طق حنك مش اكتر

الثلاثاء، ديسمبر 22، 2009

قالوا عن المراه


اجمل عيوب المرأه

اذا كان هذا عيب للمرأه ... فهو بالتأكيد اجمل العيوب فيها.؟

قالوا عن الرجل والمرأه

ان المرأه لم تخلق من رأس الرجل لئلا تتعالى عليه

ولم تخلق من رجله لئلا يحتقرها

وانما خلقت من ضلعه لتكون تحت جناحه فيحميها وقريبه من قلبه فيحبها

وقالوا ايضا .اذا تلبد قلب الرجل بالهموم انزاحت سحب الظلام بظهور المرأه

من الاقوال الاخرى عن الرجل والمرأه والعلاقه بينهما.......

اذا احبت المرأه ضحت بنفسها من اجل قلبها واذا كرهت ضحت بغيرها

المرأه اكثر تضحيه من أى شخص فى الارض ان احبت

اذا كانت المرأه الجميله جوهره فالمرأه الفاضله كنز

اذاكانت المرأه عيبا طبيعيا!!!!!!!!!!فهى بلا شك اجمل عيوب الطبيعه

المرأه تكتم الحب اربعين سنه ولا تكتم البغض ساعة واحده

أغبى النساء هى من تصدق ان الحب يتحول الى ( صداقه بريئه )

أكبر لص تحت قبة السماء هو الجمال الكامن فى عين المرأه

كل فلسفة الرجال لا تعادل واحده من عواطف المرأه

دموع المرأه طوفان يغرق فيه امهر السباحين واقوى نفوذا من القوانين

تعرف المرأه الطيبه مما تفعل ويعرف الرجل الطيب مما لا يفعل

المرأه اقدر حفظ سرها من سر غيرها

بيت بلا امرأه كجسم بلا روح




الثلاثاء، ديسمبر 15، 2009

من رباعياتى


حبيبى مفارقنى فى لحظة غضب

ماتجرحش قلبى و ده اخر طلب

ده اصعب جــــراح الغـــــرام

الجــــرح مــن غـــير ســـبب

.

الخميس، ديسمبر 10، 2009

عودت قلبى


عودت قلبى على حبك

عودت حبى على قلبك

كل سكوتى وكلامى

بيغنى كلمة احبك

بقيت اشوفك فى منامى

احكى معاك واسمع ردك

عايش معايا فى احلامى

حتى غنايا على قدك

فى البعد اشوفك قدامى

وكأنى لسه ساكن حضنك

قرب تنور ايامى

مابقيتش اخاف غير من بعدك

.

السبت، ديسمبر 05، 2009

الحب كله



انا لسه شايفاك فى منامى

فى الحلم فارس احلامى

فى العلم شايفاك قدامى

فى الشده ايدك تسندنى

فى الهم ودنك سامعانى

فى الحب قلبك يسعدنى

فى طريقى رجلك سابقانى

فى الوحده روحك تأنسنى

فى الضلمه عينك شايفانى

ازاى قلبك يطاوعنى

لما بقولك تنسانى!!!!
.

السبت، نوفمبر 28، 2009

اول لمسه


كنت هسيبلك قلبى فى ايدك

لما المسها

لما احضنها

بكف حبيبك

كنت هسلم

وامشى بسرعه

مش هتكلم

امشى و رافع ايدى لفوق

ايد مغروره بلمسة ايدك

ايد محفوره فيها كفوفك

كل ما اشوفها

كانى بشوفك
.
ملحوظه ..عايز التعليقات تكون ذكريات واحاسيس اول لمسه
واللى مجربش يتوقع

الخميس، نوفمبر 26، 2009

عن المرأه


[]اسم العنصر : المرأة

الخواص الفيزيائية: تصل لدرجه الغليان لاتفه الاسباب .

يمكن ان تتجمد فى اي وقت.تذوب بسرعه عند معاملتها بالشكل اللائق.
شديد المراره اذا لم يستعمل بالطريقة الصحيحة...

الخواص الكيميائية:عضو نشط جد.غير مستقر.

يملك حساسيه قويه للذهب والفضه والاحجار الكريمة والبلاتين.

عنيف اذا ترك وحيدا.

محفز مثالي للحصول على الثروه.افضل العناصر المبددة للدخل التي عرفت حتى الان.

لا يستطيع الصمود طويلا بدون كلام.قابل للانفجار اذا وضع فى مأزق.

قابله لتغير شكلها عند غسلها بالماء

السبت، نوفمبر 21، 2009

نقدر نحب بعض على عيوبنا!!!!!!!!



