طق حنك مش اكتر

السبت، أكتوبر 09، 2010

شفتى الفرحه؟


شفتى الفرحه الماليه عيونى

وانتى معايا ؟؟

اكيد شفتيها

اصل الفرحه اللى فى عيونك

كانت زييها

شفتى القلب اللى بتنطط

جوه ضلوعى ؟؟

كان بيغنى نفس الغنوه

البتحبيها

حتى شفايفى الكانت ساكته

انتى سمعتيها

قلت بحبك بس الرد

استكترتيها

.


هناك 13 تعليقًا:

لاسع افندى يقول...

اصدقائى

اغلى مدونين

معلش انا كسلالالالان جدا مش قادر اكتب ولا اعلق عند حد رغم انى متابعكم جميعا


تحياتى للجميع

عمرو يسرى يقول...

رائعه
كلمات جميله جدا

Ms Venus يقول...

اولا حمد لله على السلامة


كل دى غيبة

لو كنت عارفة ان السؤال هيخليك تظهر كنت سألت من زمان ههههههههههههه


طبعا الكلمات جميلة اوى يا لاسع


ومش مهم المتابعة المهم انك بخير

ربنا معاك

Ramy يقول...

حمد الله ع السلامة

و لا يهمك يا لاسع (:

بس جامدة صراحة الكلمات (:


ربنا يوفقك

Tears يقول...

حمدلله على سلامتك :)

ستيتة يقول...

المهم انك بخير
المهم انك مبدع زي ما انت
المهم انك وسطينا
تحياتي

اقدم عاصمه فى الحب يقول...

السلام عليكم

وانا كمان متابع لكل اللى انت بتكتبه
وانت على فكره من ضمن الناس اللى لما اكون زهقان بدخل عندهم
ودى وإحترامى :)

أبو العريف يقول...

اولا يا باشا واحشني جدااا

ثانيا انت تكسل براحتك هو حد يقدر يفتح بقه

ثالثا

حلوه قوي القصيده

وحلوه قوي الفرحه


تحياتي

eng_semsem يقول...

شفتى القلب اللى بتنطط
البتحبيها
الكانت
استكرتيها
انا اسف بس انت عايز الصراحه ولو هيضيقك ما تنشرش ردي انا متقبل
ممكن يكون قصدك في الاولي بيطنط لان معنى اللى انت كتبته انت اللي بتنطط مش فلبك والتانيه متهيالي كان قصدك اللي بتحبيه وزيها التالته قصدك اللي كانت وبالنسبه للاخيره المفروض على ما اظن ان انت قصدك استكترتيه لو انت قصدك ان هي استكترت الرد
انا اسف مره تانيه لو ده هيضايقك بس بجد انا قصدي اساعدك

غير معرف يقول...

بجد كلام جميل

صدى الصمت - عاشقة الورد - يقول...

كلمات جميلة جداً بس ياريت تبطل كسل وترجع تزورنا من تانى
تحياتى

mony يقول...

كل هذا الحب
جميله
حمدالله على السلامه
وعقبالى

المتبهدلون في الأرض يقول...

شفت ..شفت
والله شفت