طق حنك مش اكتر

الثلاثاء، فبراير 02، 2010

ارجو ان تحافظي على عينىّ اللتين معك


ارجو ان تحافظي على عينىّ اللتين معك

يحكى عن فتاة عمياء كانت تعيش فى احدى القرى الصغيره وكانت تحب شابا وسيما بصوره كبيره جدا.
كانت قصة حبهما مليئه بالغرام والشغف الشديد ولكن العقبه الوحيد التى واجهتهما ان الفتاه لم تستطع رؤية
حبيبها بعينيها فكانت تقول له انها ستتزوجه اذا استطاعت ان تراه بعينيها .
فى يوم من الايام جاء شخص وتبرع بعيونه لهذه الفتاة الحزينه
وبعد العمليه اصبحت قادره على الرؤيه ورجع نظرها اليها ولأول مره استطاعت ان ترى الذى احبته واحبها
ولكن سرعان ما صعقت وخابت كل آمالها واسودت الدنيا فى عينيها لتكتشف ان حبيبها شخص اعمى
لا يرى شيئا فتقدم حبيبها اليهاوسألها قائلا (هل ترغبين الزواج منىبعدما ابصرت ؟؟
وبكل برود رفضت الفتاة عرض الزواج منه ..........
فابتسم الشاب وهو يقول لها
**
**
**
**
**
ارجو ان تحافظى على عينىّ اللتين معك
القصه اكيد رمزيه لكنها بتحمل معانى ودروس مستفاده كتييير
لكن هسيبلكم النهايه انتوا تحكموا وتختاروا النهايه المناسبه

هناك 30 تعليقًا:

لاسع افندى يقول...

قد نعطى عيوننا لاحبائنا ونفقد البصر

وقد نعطيهم قلبنا ونفقد بعدهم القدره على الحب

قد نأتمنهم على مستقبلنا ونفقد القدره على الحلم

قد نعطيهم كل شيىء ولا يبقى لنا شيىء

ولكنى اعتقد ان الرابح هو صاحب العطاء الاكبر
لان الحب متعه والعطاء نعمه والبذل قوه

تحياتى

إيمان يقول...

عجبتنى مدونتكم اوى واستايل الالوان والخليفه وروح التعاون اللى بينكم
ثانيا عجبانى القصه دى اوى هى تقريبا لنزار انا قرتها قبل كده ولسه محفورة فى ذاكرتى لحد الان بتبين اخلاص الحب وتضحيته وايضا غدر بعد وفاء من الطرف التانى
تحياتى

غير معرف يقول...

اصعب حاجه لما يضحى طرف من المحبين من اجل الطرف التانى وفى الاخر ميلقيش الطرف دا مقدر تضحيته ... بس ارجع واقول الحب عطاء واللى بيعطى لايحزن ... والنهايه اللى اتمناها للقصه ... ان البنت تقدر التضحيه اللى هو ضحاها علشانها وتتجوزه .... وياريت كل اللى معاه حبيب يقدر اللى بيعمله علشانه ... مش سهل انك تلاقى حد بيحبك وبيضحى علشانك

ستيتة يقول...

السؤال
لو الإنسان نفسه يعرف نهاية القصة كده ها يعطي ولا لأ؟

اكاد اجزم إنه ها يعطي
من تعود على العطاء لا يتنفس الا من خلال بهجة احبائه
حتى لو لم يكن قربهم

mony يقول...

بعد كل الحب ده
يمكن اتصدمت
ولما تفوق تقدر
ولما تعرف انه هو المتبرع
تحبه اكتر
لكن
احنا ساعات كتير
بنبيع اللى شارينا ونشترى اللى بايعنا

Tears يقول...

نعم هى رمزية و لكن هناك حب كبير و قوى و بهذه الدرجة...هو نادر لكن موجود

بنجاواتى يقول...

هى قصة رمزية فعلا لكن فيها معنى كبير اوى

لكن بعد معرفة هذه الفتاة لما قام به الشاب من تضحية اعتقد انها ستراجع نفسها وستقدر ما فعله لاجلها

تحياتى

خواطر شابة يقول...

النهاية قاسية ولو كانت في هذه الفتاة التي استعادت بصرها ذرة واحدة من الانسانية لما استطاعت أن تعيش بعدما حصل جملة حافظي على عيني اللتين معك ستقتلها
سؤال الدكتورة ستيتة هل لو كنا سنعطي لو عرفنا نهاية القصة لااعتقد انه كان سيفعل لو تكلمنا بالمنطق وبالطبيعي اما الاستتناءات فشئ اخر

الجواز و سنينه يقول...

عجبنى اوى رد لاسع افندى
جدااااااااا
مش بس العنين اللى ممكن بعدها نفقد البصر
حتى الحب اللى بعده ما نعرش نحب
بنكون بعده عميان حتى لو فضل القلب مكانه

مهموهة أحمد يقول...

الله بجد رقيقة و روعة اوي

و فعلا فيه ناس كده و لسة فيه ناس بتحب للدرجة دي و اكتر و الله

بس بجد القصة شدتني اوي

شكرا للمدونة الجميلة دي و اكيد هضيفها عندي علشان اتابعها

تقبل مروري الاول و ليس الاخير

مع خالص تحياتي و تقديري

mohamed ghalia يقول...

