طق حنك مش اكتر

السبت، مارس 06، 2010

فدان حب - من رباعياتى

زرعت فـدان حـب فى ارض الكراهـيه

شـلت اشـواك الجـفا وسـقـيته دمـع عنيا

حصدت احلـى حـــب اديـتـه لكـل النــاس

ورحت اخد نصيبى اشواكه جرحت ايديا

.

هناك 18 تعليقًا:

reem يقول...

الله عليك وعلى تخاريفك التحفة

شوف اصعب حاجة لما تدى الحب لكل الناس

وانت لما تيجى تاخد شويه حب تلاقي شوك بيجرح

بس ياترى بعد جرح الايدين من الشوك خدت نصيبك من الحب؟
ولا مش خدت غير جرح الشوك وبس ؟

أحمد الصعيدي يقول...

جميلة وممتعة

بس هو سؤال

ليه رباعية واحدة مع ان واضح ان حضرتك بتكتبي عامية كويس

نتمني المزيد

السلام عليكم ورحمة الله

7annen يقول...

وعجبى !!

ameen يقول...

صراحه حاجه جامده قوى ومليانه تناقضات

اصلى بحب ادور بين السطور شويه
بس عجبتنى اوى

تناقضاتها بتدل على قوه شخصيه

Ms Venus يقول...

الله عليك

جميلة اوى اوى ومعبرة جدا


تسلم ايديك


تحياتى واحترامى ليك

إبتسامة ملاك يقول...

فعلا الانسان مش بينجرح اووى غير لما بيحب بالقوى
ولو احنا زرعنا الخير اكيد فى زمن العجايب هنحصد ايه غير شر وكراهيه
دمت ودام اسمك وقلمك

يا احلى وارق لاسع بالدنيا
وعجبى

NeVeN يقول...

رباعياتك جامدة اوى

بس اتفائل خير
اكيد لما تقدم الخير هتلاقى الخير ولو بعد وقت


تحياتى

sony2000 يقول...

حلووووووووووووووه اوي جدا بجد
من كتر ماهي عجباني موش عرفه اقول حاجه عنها
تقبل مروري وتحياتي

rony يقول...

مش عارفه اعلق
اصلك جيت على الجرح
بس جمييييييييييييله بجد يا لاسع
ربنا يجعلك دايما تحصد حب وخير وفرح
ويبعد عنك اى شوكه ولو من بعيييييد

mony يقول...

كويس انك بتعرف تزرع

بجد بقى
مافيش ورد من غير شوك
ومافيش حب من غير بهدله

ماشى

إمرأه من ثلج يقول...

فعلا كتير منا بيزرع الحب ويروية من دموع عنية وحنانة ومبنلقيش الا الشوك
فى النهاية

تحياتى لك والابداعك

فاطمة

Just waiting يقول...

الحب كالورد جميل لكن به اشواك
لكي تستمتع به وتقترب منه لابد وان يجرحك
جميله كلماتك
تحياتي ليك

مي يقول...

رووووووووعة
الكلمات شديدة بجد
تسلم ايديك
بتمزج برباعياتك(؛

Tears يقول...

احساسك جميل و لخصت هدفك لكن وصفته بدقة



تحياتي

عايش... ولكن !!!! يقول...

جميله بجد
دامت تخاريفك :)

اقدم عاصمه فى الحب يقول...

السلام عليكم

وحشنى كلامنا سوى
يا رب اصادفك وانت اون لاين علشان عاوزين نرغى كتييييير فى مواضيع كده
.
.
.
فدان حب
...
جيت على الجرح

ليله شتاء يقول...

السلام عليكم
ياريت كل الناس تقدر تزرع قيراط مش فدان فى أرض الكراهيه وتهون الدموع لو هيكون فى شويه حب بالقلوب

دام قلمك

ريمان يقول...

جميله والله الرباعيه دى

وعنوانها لذيذ