طق حنك مش اكتر

الأربعاء، مارس 17، 2010

بحـــــر الصفـــا - من رباعياتى


جايلك يابحــر الصفا ارمى طــن هــمــوم

جايلك وليلى شتا وكــــــل سمايــا غـــيوم

عشمان الاقى الدفا وارجع قلبى مغســــول

اتارى رملك شايب وموجك حزين مهموم

.

هناك 22 تعليقًا:

just waiting يقول...

جميله كلماتك يالاسع
مين فينا معندوش هموم ونفسه يخلص منها بس للأسف زي ماقولت حتى البحر الصافي مملوء بالهموم حيث لا يتسع لأخرى
تحياتي ليك

mony يقول...

كلمات حلوه وحزينه
ياااااااااااااه
بكره الموج يتغسل
ويغسل كل الهموم
تفأل ياصديقى
تبات نار تصبح
رمااااااااااد

mony يقول...

الصوره حلوه اوى
فكرتنى بشط اسكندريه

NeVeN يقول...

مين فينا معندوش هموم
بس الاجمل اننا نغسل نفسنا منها اول باول

حتى البحر على الرغم من امواجه واصداقه مليان بالهموم

من كتر ماشال همومنا


رباعياتك فى منتهى الجمال

وعجبى

مساءك افراح

زهور الامل يقول...

اللـــــــــــــــه
حلوة اوي بجد الكلمات دي
وحسيتها اوي اوي

تسلم ايدك

تحياتي

Baskouta يقول...

حلوة الرباعية دي
وحقيقية جدا
كلنا عندنا هموم بتفاوت الدرجات
وكلنا اوقات بنحتاج مكان او شخص نرمي عليه همومنا
اصعب حاجة لما ترمي نفسك في حضن حد علشان مستني منه يسالك مالك
وفجأة تلاقيه بيبكي وانت اللى تسال ماله؟ ويبدأ في سرد همومه ... وتنسى همومك ... وتضحك من جواك
جبتك يا عبد المعين تعيني لقيتك ....
تحياتي البسكوتية

غير معرف يقول...

تسلم ايدك

rony يقول...

عندك هموم ؟؟؟؟؟؟؟؟؟
تعالى صبها عندى
اصل انا عقبال عندك
خاليه من الهموم زى اللبن خالى الدسم
احتمال بكره يكون احلى
ربنا يغسل همومك وهموم الموج اللى مستحمل
بلاااااااااااااااااااااااااااوى

باى يا مهموم

ليله شتاء يقول...

السلام عليكم
الله على تخاريفك حلوه جداا
تحياتى

♥نبع الغرام♥♪≈ يقول...

ياااااااااااااااااااااه

وجعتنى أوووووووووووووووى

بس بجد تحفه احساسك جميل
اموت انا فى النوع دا من الكتابه
ربنا يوفقك يارب

اقدم عاصمه فى الحب يقول...

السلام عليكم

وعجبى..!

sony2000 يقول...

بجد رووووووووووووووووعه جدا يلاسع
تقبل مروووووووووري وتحياتي

ستيتة يقول...

البحر
شاب وشال هم البشر
سمع البكا ساعة السحر
ولما جه يحكي الهموم
لقى م البشر حالة ضجر

تسلم ايديك

Ms Venus يقول...

الله الله الله



جميلة اوى اوى يا لاسع


تسلم ايدك بجد

تحيتى ومودتى

صمت المشاعر يقول...

اتارى رملك شايب وموجك حزين مهموم

بجد رباعيه جميله جدااااااا علي الرغم انها حزينه بس تعبيراتها جميله

دمت بكل خير

hayoomaa يقول...

تحفه كالعاده
همومنا دايما مرتبطه بالبحر مش عارفه ليه
دايما بنلجأ ليه
دايما بنشكيله
دايما مفر لينا
يمكن عشان مبيتكلمش
يمكن عشان مبيزهئش
يمكن عشان مبيقولش لا

ريمان يقول...

السلام عليكم


حتى البحر كمان مهوم ؟


جميله اوى الرباعيه دى

تحياتى

خواطر شابة يقول...

المثل بيقول جيت لك يا عبد المعين تعيني لاقيتك يا عبد المعين تتعان
دمت بكل الود

غير معرف يقول...

راائع جدا

بيعجبني اسلوبك جدااا

تسلم ايدك

وحشتني المدونة والله :)

دمت بود

heba يقول...

السلام عليكم كلماتك جميلة بس العيب بقى مش فى الموج لا فينا احنا اللى جوانا ضغوط واحنا فكرين ان البحر هو اللى مليان هموم تسلم ايدك

تقبل مرورى

heba

صدى الصمت - عاشقة الورد - يقول...

اتارى رملك شايب وموجك حزين مهموم
*********
ياااة كلمات قليلة ولكنها معبرة جداً جداً ومميزة
تحياتى

micheal يقول...

جميلة رباعياتك
استمر
تحياتي