طق حنك مش اكتر

الثلاثاء، أكتوبر 13، 2009

بنقول فراق



على فين تروحى

يامالكه روحى

وانتى اللى بعدك

اصعب جروحى

ازاى تغيبى

وقلبك حبيبى

وانتى اللى حبك

جرحى وطبيبى

بنقول وداع

وعمر ضاع

وبكره كدبه

واكبر خداع

والقلب جوه

عامل فتوه

ولا هامه جرحه

ولا حلم تاه

بيقول هينسى

ويمكن يقسى

ويقدر يبيع

قلب اشتراه

.

هناك 21 تعليقًا:

Pink Dreams يقول...

هيييييييييييييييييه
اول تعليق ولا ايه

Pink Dreams يقول...

فعلا اول تعليق

طب الحق بقى احتل المدونه قبل ما اصحابنا المحتلين ييجوا

وناااااااخد التعليق التانى

reem يقول...

بستنى اى بوست تكتبه لان كلماتك معبرة بجد

رائعة كلماتك اوى

عاشقة الأحزان يقول...

وربنا انت حكاية

كلمات فوق الوصف
ربنا يكرمك يارب
بستمتع بوجودى هنا

ربنا يديم عليك نعمة الكتابة يارب
استمر
ايناس

مي يقول...

الله الله بجد جميييييييلة جدا كلماتك تسلم ايدك فوق الرائع
وربنا مايجعل فراق بينك وبين حبايبك ابدا
تحياتى

دموع القمر يقول...

هههههه

وربنا زى العسل

مش عارفة مسمى نفسك لاسع ليه

ولاانت ماشى بطريقة السع علشان الناس تعرفك هههه

بجد كلامك جميل بستمتع وانا بقراه

'' حطام (ك) بقايا '' يقول...

الله
المدونة جميييلة جداا والله
ان شا الله منافسة للاحنلال
(ايموشن بيغمز)

بجد كلمات جمييلة جدااااا
وربنا ما يكتب الفراق على حد يارب

Pink Dreams يقول...

يعنى يوم ما احتل المدونه النت يفصل وملحقش اكمل الاحتلال

يلا ملحوقه بقى المره الجايه

Pink Dreams يقول...

بنقول وداع
وعمر ضاع
وبكره كدبه
واكبر خداع

تسلم ايدك بجد على الكلمات المعبره

تحياتى

اقدم عاصمه فى الحب يقول...

السلام عليكم

ولما سألت على جديد قلتلى مافيش
هو فى احلى ولا اجمل من كده
بتجيب منين بس الترتيب الجميل ده ..؟!
ولا الكلام الجميل المنسق ده
ولا ولا ولا
بجد تسلم ايدك ويسلم خيالك واحساسك يا رايق
.
تقبل ودى واحترامى :)

الشعب لابد له من حكومه تشكمه يقول...

لاسع افندى انا قلت اجى اسلم اصلى كل مره بدخل واخرج كده شكلى باه وحييييييييييش..
اه بالنسبه للشعر:(ما انت عارف مش بعرف اقول كومنت على الكلام العاتفى:( ةمش بحب اقعد اقول الله جميييل ,واو روعه بتكسف تخيل؟؟؟؟
بس عموما جميل روعه :))

ستيته حسب الله الحمش يقول...

والقلب جوه
عامل فتوه
ولا هامه جرحه
ولا حلم تاه

عارف حلو الكلام ده قوي
بس كلها على بعضها فعلا حلوة يا فنان
تسلم اليادي

riham attya يقول...

الله الله كلماتك جميلة جداجدا


مشاء الله
حقيقى ربنا يوفقك

7annen يقول...

بسم الله ماشاء الله هبخرك

كلمات ضغنونه بس رااااااااااائعه

تسلم ايدك

حنين

أبــــو ضـــيــاء يقول...

حلوة قوي قوي قوي
كلمات بسيطه بس معبرة

سمسم/سما يقول...

السلام عليكم
قصيده
وكلام
واحساس
عالي
جميل
متناسق
المهم ممتع فالقراية
تسلم ايدك

شباك موارب/منار يقول...

ايه ياصاحب التخاريف
طيب ليه مزعلها
وعايزه تمشي وناويه على فراق

بس جميله جداكالعاده

(Joudy) يقول...

لا بجد هايلة هايلة ما شاء الله كده هتتحسد ابقى حط واحدة أى كلام كده علشان مش تتحسد ههههههه ماشاء الله بجد حلوة

دمت بكل الخير والسعادة

ميرام يقول...

جيلة كلماتك بجد

بيقول هينسى
ويمكن يقسى
ويقدر يبيع
قلب اشتراه

حسيت شوية بكسر هنا
اسمحلي اقترح تعديل من وجهة نظري
وقد أكون مخطئة
بيقول هينسى
ويجوز هيقسى
يقدر يبيع ..
قلب اشتراه
.............


واسمحلي مجددا بالتعليق ..

بنقول فراق
بيهد فينا ..
بنقول وجع
مكتوم مالينا ..
بنقول كلام ..
محسوب علينا ..


بانتظار الجديد

خالص تقديري
(:

خواطر شابة يقول...

والقلب جوه
عامل فتوه
ولا هامه جرحه
ولا حلم تاه
بيقول هينسى
ويمكن يقسى
ويقدر يبيع
قلب اشتراه
اعجبني هدا المقطع لانه احيانا نتظاهر بالقوة وبالقدرة على النسيان وانه مبيهمناش لكن في الحقيقة اننا نتألم وبصمت لان كبريائنا يمنعنا من نظهرضعفنا

ايمان روحي يقول...

وعمر ضاع
وبكره كدبه
واكبر خداع
كلمات جميله اوي يامستر
تحياتي