ابان الحرب الامريكية فى فيتنام ، رن جرس الهاتف فى منزل من منازل احياء كاليفورنيا الهادئه

كان المنزل لزوجين عجوزين لهما ابن وحيد مجند فى الجيش الأمريكى ،كان القلق يغمرهما على

ابنهما الوحيد ، يصليان ويدعيان لاجله باستمرار ، وما ان رن الهاتف حتى تسابق الزوجان لتلقى

المكالمه فى شوق وقلق..........

الاب: هالو ...من المتحدث ؟

الطرف الثانى : أبى انه انا كلارك، كيف حالك يا والدى العزيز؟

الاب ( بلهفه): كيف حالك يا بنى , ومتى ستعود؟

الام : هل انت بخير؟؟

كلارك : نعم انا بخير , وقد عدت منذ يومين فقط .

الاب : حقا , ومتى ستعود للبيت ؟ انا وامك نشتاق عليك كثيرا.

كلارك : لا أستطيع الان يا ابى ,فأنا معى صديقى فقد ذراعيه وقدمه اليمنى فى الحرب

وبالكاد يتحرك ويتكلم ,هل استطيع ان أحضره معى يا أبى ؟؟؟؟؟

الاب : تحضره معك ! ؟

كلارك : نعم, أنا لا استطيع ان أتركه , وهو يخشى أن يرجع لأهله بهذه الصوره ,

ولا يقدر أن على مواجهتهم , إنه يتساءل:هل يا ترى سيقبلونه على هذا

الحال أم سيكون عبئا وعاله عليهم ؟؟؟

الاب : يا بنى , مالك وماله اتركه لحاله . دع الامر للمستشفى ليتولاه ولكن ان تحضره

معك فهذا مستحيل, من سيخدمه ؟ انت تقول انه فقد ذراعيه وقدمه اليمنى,سيكون

عاله علينا ..من سيستطيع ان يعيش معه ؟؟ كلارك .....هل ما زلت تسمعنى يا بنى

لماذا لا ترد؟؟

كلارك : انا اسمعك يا أبى هل هذا قرارك الأخير ؟

الأب: نعم يا بنى , تصل بأحد من عائلته ليأتى ويتسلمه ودع الأمر لهم .

كلارك : ولكن هل تظن يا أبى ان احدا من عائلته سيقبله عنده هكذا ؟؟؟

الأب : لا أظن يا ولدى , لا احد يقدر على تحمل مثل هذا العبء!

كلارك : لابد ان اذهب الآن وداعا ...


وبعد يومين من المحادثه ، انتشلت القوات البحريه جثة المجند كلارك من مياه خليج كاليفورنيا بعد ان

استطاع الهرب من مستشفى القوات الأمريكيه وانتحر من فوق إحدى الجسور!!!

دعى الاب لاستلام جثة ابنه ...وكم كانت دهشته عندما وجد جثة الابن بلا ذراعين ولا قدم يمنى , فاخبره

الطبيب أنه فقد ذراعيه وقدمه فى الحرب ! عندها فقط فهم الاب انه لم يكن صديق ابنه سوى الابن ذاته

كلارك الذى اراد ان يعرف موقف الابوين من اعاقته قبل ان يسافر اليهم ويريهم نفسه.

ان الاب فى هذه القصه يشبه الكثيرين منا , ربما من السهل علينا ان نحب مجموعه من حولنا دون

غيرهم لانهم ظرفاء أو لأن شكلهم جميل , ولكننا لا نستطيع أن نحب أبدا غيرالكاملين سواء أكان

عدم الكمال فى الشكل او فى الطباع او فى التصرفات..

ليتنا نقبل كل واحد على نقصه متذكرين دائما اننا نحن أيضا لنا نقصا , وإنه لا أحد كامل مهما بدا

عكس ذلك!
.

الخميس، نوفمبر 19، 2009

البعيد عن العين


هل البعد عن الحبيب بالغربه ينقص الحب او يلغيه ؟

هل صحيح ان البعيد عن العين بعيدعن القلب ؟

هل الابتعاد أو السفر يذهب الحب !ويعنى النهايه ؟

اذا حدث لك ذلك..... هل ستبحث مباشرة عن بديل الراحل؟؟

أم ستنتظر عودته مهما طالت مدة غيابه؟؟

هل ستظل مشاعرك تجاهه كما كانت؟

أم ستقل؟

أم ستزداد مع اشتياقك إليه؟؟
.