اكيد يارونى التضحية لازم تكون مقدرة من الطرف الأخر مش تحس انك معملتش حاجة

أبو العريف يقول...

بوست مميز

قصه تحمل معاني كثيره جدااا

العطاء كلمه مش سهله

لكن الانسان اللي بيققدر يعمل كده

هيفضل كده علي طوووول

اكيد هو ضحي لانه بيحبها اكتر من نفسه

مش عشان يتجوزها

بس عموما

اديني عنوانها وانا اروح اولع فيها
وف القهوه وف جمالات

اقدم عاصمه فى الحب يقول...

السلام عليكم

انا لو منه اخد عينى تانى
دى أمانه ربنا وهبنا اياها
لازم نحافظ عليها مش نسلفها
قصه خياليه مؤثره
تسلم الايادى :)

Pink Dreams يقول...

للاسف البنت اللى فى القصه دى مقدرتش معنى التضحيه

والظاهر انها مش حبته من الاول اصلا لانها كانت المفروض تتقبله زى ما هو سواء اعمى او مش اعمى

قصه مؤثره قوى وجميله

♥نبع الغرام♥♪≈ يقول...

بجد الانسانه دى مش تستاهل اى تضحيه
ربنا يعوض عليه خير

تدوينه ولا اروع

تحياتى
ايناس

ليس فقيرا من يحب يقول...

البوست جميل قوى قوى

الحب عطاء حتى لو عطاءنا ده مكنش

ليه مقابل من الطرف التانى العطاء

فى حد ذاته ليه متعته

تسلم ايديكى يا قمر

خواطر شابة يقول...

تعرفي النهارده والله ضحكت ضحك حكيت لامي الحكاية فكان ردها هو اللي مجنون كان يتبرعلها بس بعين واحدة وبكده هما الاتنين يشوفوا بعض تصدقي ان ده كان حل فعلا
بمعنى العطاء مش لازم دائما يكون على حسابنا مائة بالمائة
تحياتي لك

صدى الصمت - عاشقة الورد - يقول...

كان يجب علية قبل أن يعطى حبيبتة كل شىء أن يتأكد انها تستحق هذا العطاء وانها ستقدرة حق تقدير
تحياتى لقصتك وهدفها الرائع

شيرين يقول...

هي لا تستحق عينيه اللتين معها
لانها لم تكن تحبه لان الحب هو ان تبذل كل ما لديك من اجل حبيبك فان لم يكن يرى تصبح انت عيناه التي ترياه العالم الحب ان تعطي كل شئ بمنتهى البساطة ولكنك ايضا لا تنتظر ان تاخذ اي شئ في المقابل
واخيرا احييك على هذه القصة

غير معرف يقول...

:)

معنديش تعليق غير الابتسامه دي..

صدى الصمت - عاشقة الورد - يقول...

اللينك دة طبعاً عندى من زمان وبأدخل أعلق هنا كتير
بس أنا كنت فاكراة لينك خاص ب لاسع أفندى فقط ودلوقتى فهمت إنها مدونة مشتركة
تحياتى وميرسى لذوقك وإهتمامك

أميرة الأحلام يقول...

صعب جدا الحب الي بيكون فيه العطاء من طرف واحد
لما بنحب قوي ممكن نضحى باى حاجه عشان الي بنحبه بس الاصعب من التضحيه دى اننا نكون ضحينا عشان حد مايستهلش
وهي مكنتش تستاهل التضحيه دى قد ايه هى انانيه
فالحب اخذ وعطاء من الطرفين لاحدود له وليس من طرف واحد
تحياتى لكم ولمدونتكم الرائعه

صوت من مصر يقول...

دى قصه فيلم تامر حسنى الجديد
نور عينى

hend anwar يقول...

مدونتك جمييلة بالتوفيق

غير معرف يقول...

لو انا مكانه ادب صوابعي في عينيها << اكتب مصري :)

لان مافي انذل من انكار جميل الحب ,,
و على فكره انا اشوف اغلب القصص ضد البنت و مطلعين الشاب بريئ ياعيني ,,
و هم يالعكس هم اللي يستغلو و يخدعو ,,

يارب الكل يصدق حبه ,,
و تسلمي روني ^^

حـــلـــم كـــان يقول...

ايه الواطينه دى

مش عارفه ايه ده

ايمان روحي يقول...

يااااااااااااااااااه
بجد مش معقوووووووووووول
مش عارفه اقول ايه
بجد قصه مدمره جدا
معقول في حد بيحب كده
وفي حد بالنداله كده
بجد
بجد
عايزة اعيط
مش عارفه اقول ايه
بس اثرة فيه بجد
ليه لم يكون في حب جميل
مبيكتملش لييييييييييييييه؟؟؟؟
تحيــاتي

MaNoOoSh يقول...

يمكن الاحساس بتاع بطل القصة دة
هو اللى خلى ناس كتير معطائين يراجعو نفسهم
ولو ان المعطاء بطبعة لن ييأس
بس الأصح اننا نفكر فيمن يستحق عيوننا وقلوبنا

Ms Venus يقول...

من يفعل ذلك ؟

والأهم


من يستحق ذلك ؟

م/ محمد صالح يقول...

السلام عليكم ورحمة الله
اخبارك ايه اتمنى تكونى بخير
وتشاركينيى بحمله " اسمها
فكرة من كل مصرى من أجل مصر" ياريت تشاركينى فيها وكمان تنشريها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأيها