طق حنك مش اكتر

الأحد، فبراير 14، 2010

عيد الحب

عيد القلوب

ورد وازهار

وعطر ودبدوب

اشعار تتقال

وحبيب بيدوب

قالوا فى الامثال

وعد ومكتوب

قالوا فى الموال

غالب ومغلوب

عيد الحبايب

والكل دايب

وقلب يسهر

مع قلب صاحب

وقلب يحلم

بقلب غايب

اقول واعيد

فى احلى عيد

ده عيد لقلبك

وقلب حبك

اتمنى دايما

يكون سعيد

ولا عمرى اشوفه

وحيد فى عيد

.

هناك 28 تعليقًا:

Ms Venus يقول...

كلمات جميلة ورقيقة


ومافيش احلى من الحب والمحبة بين الناس


لو فكرنا ولو لثانية واحدة وتخيلنا حال البشر لو مافيش حب ومحبة

يا ترى هنبقى عاملين ازاى ؟


كل ثانية والكل بخير

تحية وسلام ليكى

غير معرف يقول...

جميلة اووووى


اقول واعيد

فى احلى عيد

ده عيد لقلبك

وقلب حبك

Baskouta يقول...

معايدة تحفة وبجد رقيقة وجميلة
كل عيد حب وانت بخير وقلبك سعيد
Happy Valentine's Day
تحياتي البسكوتية

مي يقول...

الله الكلمات غاية فى الروعة معانى الحب الحقيقية
كل سنة وانت طيب
تحياتى لابداعك

خواطر شابة يقول...

كل سنة وانت طيب وكل سنة واحبائك طيبين
المعنى في كلماتك جميل والدعوة في أخرها ربي يستجيبها
تحياتي لك

rony يقول...

كل سنه والدنيا كلها مليانه بالحب
مفيش اجمل من كده احساس
كل سنه وانت طيب يا لاسع
وعندك كلهم طيبين وربنا يخليكم لبعض
ومونى كل سنه وهى طيبه وكل حبايبهاطيبين
كل سنه وكل اب وام واخت واخ واى اتنين بيحبوا بعض مبسوطين ومحبين

عيد الحب دعوه لكل العالم بالحب

كل عيد حب وانتم طيبين

mony يقول...

كل سنه وانت طيب وكل استرتك طيبين

الحب مليان بالاحاسيس
فرح وحزن
بهجه وولع
مبه تروى العطشان
ونار تحرق الحيران

كل سنه وانتى طيبه يارونى وتكونى مع جو فى بيتكم العيد الجاى
وكل اسرتك طيبين وكل اصحابنا المدونين وغير المدونين والدنيا كلها

ستيتة يقول...

ده عيد لقلبك

وقلب حبك

اتمنى دايما

يكون سعيد

لو قلت دول بس كانوا كفاية فما بالك بالبقية

كل سنة وانت لاسع لا أقل ولا أكثر :)

(green eyes) يقول...

HaPpY VaLeNtIn'S DaY

القدر و انا يقول...

لاسع
معاك حق يا راجل
عيد الحبايب
والكل دايب
ياسلام

اما المعذبين فى الحب فلهم الله
وقلب يحلم
بقلب غايب

وفى الاخر دعوة جميلة لكل قلب
ولا عمرى اشوفه
وحيد فى عيد

رائع رائع
وكل سنة وانت بتحب

Tears يقول...

اولا بموووت فى الشيكولاته و الصورة شدتنى اوى اوى

كل عيد حب و انتى بحب و سلام و سعادة

:)

غير معرف يقول...

كلمات جميله اوى
تسلم ايدك
ربنا يجعل ايامك حب وهنا

صدى الصمت - عاشقة الورد - يقول...

كلمات رائعة فى يوم جميل
كل عيد حب وانت بألف خير

!!! عارفة ... مش عارف ليه يقول...

هابي فلانتين

لاسع :)

MaNoOoSh يقول...

كلمات جميلة جدا ورقيقة

كل عيد والحب أصدق
كل عيد والأمل البعيد يتحقق

Qatarat Nada يقول...

منتهى الرقة والجمال
حلوووة جداااااااااااااا
تسلم ايديك
معلش على عدم المتابعة

صوت من مصر يقول...

عيد احمر

Pink Dreams يقول...

كلماتك رقيقه قوى وجميله

كل عيد حب وانت طيب

تحياتى

فشكووول يقول...

بقول لك ايه .. ما هو انت لاسع وانا حاعمل ايه

انا رايح عند هموم مصريه احسن عشان انا لا طايل لا سما ولا ارض ولا لى فى الحب والحاجات الحلوه دى

هراء لا داعى له ..... يقول...

هو إيه الفايدة من عيد للحب فى بلد متعرفش الحب


دا طبعا مع الأخذ فى الإعتبار إنه بدعة


و إنه تعبير عن نجاح عملية التغريب و المسخ الثقافى للشعوب المهزومة

فهنيا لنا بعيد الحب

أميرة الأحلام يقول...

كلمات جميله جدا
ومعبره
تحياتى

Unknown يقول...

والله أنا مش معا يالا سع أفندي

انا مش شايف حاجة حلوة في العيد ده غير ان كل شاب يجيب هدية للمزة اللي ماشيه معاه .. أو العكس فهو منفعة لأصحاب محلات الاكسسوارات

ثانيا : أعيادنا خلصت كمسلمين عشان نحتفل بعيد ميلاد راهب مش عارف أيه روماني

ده رأي ومتزعلش

ويبقى التواصل

يا مراكبي يقول...

طيب وبصراحة كده .. كنت وحيد في العيد ده وألا لأ؟

:-)

كل عيد حب والكل بخير وسعادة

ليس فقيرا من يحب يقول...

جمييييييييييييله

تسلم ايدك ويارب يسعدك دايما

لاسع افندى يقول...

استاذ معتز شاهين


والله يا استاذ الشباب مأنتمين ومتظبطين طول السنه مش محتاجين يوم واحد ولا يكفيهم علشان يسبلوا ويدبدبوا

اما اذا كنا احنا مش عارفين نحب يبقى العيب فينا او فى عاداتنا وموروثاتنا مش فى الحب

الحب قيمه خالده اسمى من تعاملات البشر واستغلالهم
ناس كتير بتسرق باسم الامانه ومع ذلك ماحدش قال الامانه وحشه
ناس كتير بتكدب باسم الصدق
ناس كتير بتلوث غيرها بأسم الشرف

ثانيا عايز اقولك ان حتى اعيادنا الدينيه فيه ناس بتحرمها علينا وبتمنعها
والراهب ده مش اكتر من رمز لكن العيد للحب بين الناس

ثالثا مرحبا بك زائرا ومعلقا لانى اعتز بزيارتك وبشخصك ومدونتك

Hossam يقول...

heyyyyyyyy 7abib albi
ايوة كدة اول مدونة اخشها الاقيها واقفة فى صف عيد الحب
بجد اشطة عليك اوية كدة عايزيين الناس الكوول دى
وحشتنى جدا صديقتى
تحياتى ويا رب قلبك مبكنش وحيد خالص

شفـقــة و إحســــان يقول...

ايه الكلام الجميل ده يا لاسع
ايوا كده كلام رقيق عن الحب وعيد الحب
هابى زلانطين داى
تحياتى

just waiting يقول...

يارب يحققلك امنيتك وعمر يا رب ماتكون ابدا وحيد ولا يشوف حد وحيد
رقيقة كلماتك بجد معناها جميل
شكرا ليك