الثلاثاء، نوفمبر 17، 2009

مع الذكريات


انا على وعدى القديم..هكذا قالها فى سره عندما التقاها لاول مره بعد سنوات الفراق

انا على وعدى ساظل اذكرك كل يوم فى المساء عندما اتابع برنامجنا الاخبارى المفضل

سأذكرك كل اسبوع فى اليوم الذى تعودنا ان نلتقى فيه..سأذكرك كل شهر عندما يكتمل

القمر كما تعودنا ان ننتظره سويا...سأذكرك كل عام فى يوم مولدى وفى يوم مولدك ويوم

مولد حبنا ويوم فراقنا ..سأفتقدك فى كل الاعياد...حتى عيد زواجك سأظل اذكره......

وتوالت الذكريات وتتابعت المحطات..بالطبع هو يعلم محطة نزولها ...وتغير البشر حولهم

اناس يذهبون واخرون يأتون وتغير كذلك تفكيره ...ورغم انها فى اخر العربه الا انه حاول

ان يفسر حالتها من هيئتها ...ترى هل هى سعيده ؟ هى امامه محتفظه بجمالها واناقتها بل

انه يشم نفس عطرها الجذاب ترى هل يدل كل هذا على انها سعيده ام لانها تعودت على

ان تكون متأنقه دائما ...اه لقد بدأت دوامة الاسئله وهو يعلم انه لن يستطيع التوقف عن

التفكير بدا مستسلما لتفكيره ...اين ابنائها ؟ لقد علم من زملاء الدراسه انها انجبت طفلتين

ترى هل هم فى نفس جمالها ؟ لطالما اخبرها انه يتمنى ان ينجب منها طفله تشبهها...

رمى نظره بعيدا من الشباك لعله يجد فى الطريق ما يقطع تواصل افكاره ....

كل الاشياء من حوله تذكره بها .كل الاسئله تقفز دفعه واحده بصوره عشوائيه.


ولكن اكثر الاسئله صعوبه هو ...لماذا لم تنزل فى المحطه السابقه حيث تسكن

هل غيرت سكنها ؟ الى اين هى ذاهبه ؟ هل تعمدت عدم النزول لتبقى معه قليلا ؟

لماذا لا يذهب اليها الم يكونا يوما صديقين ...ربما تعتقد انه يتجاهلها ...لا. انه لا يتحمل

ان تعتقد فيه هذا..وقبل ان يتراجع فى قراره بدا التحرك نحوها.ولكن كيف يبدأ حديثه

وعن ماذا سيتكلم..تثاقلت خطواته ولكنه لم يستطيع التوقف شيىء ما يشده نحوها

سيذهب وليكن ما يكون لماذا لا يترك لسانه يتكلم كما يشاء لقد كانوا يتكلمون سويا

لساعات طويله فكيف لا يجد الان مايقوله

وقبل ان يصل اليها بخطوات تسمر فى مكانه ..ان ملامحها مختلفه قليلا ...انها ليست هى

لالا بل هى مع اختلاف السنوات ..لا ليست هى

استدار عائدا الى مكانه ..ولكن بقى سؤال واحد ..اخر سؤال

هل كانت هى .........

هل نسيها لدرجة انه لم يعد يميز ملامحها عن الاخريات

ام يحبها لدرجة انه يراها فى كل النساء؟؟؟؟؟؟؟؟
.
.

الاثنين، نوفمبر 09، 2009

زى النهارده

زمااااااااااان


زى النهارده كان عندى يوم


سنى يعنى


مش عارفه اتخيل كان شكلى ازاى


اكيد كنت زى الاطفال اللى لسه مولودين


يع


بس


بيكونوا ناعمييييييين زى ورق الورد


ويمكن انعم


ومغمضيين زى القطط ومعظم الحيوانات


الظريف ان كل حد يقولك ده شبه ابوه او امه او خاله


مع انى مشفتش طفل شكله زى حد من اهله لغايه دلوقتى


المهم


احساس غريب لما بفكر ان من سنين اكتر من عدد صوابع ايديا ورجليا


كان عندى يوم او عدد ساعات مكملش يوم


مكنش عندى مشاكل يمكن كان عند بابا وماما


لكن انا .....لا


كان اول يوم عينيا تشوف الشمس


حد فاكر يفكرنى؟؟؟؟؟؟
ملحوظه: دى مش صورتى بس كل الاطفال بيكونوا كده

الأربعاء، نوفمبر 04، 2009

عيد الحب


بحب حبك
وبحبك
وبحب الحب
بحب الدنيا
واحب الناس
يا اطيب قلب
يا غالى عليا
ونور لياليا
احميه يارب

كل سنه وانتوا كلكم بخير وحب

الاثنين، نوفمبر 02، 2009

لو كان


لوكان قلبك ليا حبيب

كنا خلقنا بايدنا نصيب

كنا بكلمة حب جميله

كل جراح القلب تطيب

لكن قلبك كان البايع

صاحب لعبة

سيب وانا اسيب

لوكان حبك بس معايا

لوكان قلبى ليك وكفايه

عمر مايوم تفصلنا نهايه

عمر مايوم توجعنا حكايه

ولا نحتاج للقلب طبيب

لو كان قلبك.

