طق حنك مش اكتر

السبت، نوفمبر 28، 2009

اول لمسه


كنت هسيبلك قلبى فى ايدك

لما المسها

لما احضنها

بكف حبيبك

كنت هسلم

وامشى بسرعه

مش هتكلم

امشى و رافع ايدى لفوق

ايد مغروره بلمسة ايدك

ايد محفوره فيها كفوفك

كل ما اشوفها

كانى بشوفك
.
ملحوظه ..عايز التعليقات تكون ذكريات واحاسيس اول لمسه
واللى مجربش يتوقع

هناك 38 تعليقًا:

rony يقول...

هيييييييييييييييه الاول
هيه هيه

rony يقول...

والتانى كماااااااااااااااااااان
يلا الدنيا عيد

rony يقول...

من ورايا يا لاسع
من ورايا
مش تقولى انك هتنشر موضوع

rony يقول...

بس برضه انا الاول
هييييييييييه
ومونى كمان مش واخده بالها
هييييييييييييييييييييييييييه

rony يقول...

بقولك ايه
لالالالا اقولهاهى ايه؟
كنتى تسيبيها يا فوزيه.
يمكن كانت تطرى فى ايده
سمعتى يا فوزيه!!!!!!!!

rony يقول...

كل ده من لمسة ايد
جميله يا لاسع واحساسك
فيها عالى ورقيق

باى باى
سى يو

mony يقول...

يا بختها بيك

mony يقول...

رونى المجنونه
بدل نونه المجنونه
ربنا يشفيكى

الملكة هند يقول...

كل سنة وانتى طيبة

عيد سعيد


تحياتى

rony يقول...

ليه الاحراج ده بس يا لاسع
وبعدين مش هقولك احاسيس أو ذكريات
اصلها كانت ع الماشى
بس كانت .......
بس خلاص
باى باى

ريتاج يقول...

الله عليك عن جد انت رائع ربنا يسعدك

كلنا مر علينا كده وحبينا

بجد يا بخت من له حبيب زيك


تحياتى
ريتاج

خواطر شابة يقول...

طب اللي له تجربة يحكيها وفهمناها بس اللي مجربش يتوقع ازاي
صعب ان الواحد يحكي عن حاجة معشهاش معرفهاش مهما حاول يتخيل مش حيعرف وكلامه مش حيكون حقيقي
فكرة البوست جميلة وصف رائع للحالة عجبتني كثيرا هذه السطور
ايد محفوره فيها كفوفك

كل ما اشوفها

كانى بشوفك
يا بخت اللي يتقال لها هذا الكلام بس بشرط يكون حقيقي مش كلام أفلام ولعب بالدماغ
تحياتي

مي يقول...

الله عليك يا لاسوعتى يا مجننا بكلامك
ده كل ده من لمسة ممممممممم خيررررررررر

طب انا هتخيل بقى
اتخيل اول لمسة هتكون لمسة حنان ممزوجة بحب ايد بترتعش ومتلجة بس بتحب اوىىىىىىى ايد بتتشابك عاشق ومعشوق بتتواعد على المستقبل ايد بيفضل فيها عطر الحبيب اول لمسة هى اصدق وابرأ لمسة

تحياتى لابداعك رووووووووعة

Unknown يقول...

عايز التعليقات
تكــون ذكريات!!
ايــه دا؟
يعنى بلاش نقولك
كل سنة وأنت طيب
يالاسع أفندى!

نهر الحب يقول...

اول لمسة
مممممممممممم

لسة فاكراها طبعا وكأن اثرها لسه ف ايدي كانت حركة خبيثة حبتين

وبعدها فراااااااق بلا اي وعود
لكن يمكن الللمسة تعيد اللي فقد لما يرجع وممكن اللمسة تبقيني علي قيد الحياة لانها من يديه

بس كفاية كدة

ستيتة يقول...

