طق حنك مش اكتر

الخميس، يناير 21، 2010

سماح


سامحينى واسامحك

دى ملامحى فى ملامحك

عاتبينى واعاتبك

ده اللى تاعبنى تاعبك

واجهينى واواجهك

ده مواجعى فى مواجعك

واللى واجعنى واجعك

لكن مين الغلطان

مين اللى ناسى زمان

مين اللى حالف يبعد

يروح ابعد مكان

ياللى بايعنى انهارده

بكره تلاقى اللى بايعك

بكره يدور الزمان

وتسامحينى واسامحك

.

هناك 26 تعليقًا:

حسام غانم يقول...

حلوة

بتفكرني بأغنية كنا بنغنيها زمان
لاعبني وألاعبك .. وأكسر صوابعك

rony يقول...

واحجززززززززززززززززز تانى تعليق

rony يقول...

وليه الغلط من الاساس

يعنى اسهل حاجه نغلط فى اللى بنحبهم
وبعدين نطلب منهم السماح
كل شويه كل شويه
شوف يا بنى بدل ما تلعبوا اللعبه دى
الباب اللى يجيلك منه الريح سده واستريح

باى باى
عندى حملة نضافه

Tamer Nabil Moussa يقول...

كلمات جميلة

واسلوب رائع

انا اخر بوست كتبتة اسمة ماما سماح

ربنا يوفقك ويكرمك

مع خالص تحياتى

Remas يقول...

حلوة اوى الكلمات بجد

بتعجبنى افكارك اللى مش معتادة

المهم في الاخر يسامحو بعض

donya يقول...

صباح الخير

حلوه اوي اوي

ايون اللي هيبيع النهارده
هيتباع بكره وبأرخص ثمن

باي

-_- يقول...

حلوة

♥نبع الغرام♥♪≈ يقول...

ابدعت

كلمات ولا اروع من كده

ازيك يا لاسع مفتقداك فينك من زمان
كل عام وانت الى الله اقرب

تحياتى
ايناس

خواطر شابة يقول...

بكره يدور الزمان

وتسامحينى واسامحك

ليس دائما ينفع الامر هناك جروح صعب ان تندمل وصعب نسيانها مهما طال الزمن
ومهما كان الحب قويا فاثار هذه الجروح والندوب التي تتركها في النفس تكون اكبر منه
تحياتي لك

mony يقول...

معلش
كان يوم عصيب
والتخاريف شغاااااااااااااله

طوبه فضه وطوبه دهب يقول...

جميله اوى تسلم ايدك

romansy يقول...

هيلف الزمان
وهيفضل قلبى مسامحك
دا ما اكون بعيد
مبعدش عنك
صحيح قسيت عليك
بس برضه بحبك

زهور الامل يقول...

جميلة بجد
وجديدة في اسلوبها

تسلم ايدك

تحياتي

Tears يقول...

جميل و لكن المشكلة ان معنى التسامح اندثر و كل شخص معتقد ان هو بس الصح و الاسوأ انه بيدى نفسه الحق فى اصدار الاحكام على الاخرين و اتهامهم دون سند ثم يدعى انه بذلك صاحب الفضيلة مع انه مفترى رسمى عليهم بمثل تلك السلوكيات

Tears يقول...

عذرا على استخدامى التعليقات لكتابه تنويه و لكن هناك مدون للاسف مصري يساعد اخر خليجى للاحتيال بالترويج له و قد وضعت تحديث بكافة التفاصيل على مدونتى حتى يحترس الجميع فبرجاء زيارة الرابط اسفل و حسبى الله و نعم الوكيل فيهم
http://tears-demo3.blogspot.com/2010/01/blog-post_20.html

شكرا و اعتذر عن الازعاج

محمد التركى يقول...

بجد شئ جميل ورائع بل أكثر من رائع
بصراخه بحيك على الموضوع الرائع ده وعلى المدونة كلها ان بقالى أكتر من ساعة مش لاقى أجمل من كده
المدونه فعلا جميله ربنا يديك الصحة ونفضل نتعلم منك الأسلوب الجميل فى التعبير
انا أول مره أزور مدونتك الجميله بس أكيد مش هتكون الأخيره
هربط عند تخاريف وهقعد على طووووووووووول
تحياتى وتقديرى وأحترامى,,
محمد التركى

(حلـم) يقول...

سماح

ما في اجمل من كدة سماح

بكرة بدور الزمان وبتسمحيني وبسمحك


سماح

لاهل السماح


جميل رسمك

واحساسك اجمل

انا حلم

MaNoOoSh يقول...

السماح بين المحبين مش صعب قوي كدة

بس ساعات بيبقى فيه أخطاء لا تغتفر

صدى الصمت - عاشقة الورد - يقول...

التسامح شىء جميل وسمة من سمات الإنسان الراقى
تحياتى

heba يقول...

السلام عليكم

انا رايئ ان فعلا فى غلط ماينفعش نسامح فية مووضع جيمل

تقبل مرورى

heba

mohamed ghalia يقول...

ياريت كلنا بجد يبقى بنا روح التسامح دى

well يقول...

سماح يا اهل السماح ...

تسلم ايدك

تحياتى

ليس فقيرا من يحب يقول...

جميله جدا جدا

تسلم ايديك

غروب يقول...

والله رغم انى مشغوله وانى بقالي تقريبا تلات شهور مش برد ولا بشوف مدونات حد الا انى متابعه لاسع بيه واشعاره لانها بتلمسنى حقيقي

امبارح دخلت قريت كل الاشعار الموجوده في الصفحه والنهارده دخلت اراجع عليهم

هههههه
هو انا هامتحن فيهم ولا ايه ؟ الواحد خلص امتحانات من بدرى

يلا تحياتى اللى مش لاسعه

الجواز و سنينه يقول...

يعنى بعد البعد برضوا هايرجع و يسامحها و تسامحه
احلى حاجه فى الحب اللى بجد
انى مايكونش فيه فراق
اى حاجه تانيه ممكن
عتاب و خناق و صوت عالى
بس فى الاخر نوصل لنقطه سامحينى و اسامحك

غير معرف يقول...

بكرا يدور الزمان ,,

ياليت اللي يجرح حبيبه جرحه يرجع يصيبه ,,
عشان يحس بيه ,,


شكرا^^