لو كان قلبى.

كنا فضلنا حبيب وحبيب

.

السبت، أكتوبر 31، 2009

تصحيح


الطريق لقلب الراجل معدته


معلومه صحيحه


لكن




يقصد ايه بكلمه "قلب"




القلب اللى بينبض




وللا




القلب بمعنى




الدلق؟؟؟؟؟؟؟؟؟

الثلاثاء، أكتوبر 27، 2009

كلام الحب


كل كلام الحب عشانك

حتى سكوتى بينطق بيه

كل مكان فى القلب مكانك

تملكى دمى النابض فيه

كل افراح الدنيا عيونك

حتى الفرح ال مستنيه

كل الحان الغنا الحانك

واسمك لحنى اللى بغنيه

كل غنايا من احزانك

حتى الشعر اللى مخبيه

كل دموع البعد عشانك

وقربك املى وعايش بيه

.

الاثنين، أكتوبر 26، 2009

س ج م


http://hmommasr.blogspot.com/

موضوع جديد على هموم مصريه

الجمعة، أكتوبر 23، 2009

حبيب القلب


حبيب القلب

ياللى القلب من جوه

بيرتاحلك

يا اجمل حب

ياللى الحب انا وهو

بنندهلك

يانور العين

لو رحت فين انا وقلبى

بنشتاقلك

يادوا روحى

وبلسم شافى لجروحى

لو اسمعلك

يافرح العمر

راح اغلى العمر

من قبلك

.

الثلاثاء، أكتوبر 20، 2009

الف حكايه

بينى وبينك الف حكايه

بينى وبينك بحر مشاعر

كل كلام الحب معايا

كل ما أحبك اصبح شاعر

انطق اسمك حتى فى سرى

يطلع احلى كلام غنوايا

حتى الفرشه بتجرى فى ايدى

ترسم قلبك ورده وعينك نجمايا

اسألى فرع الشجره فى بيتنا

محفور اسمك جوه خلايا

بينى وبينك حب كبير

بينى وبينك سر فى بير

بينى وبينك الف حكايه

اجمل تفاصيلها جوايا

.

الخميس، أكتوبر 15، 2009

الامل


ارسمونى فى الكراسات

هتلاقونى دوامات

تدور فى كل الاتجاهات

ارسمونى مركب ورق

جوه بحر كبير

وريح شديد

بس بتقاوم الغرق

ارسمونى شباك مفتوح

فى ليل عتمه

مستنى بكره اللى لازم ييجى

الشمس فين هتروح!!

ارسمونى حبه

فى بطن الارض مرميه

ماحدش يقول ماتت

بعد ماتشرب حبة ميه

تطلع من الارض رافعه ايديها للسما

عود اخضر واوراق نديه

ارسمونى فى القلوب

جنه خضرا

ارسمونى على الوشوش

بسمه ظاهره

ارسمونى وارسمونى

ولو غبت

فى كل بكره

استنونى

.

الثلاثاء، أكتوبر 13، 2009

بنقول فراق



على فين تروحى

يامالكه روحى

وانتى اللى بعدك

اصعب جروحى

ازاى تغيبى

وقلبك حبيبى

وانتى اللى حبك

جرحى وطبيبى

بنقول وداع

وعمر ضاع

وبكره كدبه

واكبر خداع

والقلب جوه

عامل فتوه

ولا هامه جرحه

ولا حلم تاه

بيقول هينسى

ويمكن يقسى

ويقدر يبيع

قلب اشتراه

.

الجمعة، أكتوبر 09، 2009

لسعات خفيفه (2)


ممكن نبعد عن ناس عايشين معانا
لكن صعب نبعد عن ناس عايشين جوانا

الأربعاء، أكتوبر 07، 2009

الغيره - من رباعياتى


ياما شفت حبيب محتار باينه فى عنيه الحيره
وعيون بتطق شرار بتحكى فى الحب سيره
وعيون سهرانه وقلوب حيرانه ودموع ولهانه
انا قلت الحب عذاب قالولى كفايه الغيره