علشان تعرف بس اني انا اللي طيبة وأمورة ورومانتيكية
ها أحكي لك عن أول لمسة إيد
كانت شيء ميتوصفش
إحساس طيرني في السما السابعة وشفت كل ألوان قوس قزح اللي انت حاططها
وبصيت في عيونه وياصباح أحلى عيون بتقول كلام من غير كلام
وعرفت إن عمر ما راجل ها يديني الإحساس ده تاني
احساس بكر أكثر من رائع
ولما رفع إيدي وباسها
هوباااااااااااااااااااااااااااااااااا
وجون وجون وجون :)
قطيعة تقطع ماتشات مصر والجزائر مش عارفة اسيب التعليقات الكروية اللاسعة
احساس اول لمسة هو احساس الأسر
بس أسر لذيذ محدش عاوز يحرر نفسه منه

amirelhob يقول...

بوست يجنن يا لاسع بس ذكريات اول لمهس دى صعبه اوى فىناس بتفتكرها وتفكر اللى حصل من الشخص دا تبقى حزينه واللى لسه مكملين مع حبيبهم بيفرحه انا عن نفسى بشوف ام كل لمه من ايدى اللى بتحبها هى اول لمسه هى او نظره واول ضحكه وهمسه رقه مش معقوله وحنان وطيبه شوق وامان ومن قلبى بتمنلك لي ارب كل خير وسعاده و صحه وتوفيق وفرح وابتسامه تدوم يا رب طول العمر

بنت بتحلم يقول...

اول لمسه ى كانت خياااااااال
احساس تانى خالص
كان رجليك مش طايله الارض
كانك طاير
اول لمسه كانت فيها رعشه الايد والقلب
اول لمسه.. ياااااه
اجمل من ان اى كلام يوصفها
فكرتنى بذكريات جميله
(:
سعيده باول زياره
تحياتى

ليس فقيرا من يحب يقول...

الله يالاسع افندى جميله ورقيقه جدا

الحقيقه لسه ربنا ما اردش واجرب اول

لمسه بس اعتقد انها هتكون بدايه لاما

اسعد ايام العمر لاما اسوأ ايام العمر

حسب قدرى ونصيبى بقى بس اتمنى انها تكون

بدايه لانى وصاحب اول لمسه ننصهر وندوب

فى بعض

حلو جدا البوست ده

كل سنه وانت طيب

زهور الامل يقول...

مش عارفة والله يا لاسع
انا لسة محصليش الموقف ده خالص

قربت اطلع على المعاش ومحصليش حاجة زي كدة

بس الكلمات جميلة
تحياتي

غير معرف يقول...

جميلة جداااا

كل سنة وانت طيب يارب

عيد سعيد عليك وعلى حبايبك :)

غير معرف يقول...

ولا عمره سلم عليا
ولا حط ايده فى ايديا
لكن يوم ما سلم عليا
كنت حاسه كأنى طايره
وانا ماشيه على الارض
واحساس انى مش عايزه اكلم
حد تانى واسلم عليه
ولا حد ينسينى ابتسامته
ولا كلامه اللى كان باين فى عينيه
كان سلام واقع لكن كان شايل
معاه كتل من الاحلام وهتفضل احلام
يمكن تتنسى ويمكن تكون ذكرى
محفوره فى قلب يرجعلها فى وقت الحنين

mohamed ghalia يقول...

ممممممممممم
اتوقعها إزاى دى
بس اكيد حلمت بيها كتير
مش هقدر اوصفهالك بجد عشان ده احساس فوق اى كلام

غير معرف يقول...

ياعم لاسه
المفروض تبقى عم رومنسى
تسلم ايدك

يا مراكبي يقول...

أول لمسة مش لازم تكون مع أول شخص الواحد عرفه في حياته

ممكن يكون في حياة الإنسان لمسة من شخص تاني أو تالت أو رابع لكن تحس منها إنها أول لمسة في حياتك

ممكن الواحد بعد عمر طويل يكتشف إنه عمره ما حس بأول لمسة دي

donya يقول...

