مهمه مستعجله

غاليه مهمومه

.

فدان حب - من رباعياتى

زرعت فـدان حـب فى ارض الكراهـيه

شـلت اشـواك الجـفا وسـقـيته دمـع عنيا

حصدت احلـى حـــب اديـتـه لكـل النــاس

ورحت اخد نصيبى اشواكه جرحت ايديا

.

هاتى ايدك

هاتى ايدك تغير خريطة كفوفى

هاتيها تمحى كل همى وخوفى

هاتى ايدك وخدى فى قلبى مكان

هاتيها تكتب نهايه لرحلة الحرمان

هاتى ايدك محتا ج احس الامان

هاتيها فرحة عيد تغلب الاحزان

هاتى ايدك لونى حلمى البعيد

هاتيها يصبح حلم العمر بالالوان

هاتى ايدك فى بكره مية مشوار

هاتيها تسند قلبى فى اى اختيار


من تخاريف زمان

.

خليه يعيش

سيبه يعيش

ادعيله يفرح

بلاش تكون

انت المه

او ايد بتجرح

بلاش يحس بحبك

او يلاقيك

فى كل مطرح

سيبه ينسى حنانك

قول لقلبه

الماضى روح

شيل عيونك من طريقه

بلاش تقول الشعر فيه

سيب ضميره يستريح

ولا يحس اللى انت فيه

.

عيد الحب

عيد القلوب

ورد وازهار

وعطر ودبدوب

اشعار تتقال

وحبيب بيدوب

قالوا فى الامثال

وعد ومكتوب

قالوا فى الموال

غالب ومغلوب

عيد الحبايب

والكل دايب

وقلب يسهر

مع قلب صاحب

وقلب يحلم

بقلب غايب

اقول واعيد

فى احلى عيد

ده عيد لقلبك

وقلب حبك

اتمنى دايما

يكون سعيد

ولا عمرى اشوفه

وحيد فى عيد

.

كله من اسامه

اسامه ده يبقى صديقى فى الشغل اشترى كلب صغير وكان عاوز يفسحه فطلب منى

الطوق عشان لسه ماشتراش واحد-وطبعا لانه عارف انى من هواه تربيه الكلاب يبقى لازم عندى طوق

ولانى باحترم حق الكلاب فى الفسحه اعطيته له

ما علينا

يوم الجمعه يوم اجازه وعشان من حق كلبى انه يتفسح كان اخويا رايح يمارس هوايته فى صيد السمك


اخد معاه كلبى -ركن العربيه فى مكان قريب من مكان الصيد واندمج فى الصيد

بعد شويه كلبى زهق ورجع يلعب جنب العربيه

الدنيا ضلمت والجو سقعرجع اخويا ولما وصل عندالعربيه....يالها من فاجعه...الكلب مش موجود..واخويا اتاخر

كلمته-ايه الاخبار كفايه كده

-انا راجع بس فيه صدمه

- خير؟

- مش لاقى الكلب

- ازااااااااااااااااى؟

-بقالى نص ساعه بدور عليه وسألت الناس فيه قالولى ان عربيه حمرا عدت وكان فيها كلب ابيض

وناس تانى قالوا كان فيه كلب ابيض بيجرى ناحيه الميه

-خلاص ارجع ونشوف الموضوع ده

ووصل البيت من غير الكلب مكنتش مصدقه ان الكلب خلاص ضاع

اللى معندوهش هوايه تربيه الكلاب يبطل ضحك

بعد كذا ساعه وكانت حوالى الساعه 11 ليلا قلت لاخويا تعالى نلف لفه حوالين المنطقه ندور على الكلب

-طيب الصبح عشان الدنيا ضلمه وبرد

-لا

-طيب نتعشى ونروح

-لا

-مش هنلاقيه دلوقتى

-هو هيلاقينا

-اوك

نزلنا ومشينا على اقل من مهلنا -وندى كلاكسات-وننادى عليه-مافيش

والدنيا برد -وفتحنا الشبابيك- وانا عماله اقول لنفسى ياترى هنلاقيه؟ ياترى عامل ايه؟ وهو متدلع ومش

واخد على البهدله والمكان ضلمه خالص وبرد تلج فى اليوم ده وفجأه....وسط كلاكسات العربيه سمعنا صوت كلب

ولكن.....مش هو

وبعد شويه قبل ما افقد الامل سمعنا صوت مجموعه كلاب ولكن...مكنش معاهم

وبعد كام خطوه لقينا صوت زى حصان بيجرى ورانا.........ايه ده ......ده هو...هو


.......الحمدلله لاقانا اخيرا

وركب العربيه

ساعتها كان نفسى افهم لغه الكلاب

لانه قعد يعمل اصوات كانه بيلوم اخويا انه سابه ..مع انه هو اللى راح يلعب بعيد ..

اكيد كان فرحان انه وصل بيته بالسلامه

ويمكن يكون حس بفرحتنا احنا كمان

دى قصه حقيقيه...بس .........................كله من اسامه

.

ارجو ان تحافظي على عينىّ اللتين معك

ارجو ان تحافظي على عينىّ اللتين معك

يحكى عن فتاة عمياء كانت تعيش فى احدى القرى الصغيره وكانت تحب شابا وسيما بصوره كبيره جدا.
كانت قصة حبهما مليئه بالغرام والشغف الشديد ولكن العقبه الوحيد التى واجهتهما ان الفتاه لم تستطع رؤية

حبيبها بعينيها فكانت تقول له انها ستتزوجه اذا استطاعت ان تراه بعينيها .

فى يوم من الايام جاء شخص وتبرع بعيونه لهذه الفتاة الحزينه
وبعد العمليه اصبحت قادره على الرؤيه ورجع نظرها اليها ولأول مره استطاعت ان ترى الذى احبته واحبها
ولكن سرعان ما صعقت وخابت كل آمالها واسودت الدنيا فى عينيها لتكتشف ان حبيبها شخص اعمى
لا يرى شيئا فتقدم حبيبها اليهاوسألها قائلا (هل ترغبين الزواج منىبعدما ابصرت ؟؟
وبكل برود رفضت الفتاة عرض الزواج منه ..........
فابتسم الشاب وهو يقول لها
**
**
**
**
**
ارجو ان تحافظى على عينىّ اللتين معك
القصه اكيد رمزيه لكنها بتحمل معانى ودروس مستفاده كتييير
لكن هسيبلكم النهايه انتوا تحكموا وتختاروا النهايه المناسبه

قال على رأى المثل

مدونه جديده بنطرح فيها امثالنا الشعبيه للنقاش
http://amsaal.blogspot.com

التورته دى مش للمدونه الجديده التورته دى بمناسبة عيد ميلاد تومى

عيد ميلاد سعيد وعقبال 300 سنه

.

خايف ترجعيلى

انا خايف ترجعيلى

كام مره توجعينى

خايف حبك يجيبك

ومن تانى اخسرك

وتقررى تنسينى

انا خايف اوحشك

ومن تانى اسمعك

وانتى بتحبينى

انا خايف تندهينى

اجرى عليكى بحنينى

الاقيكى بتبعدينى

انا خايف من عنادك

اكتر من خوف بعادك

خايف من جرح تانى

بكره مستنينى

انا خايف توجعينى

واتمنى ترجعيلى
.
.