الأحد، أكتوبر 04، 2009

بحبك فوق ماتتصورى

بحبك فوق ماتتصورى
واكتر من خيالك
بحبك لو هتتغيرى
او لسه فى مكانك
بحبك كلمه ماتقالتش
بقلبك انتى سامعاها
بحبك نظره مخطوفه
محفوظه صورتك جواها
بحبك لمسه ممنوعه
بكل كيانى اتمناها
بحبك همسه موجوعه
من اشواق شايلاها
بحبك كلمه مهجوره
اوعى تكونى ناسياها


اعتذار
معلش مش قادر ارد على تعليقات
او ازور حد لانى مسافر

الخميس، أكتوبر 01، 2009

بتوحشينى

مش عايز امشى
ولا رجلى مطاوعانى
مش قادر اسكت
والكلمه على لسانى
اللى شفته فى عيونك
هزنى وزلزل كيانى
حسيت من دفا وداعك
باديك محاوطانى
ولقيتك بتوحشينى
وانا لسه فى مكانى
وفضلت اقولك بحبك
وانتى مش سامعانى

من تخاريفى القديمه

السبت، سبتمبر 26، 2009

اسمعيها




بحبك وانتى عارفه
ومش محتاج اقول
بحبك و انتى ساكته
واللى يصبر ينول
بحبك وعارف
مش ناويه تقوليها
ولا عايزه تسمعيها
وبكل ذره فى كيانك
حاسه بيا وبيها
وعارفه اللى فيها
ورغم كل اللى قولته
نفسى اقولها
وتسمعيها

ممكن ....

ولا افضل مخبيها

صيف1995

الجمعة، سبتمبر 25، 2009

الحب المقتول - من رباعياتى

.
لما الحب مات عملوله جنازه عال
الكل ماشى فيها كبار وشباب وعيال
سألت مين الجانى مين اللى قتل الحب
قالولى مش لاقيينه لكن اسمه الاهمال
.

الخميس، سبتمبر 17، 2009

اذكرينى

عندما ينهدم معبده على رأسك....

عندما تمتلىء بالاحزان كأسك...

عندما تحترق كل شموعك...

عندما تختنق دموعك.....

عندما يشتاق قلبك للحياه..

ويتمنى لو يقفز من ضلوعك

ليغير ماكتب على الجباه

سأكون انا وقلبى لأملك منتهاه

15/06/1997

الخميس، سبتمبر 10، 2009

اغلى دموع

لما تنزل اغلى دموع
يبقى قلب حبيبك
من ظلمك موجوع
لما بكل كيانه يصرخ
ان ده وقت الرجوع
.............
لما تنزل اغلى دموع
سيبها تنزل
سيبها تغسل
يمكن يغفر
يمكن تشفى قلبه المخدوع
.............
لما تنزل اغلى دموع
يبقى اى كلام مش كافى
يبقى دواها حضن دافى
واعتذار بصوت مسموع
.............
لما تنزل اغلى دموع
سيبها تنزل للنهايه
سيبها تحكيلك الحكايه
مين اللى قال البكا ممنوع
لما تنزل اغلى دموع
..............

الجمعة، سبتمبر 04، 2009

قلب مغشوش - من رباعياتى


الحب يابن ادم يبان على الوشوش
زى الشمس واضح وعينك ماتشفهوش
تجرى بلاد وبلاد تطارد سراب
تسيب قلب حبك وتشترى المغشوش

الأحد، أغسطس 30، 2009

خلاص جرحت


خلاص ارتحت
جيت وجرحت
طب كنت استنى
اتفرج
شوف الم الجرح
دى الفرجه كانت ببلاش
والدم كان للركب
والدمع على خدى كتب
حبك ليا
ابسط طلب
وجرحك ليا
مالوش سبب
انا طلبى امان
وحضن حنان
وقلب ناسى
جروح زمان

الجمعة، أغسطس 28، 2009

ماتظلمينيش


ماتظلمينيش
لازم نخسر قلوب
علشان قلو ب تانيه
تعيش
لازم نقفل صفحات
وصفحات
ماتتمحيش
لازم ننسى ذكريات
وذكريات
ماتتنسيش
وكفايه نبض قلبى
من غيرك مش هيعيش
وكفايه لما سبتك
قلبك ماكرهنيش
كفايه عليا عذابى
لما اقولك بحبك
وانتى ماتسمعيش
.

الاثنين، أغسطس 24، 2009

راجع ليه

راجع ليه
بعد ماضاق
الكون حواليه
بعد مالف ودار ودور
راجع بعد ماقلبى تغير
راجع يحفر ع المدفون
راجع واثق زى ما سابه
زمان مركون
على نفس الرف يلاقيه
راجع ليا ولا ليه
فاكر يعنى لما ينادى
هرد عليه
فاكر لما بطرف صباعه
يشاور
هترمى فى ايديه
راجع فاكر لسه
فى قلبى مكان
يجرح فيه!!!!!
.

