طق حنك مش اكتر

الجمعة، مايو 29، 2009

الحزن - من رباعياتى


دخل الفرح من الشباك يطرد من قلبى هموم واسيه


ضحك الوش لكن فضلت همومى فى القلب زى ما هيه


الفرح طلع مهموم حاسس بخيبه قويه


الحزن قاله ازاى هيفرح وهمومه جوه القلب مستخبيه


هناك 39 تعليقًا:

(Joudy) يقول...

جميلة وهايلة بجد الرباعية دى بتوصف الحالة بكلمات بسيطة بس بعمق كبيييييييييير الحزن من أصعب الأشياء لو دخل القلب يستعمره وعمره ما يسيبه ابدا إلا بعد ما يضعف نهائى ويستنزف كل قواة

دمت بكل خير وسعادة بعيدا عن الحزن

ميرام يقول...

جميــل
هو البيت الأخير فيه كسر واضح
بس ده لا يمنع انه بجد حلوة
وكمان بقيت الرباعيات حلوة ..
لاحظت ان اسلوب جاهين مسيطر عليك شوية ..
تقبل مروري
وتحيــاتي

♥نبع الغرام♥♪≈ يقول...

السلام عليكم



بم الله ماشاءء الله

جميله قووى يالاسع


احيك عليها من كل قلبى


دمت بألف خير

تحياتى لحضرتك


سلاموز
باللوز
قشطه
انوس

ايمان روحي يقول...

الله الله الله
ايه ده يامستر
بجد كلماتك حلوة كتير
صغيرة بس
خطييييره
حلوة اوي
دمت ودام قلمك بكل ابداع
تقبل مروري
تحيــــاتي

غروب يقول...

هى طبعا كمعنى جميل جدا رغم فعلا بعض الكسور
لكن لا يمنع انها عجبتنى

سلام يا لاسع افندى

key of life يقول...

الحزن قاله ازاى هيفرح وهمومه جوه القلب مستخبيه

خليها مستخبيه ورا الضحكة وخلاااص

ممتع كالعادة
سلام

شمس النهار يقول...

ماينفعش الفرح والحزن يجتمعوا مع بعض خالص

يافرح كفاله الشر

ياحزن وده المتوفر اليومين دول

شمس النهار يقول...

صحيح هو ايه موضوع المدونات الضلمه دي
محسسني ان المدونات دي معموله في النجوع اللي ماوصلهومش كهرباء
ارحموا عواجيز التدوين

بـراااح يقول...

جميلة يا لاسع
فعلا الوشوش بقت بتضحك من غير فرح ... من كتر الحزن اللي في القلب
بقت بتضحك مجاملة
تحياتي

لاسع افندى يقول...

Joudy)

شكرا على المرور والتعليق واتمنى لك التوفيق فى الامتحانات

لاسع افندى يقول...

ميرام
اولا شكرا على المرور ولو انى مش فاهم يعنى ايه كسر ياريت توضحى لانى مش ضليع فى قواعد اللغه العربيه وبكتب عافيه وفتونه

ثانيا صلاح جاهين موجود جوانا وكلامه واسلوبه بيأثر فى كتاباتنا غصب عنا

ثالثا ورابعا وخامسا والى مالانهايه اشكرك واشكر كل كلمه صادقه اشعرتنى اننى موجود

لاسع افندى يقول...

عاشقة الأحزان

شكرا على المرور الذى انتظره فى كل موضوعاتى

سالاموز

لاسع افندى يقول...

ايمان روحي

شكرا على المرور وعلى كلمات التشجيع

تحياتى

لاسع افندى يقول...

غروب

شكرا على المرور واتمنى ان يكون دائما

بمناسبة الكسور انا مش فاهم بجد يعنى ايه لو حد يشرحلى يكسب فى ثواب اصل انا خريج زراعه وبالعافيه بعرف الفرق بين البرسيم والملوخيه

مره تانيه شكرا على المرور

لاسع افندى يقول...

key of life

خليها مستخبيه ورا الضحكه زى كل الناس مابتخبى احزانها

شكرا على المرور

لاسع افندى يقول...

شمس النهار

احيانا بيجتمع الحزن والفرح
تلاقى الوش بيضحك والقلب من جوه بيتقطع


شكرا على المرور

تأثير الفراشة يقول...

السلام عليكم و رحمة الله و بركاته

أحيى حضرتك على موهبتك ،ما شاء الله، جميلة الرباعيات
و فعلا كلام حضرتك معبر جدا

و أتمنى إن ييجى يوم و الفرح يفرّح الحزن، و الحزن يطلع فرحان

بالتوفيق لك دائما، تقبل مرورى

لاسع افندى يقول...

بـراااح

شكرا على المرور والتعليق

تحياتى

لاسع افندى يقول...

تأثير الفراشة

شكرا على المرور والتعليق
اتمنى مثلك ان ياتى هذا اليوم ولايعود للحزن مكان فى افراحنا

تحياتى

دينا حامد يقول...