مساء الخير
حلوه اوي حكاية اللمسه محفوره دي
عجبتني

اما اول لمسه عندي كانت كوميدي اوي

تحياتي

صدى الصمت - عاشقة الورد - يقول...

كل عام وإنت بألف خير وصحة وسعادة
تحياتى

عابرة السبيل يقول...

يااااااااااااه فكرتنى بالذى مضى

كانت لمسة ايد مخطوفة بعد كتب الكتاب ... فى وسط الاهل والقرايب ...كانت حلوة لانها حلال من غير خوف لكن بكسوف

شكرا على انك خلتنى افتكر الايام الحلوة دى

Somaya Kamal El Din يقول...

عاوز الحق ولا ابن خالته هههههههههههههههههههههه

اول لمسة لسة مجربتهاش ومش عاوزة اجربها الا فى وقتها غير كده مش هيكون لها نفس الاحساس الحلو اللى معاه تحس انك طاير فى السما ومش قادر تهدى ومن جواك بيدق وهيموت بجد من الفرح والسعادة اللى هو فيها

مش لازم اول لمسة ممكن اول نظرة او حتى اول كلمة
تعرف حاجات كتيييير ممكن تعيشك الاحساس ده بس لما تكون صادقة من القلب
بجد صدقنى هتحسها حتى لو مقبلتهاش بس لازم هتحسها لانها من القلب

تصدق عيشتنى اللحظة هههههههههه

Tamer Nabil Moussa يقول...

اكيد اول لمسة

بتكون رائعة

ومفيش كلام يوصفها

مع خالص تحياتى

ريمان يقول...

مش معنى ان اول لمسه دايما بتكون حلوه او بيكون ليها ذكرى جميله


فى ممكن تكون لمسه مش هى الاولى بس بنحس انها بالظبط اول لمسه لانها بتحمل موقف جميل ولحظه سعيده



تحياتى


البوست جميل اوى

اسماء واحلام فى وجدانى يقول...

الصفحة دى تبع وزارة السياحة
وان يا عم ماليش دعوة
انا تبع وزارة الرى

صوت من مصر يقول...

اول لمسه دى بصراحه كانت امام مبنى القضاء العالى
تخيلوا بقى

hayoomaa يقول...

مممممممم احساس طبعا لذيذ اوي
ولانه اوي اوي فمحدش يعرف يحكي عنه اوي اوي
لانه ممتع؟؟؟اوي
هههههههههههه لسعتنا معاك والله نعمل فيك ايه بس
لا ياعم انا بكسف مش هكمل انا




حد شافني





اما الحق اخرج بسرعه
تحياتي

Cute Kitty **sookra يقول...

اول لمسه ايد
ايه اللسعان دا
تقريبا كانت عادى
هههههههههه
موش هاحكيلك
وش بيطلع لسانه
هههههههههههههههههه

micheal يقول...

مش عارف أتوقع
أعمل ايه بقى
تحيات لاسعة
:)

سجود يقول...

السلام عليكم
مش جربت والصراحه مش عندي اي توقع
ههههههههههههههههه
اعذروني انا بليده في المواقف ديه

noon kiko يقول...

لم اعرف يوما ما معنى ان تضم يداك يدى
لكننى عرفت دوما انك اخر مرقدى..
عرفت اننى يوما سارمى حمولى فوق صفحات ايامك غير عابئة بالظروف
ماذا انا سوى بضعة حروف
تبغى السكينة فوق ساعاتك
حبيبى كنت او لست حبيبى
ما اظننى عرفت يوما كيف يكون عناق الاصابع
كيف يكون نوم الجنين فوق الاصابع
كيف يكون لقاء الاحبة..بدون فراق او ادنى تراجع
حقيقة انالم اسمع يوما عزف اناملك فوق اناملى
لكننى لم امل من استراق السمع لعلى اسمعه
ولم يهلكنى الانتظار..ولم يمل قلبى موقعه فى قلبك الذى لم يحتويه بعد