الثلاثاء، أغسطس 18، 2009

صاحبت صحاب كتير..مافضلش منهم صاحب
ضحيت بغالى ورخيص..وبرضه مش عاجب
اشتريت وانا متباع .......فاكرهم واتنست
صحيح الخل الوفى ... يتعد من العجايب

الاثنين، أغسطس 17، 2009

الصاحب - من رباعياتى


صاحبت صحاب كتير..مافضلش منهم صاحب

ضحيت بغالى ورخيص..وبرضه مش عاجب

اشتريت وانا متباع .......فاكرهم واتنست

صحيح الخل الوفى ... يتعد من العجايب

السبت، أغسطس 15، 2009

قلب خالى - من رباعياتى


نزلت سوق القلوب اشوفلى قلب خالى
لاعمره داق الجرح ولا سهر ليالى
يكون من جوه ابيض ماعرفش الكراهيه
قالولى مش بنبيعه لان تمنه غالى
.

الثلاثاء، أغسطس 11، 2009

بحبك من تانى


بحبك من تانى

نفس حبى الاولانى

بس يمكن بشكل تانى

الفرق بينهم

انا بطلت اكون انانى

خلاص عرفت

الجم لسانى

واقول بحبك

من غير صوت

واسمع فى صمتك

احلى الاغانى

قدرت اخدك

واطير واطير

وانا فى مكانى

قدرت اهرب

من زمانى

ماتسأليش

عن الامانى

خلاص سلمت للمستحيل

ومش عايز اعرف

مين الجانى

ولا عايز اسمع

حكم تانى

السبت، أغسطس 08، 2009

الموج - من رباعياتى


ياموج بيتسابق على شط فيه موتك

ارجع لبحرغميق عيش فى ملكوتك

ارحل لقلب المحيط اهرب من المكتوب

قال هاحضن الرمله مهما على صوتك

الأربعاء، أغسطس 05، 2009

نلتقى بعد الفاصل


عدنا
وعاد الحنين
وكأن البعد
وفراق السنين
فقره اعلانيه
حاولت اتسوق
حبا اخر
قلبا اخر
اتسوق كلمات
لم يعرفها المحبين
اشترى نظرات
لم المحها من قبل
فى عيون العاشقين
ابحث فى تاريخ العشق
اجمع اشواق السابقين
انتهى الفاصل
لم اجد سوى كلماتى
لم اشترى الا نظراتى
لايوجد حبا اخر
يمكن ان يملك حياتى

الأحد، أغسطس 02، 2009

الحقيقه - من رباعياتى



الظالم بيكرهنى ولايوم تجمعنا طريقه

يخاف منى الكداب خوفه من الحريقه

شروقى بعد الضلام ينجى كل برىء

فى شهادة ميلادى مكتوب اسمى الحقيقه

الخميس، يوليو 30، 2009

الحقيقه


سؤال من عاشقة الاحزان ........اذكر10حقائق

ولان الاجابه صعبه جدا...وناس كتير عاشت

وماتت بتدرو على الحقيقه وما وصلتش

والغش حوالينا فى كل مكان...تعالوا مع بعض ندور على الحقيقه


فيه حقيقه بننكرها..........

وحقيقه بنكرهها..........

حقيقه بتجرحنا..........

وحقيقه تفرحنا.........

حقيقه جوهرها سراب...........

وحقيقه جواها عذاب.........

حقيقه تلاقيها فى كتاب.........

وحقيقه تشوفها.........

فى عيون الاصحاب........

الله حقيقه

الوجود حقيقه

الموت حقيقه

الحب حقيقه

الكره حريقه
.

الثلاثاء، يوليو 28، 2009

لسعات خفيفه (1)


الحب يمكن ان يدفن...لكنه لايموت

عشاق الليل


سهرانين

سايبين النوم لاهله

والسهر هديه

للى يستاهله

عاشقين نجوم الليل

مع صوت غنا المواويل

والقمر يندهله

فى كل مسا ياجميل

اقولك ..تسهر على خير

تقولى ...وانت من اهله


.