شكلك متاثر بجاهين جامد جدا
بس حلوة الرباعية بجد

اول مادخلت توقعت انها هتكون مدونة كوميدية صافي
خيبة امل :D

تحياتي

لاسع افندى يقول...

دينا حامد

رباعيات جاهين ن اول الكتب اللى قريتها وامنت بالمكتوب فيها طبيعى اتأثر بيه

تحياتى وشكرا على المرور والتعليق

رؤية يقول...

وعجبى!!!

يمكن تلاقى للفرح مكان
ويضيع حزنك مع الزمان


تحياتى

لاسع افندى يقول...

رؤية
كلنا فى انتظار اليوم ده

شكرا على المرور والتعليق

تحياتى

mimi يقول...

في أول زيارة مني لمدونتك ديا ..

احب أقوللك هايل ،،

تخاريفك ... معدية ...

مواضيعك حلوة جدا

واكيد ليها بقية..

مستنية

عبد من عباد الله يقول...

نحن شعب يموت عشقاً في الحزن

جميله كلماتك ، حزينة مشاعرك ، جياشة احاسيسك .

د/على خميس يقول...

السلام عليكم و رحمة الله و بركاته
هى فين التعليقات ..هو فيه ايه ..
انت مين..
التعليقات بالأسود و الخلفية سودا و الحزن طلع من عندك مكتئب ..ايه يا عم..

احم احم
معلش داخل جامد انا شوية
و الله أنا لقيت تعليق لحضرتك و عجبتنى الصورة ..قلت أكيد هتكون مدونتك كوميدية و الواحد الصراحة نفسه يضحك شوية ...بس جيتك يا عبد المعين تعينى لقيتك يا عبد المعين عايز تتعان

بس بجد ليه التعليقات و الخلفية نفس اللون ..انا مش شايف و لا كلمة

بارك الله فيك
تقبل تحياتى

لاسع افندى يقول...

mimi

شكرا على المرور وعلى الكلمات الرقيقه

لاسع افندى يقول...

عبد من عباد الله

صدقت احنا بنحب اى حاجه حزينه

شكرا على المرور واتمنى دوام الصداقه

لاسع افندى يقول...

dr aly khamis

علشان خاطرك غيرت لون الكتابه لما تيجى المره الجايه تلاقى لون التعليقات ابيض وبحاول انزل موضوع مافيهوش حزن
واعتبره عربون صداقه

شكرا على المرور

شمس النهار يقول...

عارف انا استاذه في النوع ده من الفرح والضحك
لوعايز دكتوراه في انا موجوده يافندم
بس ساعات برضه مابينفعش التمثيل
الحزن بيغلب وبيطلع علي الوش عدل
وبيبقا سيد الموقف
ايه ده مين سيد ده:)

فراشة يقول...

انا آسفه ان كانت اول زيارة ليا ويكون تعليقى بعيد عن المدونة بس والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم

بيخدوا كوبى من كل حاجه بنعملها ويا اما بيعملوا مدونة باسمهم او على المنتديات

ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة يعنى مش هم دول بس لأ فى كتير جدا

http://love-radwan.blogspot.com/2009/05/blog-post_23.html

واللينك ده http://www.fremuzic.com/vb/t1159.htm

صبرني يارب يقول...

كلام جميل وكلام معقول

تحياتي لك

لاسع افندى يقول...

شمس النهار

كلنا بنضحك بس احيانا بيغلبنا سيد ده اللى بتقولى عليه

شكرا على المرور والتعليق

لاسع افندى يقول...

فراشة

اولا قلبى معاكم
ثانيا انا عندى اقتراح ممكن يفيد
ممكن تزورى الموضوعات المسروقه وتشوفى الناس اللى علقت وتبعتيلهم فى مدوناتهم تفاصيل السرقه وكمان اللينك بتاع موضوعاتك واكيد هيلاقوا التاريخ
سابق تاريخ السرقه وممكن تعملى تعليق على نفس الموضوع المسروق علشان يحس على دمه ويبطل سرقه وياخد باله انه اتكشف هو صحيح هيحزف التعليق بس اكيد هياخد باله انه اتكشف


تحياتى

لاسع افندى يقول...

صبرني يارب

شكرا على المرور والتعليق

د/على خميس يقول...

الله ينور عليك يا عسل
ميه ميه
فى أمان الله

لاسع افندى يقول...

dr aly khamis

نورت المدونه واتمنى دوام الزياره


تحياتى

رحلتنا في الحياة يقول...

جميلة اوى تسلم ايديك وربنا يبعد عن الناس كلها الحزن امين يارب العالمين
بايدينا ننتصر على الحزن بس نحاول ونصر على اننا نبتسم حتى ولو فى اصعب اللحظات

لاسع افندى يقول...

ايوشة
شكرا على التعليق واتمنى دوام المرور