الأحد، يوليو 26، 2009

يااااااااحمار*****ياااااااااااكلب




يااااااااحمار*****ياااااااااااكلب
ضغطى ارتفع من واحده غبيه النهارده..بس مش قادره اقول عليها حماره...ليه بقى
لانى اصلا بستغبى اللى بيقول على البنى ادم الغبى ...حمار
ليه بقى
لان الحمار اذكى تالت حيوان
تصوروا العربيه الكارو اللى بيشدها حمار صاحبها وهو رايح السوق بيبقى نايم على العربيه جنب الخضار والفاكهه
وسايب الحمار "الغبى" يسوق العربيه من شمال البلد الى جنوبها ويعدى طرق وبين العربيات ..وووووووووووو
ده كله لوحده والعربجى نااااااااااااايم لانه عارف انه مش هيتوه ليه بقى؟؟؟؟؟؟؟؟؟؟
عشان عارف ان الحمار مش غبى ده اللى بيشتم الغبى هو الغبى
وللا يعينى على الكلب
اللى بيشتم البنى ادم الخاين بيقوله يا "ياكلب"
طيب ده مفروض الكلب وفى وكل البشر فى كل الدنيا بيقولوا على الكلب انه وفى...تعالى نشوف لو عندك كلب وحصلك
حاجه..خلتك نايم فتره فى السرير .هتلاقيه تحت رجليك
ولو مدربه مثلا ممكن يروح يطلبلك نجده من الجيران....لو مدربه يعنى....شوف بقى لو ماشى فى الشارع وحد هجم عليك يضربك هتلاقيه لحقك قبل البوليس الشاطر بتاعنا.
صاحبتى كان عند بباها كلب وجه بباها مات
عارفين...الكلب بتاعه مات بعده باسبوع بعد ما قعد الاسبوع ده مش بياكل.
ومواقف كتير مش هقدر احكيها هنا
بااااااااااااااااااااااى

الجمعة، يوليو 24، 2009

اهداء الى قلبها


قلب العاشق دليله

وانا قلبى حس بيه

شايف دموع قلبك

وجرحه اللى مخبيه

ساكت صامد وصابر

والحيره ساكنه فيه

سامع صمتك بيصرخ

يقول انا ذنبى ايه

نفسه يكمل طريقه

وقلبك مش ملك ليه

امله ترحل مراكبه

فى بحر بكره اللى مستنيه

نفسه يصبح يلاقى

الحيره مش بتلاقيه

يتمنى يبص فى قلبه

مايشوفش قلبك فيه




الأربعاء، يوليو 22، 2009

خليه يعيش


سيبه يعيش

ادعيله يفرح

بلاش تكون

انت المه

او ايد بتجرح

بلاش يحس بحبك

او يلاقيك

فى كل مطرح

سيبه ينسى حنانك

قول لقلبه

الماضى روح

شيل عيونك من طريقه

بلاش تقول الشعر فيه

سيب ضميره يستريح

ولا يحس اللى انت فيه

.

الأحد، يوليو 19، 2009

استحاله

ارجع تانى
لنفس الحاله
واعيد الجرح
ارجع اسهر
اكتب رساله
واستنى الفرح
ازرع شجرة بكره
فى قلبى
واتمنى الطرح
تطرح شوك
والورد لغيرى
يروح فى رساله
.

الأربعاء، يوليو 15، 2009

انا والقمر - من رباعياتى


انا والقمر صحاب من زمان باشكيله الهموم

استنى كل شهر لكنه مش بيدوم

على مهلك ياقمر خليك شويه

قالى ...الغالى يرخص لو يطلع كل يوم

الأحد، يوليو 12، 2009

مش باقى منى - النسخه الصينى



مش باقى منى ..غير شهاده ورق

مكتوب حروفها بالكفاح والعرق

كان جوه منها حلم عمر اتسرق

وانا فى طابور الشغل

عمرى كله مرق

مش باقى منى....غير شهاده مكتوبه

كبيره وعاليه لكن مش مطلوبه

تعب السنين اتحول

حبر على ورق

.........

مش باقى منى غير جواز سفر

قلبه ابيض مستنى تأشيره

فى كل بلاد الدنيا

قابلوه بتكشيره

راضى بحكم القدر

مش خايف من الغرق

حالف يسافر

لو فى مركب ورق

الثلاثاء، يوليو 07، 2009

الصبر طيب

قلبى اصبح ضعيف
ودمع عينى قريب
والحق على طرف لسانى
لكن ماينطقهوش
الظالم يضرب اخويا
وايدى ماتحوشهوش
قالولى الظلم مر
انا قلت الصبر طيب

السبت، يوليو 04، 2009

ارانب ..ارانب

الارانب من فصيله القوارض
لاتمشى ولا تجرى
لكنها تنط على رجليها الخلفيه وهى اطول واقوى من الامامه
لما بتحس بخطر بتجرى بسرعه توصل ل 29 كيلو متر فى الساعه
بتدبدب برجليها الخلفيه لما بتحس بخطر وتحذر بعضها

بتتراوح مده حمل الانثى من 26 الى 30 يوم
لما بيتولدوا الصغار مش بيشوفوا ولا يسمعوا ومن غير فرو
بتحفر الام جحر وتجهزه لولادها الصغيريين
وبتقطع فروها بسنانها من جسمها عشان تفرشه تحت اطفالها
وبتولد حوالى 5 مرات فى حياتها
والمره الواحده بتولد من 5 الى8 ارانب
والارانب لحمها ابيض واليافه لينه وفيها كميه بسيطه جدا من الدهون
ومليان بروتين مغذى
ده غير طعمه الرائع
وفروه لما تعمله ميداليه ناعمه وللا محفظه جميله


الثلاثاء، يونيو 30، 2009

خايف من يوم وداعك


خايف من يوم وداعك

لما تشيلى سنينى

فى شنطة السفر

لما تاخدى القمر

وتسيبى ليل وسهر

ويبقى ليلى عتمه

من غير ضى القمر

خايف من يوم ضياعك

تاخدى كل اشعارى

ويفضل قلمى وحيد

يرفض يطاوعنى

ولا يكتب كلام جديد

ويبقى سطرى وحيد

والحرف بايعنى

خايف من يوم وداعك

المح فى عينك حنين

او دمعه من اوجاعك

ندمانه على السنين

تغطى فرحتك

وضحكتك

ويبان قلبك حزين

خايف على قلبك

مايكونش فيه قلبى

خايف على قلبى

مايكونش فيه قلبك

خايف على القلبين

يحنوا ليوم زمان

كانوا قلب واحد

مقسوم على جسمين
.
.

الأربعاء، يونيو 24، 2009

بلدى - من رباعياتى


طول عمرى احب بلدى واقول ماتحبنيش

طول عمرى اخد منها واقول مابتدنيش

رحلت وسبتها وهجيت رجعت ابوس ترابها

واقول كفايه سايبانى على ارضها اعيش

الثلاثاء، يونيو 23، 2009

السعاده - من رباعياتى


دخلت البنك اجيب سعاده مالقيتش الصنف ده

الطبيب ادانى صحه بس السعاده مش كده

الحظ ضحكلى بس مشفتش معاه سعاده

سألت عطار قديم ...ادانى حبة رضا !!

الاثنين، يونيو 15، 2009

لو ناوى تجرحنى


لو ناوى تجرحنى

حاسب من السكين

تجرح ايدين حلوين

جرحك ده يدبحنى

واموت لو اشوفك حزين

لو ناوى تقتلنى

خدنى فى مكان امين

بعيد عن العيون

ليشوفك اللايمين

لو ناوى تدفننى

سيبنى احفر بايدى

اخاف تراب السنين

وعرق الجبين

يلطخ قميصك الثمين

لو عايز تجرحنى تقتلنى تدبحنى
من غير نقطة دم

ابعدنى عنك يومين

السبت، يونيو 06، 2009

صور وجوابات


مش ان الاوان

نحرق الصور

ونقطع الجوابات

نخاصم السهر

ونقول على اللى فات

مات

مش ان الاوان نعترف

ونطلق سراح الاهات

مش عيب لما نندم

ولاعيب اننا نفهم

العيب لو صحينا

ولقينا

وقت الرجوع فات

الأربعاء، يونيو 03، 2009

شهاده مميكنه

ياصباح العكننه
عايزين شهاده مميكنه
هو انا بقدم فى الحربيه
ولا الثانويه الجويه
دى يدوبك كجى وان
ياوليه كفايه زن
اروح لمين واقول يامين
اكتب اذن ساعه
ولااعمل جواب تأمين؟
بص لى المدير بحنيه
وقال لو رايح الاحوال المدنيه
اسبوع اجازه شويه
ومتنساش السندوتشات والزمزميه
واسال مجرب ياعنيا
اول يوم توقف الطابور
تقدم طلبك لما يجى عليك الدور
تانى يوم نعيد الطابور
تاخد شهاده مش مظبوطه
اغلب كلماتها مغلوطه
الذكر عاملينه انثى
وطماطم كاتبينها اوطه
علشان تصحح انسى
دورلك على مخطوطه
فيها تاريخ الاسره
او روح محكمة الاسره
هات قسيمه جواز جدك
وشهادة تطعيم حماتك
والدبلوم من عمك
وتجنيد اخواتك
واحكى تاريخ حياتك
وارجع من تانى طابور
واستنى يجيلك الدور
هتلاقى الشعر الابيض
فوق راسك منشور
وابنك قرب يتخرج
وانت واقف فى طابور
ولا طوابير الجمعيه
ومخك اتلحس وبقيت مهلبيه
علشان كده عملوا الاحوال المدنيه
فى حى العباسيه