طق حنك مش اكتر

الخميس، نوفمبر 19، 2009

البعيد عن العين


هل البعد عن الحبيب بالغربه ينقص الحب او يلغيه ؟

هل صحيح ان البعيد عن العين بعيدعن القلب ؟

هل الابتعاد أو السفر يذهب الحب !ويعنى النهايه ؟

اذا حدث لك ذلك..... هل ستبحث مباشرة عن بديل الراحل؟؟

أم ستنتظر عودته مهما طالت مدة غيابه؟؟

هل ستظل مشاعرك تجاهه كما كانت؟

أم ستقل؟

أم ستزداد مع اشتياقك إليه؟؟
.

هناك 66 تعليقًا:

لاسع افندى يقول...

اول تعليق

اخيرا اقتنعتى تكتبى

تحيه لاسعه

لاسع افندى يقول...

لا يارونى
اللى ساكن القلب
مهما بعد عن العين
يفضل اغلى حب


تحيه لاسعه

لاسع افندى يقول...

طبعا مونى مش واخده خوانه
ومش متوقعه انك هتكتبى
اخد فرصتى

لاسع افندى يقول...

بحاول ارد لك جزء من جمايلك واحتلالك
لموضوعاتى

لاسع افندى يقول...

بس تصدقى الاحتلال حلو


تحيه لاسعه

لاسع افندى يقول...

مش كل الاحتلال

mony يقول...

هاااااااااااااى شله اللاسعين
ايه الجنان ده

mony يقول...

اخيييييييييرا شفنا لاسعان رونى

mony يقول...

حتى لاسع لسع جدا
مكنتش متوقعه كده ابدا

mony يقول...

صديقنى رونى
احب اجاوبك على اسئلتك
البعد مش بيقلل الحب وطبعا ميلغهوش
المشكله فى الشخص نفسه ومده البعاد
فيه ناس البعد بيقوى الحب بس لازم يكون فيه رسايل.. مكالمات امال موبينيل وفودافون واتصالات كتر خيرهم اتعملوا ليه
وكمان فيه خنادق الناس تتكلم فيها حتى لو الدنيا زحمه
وبعدين اول ما البعيد بيرجع الدنيا بيبقى لونها بمبى ....وللا ايه

لا تـــشـــتــــاق يقول...

ازاى يعنى
والله الضعيف حبه اكيد لما بيبعد عن حبيبه بيستبيح بقي انه ينسي
يكبر دماغه
كده
اما الى حبه قوى
مهما كانت المسافات والحدود
بالعكس فيه ناس حبها بيكبر جواها لما حبيبهم بيبعد عنهم

romansy يقول...

القلب عمره ما بيسنى اللى حبه مره
ولا العين تقدر تنسى عيون حبيها
كلما زاد البعد زاد الاشتياق

blue-wave يقول...

ان كنت احبه بالفعل
فسأنتظرة حتى اخر العمر

amirelhob يقول...

جايز البعيد عن العين بعيد عن القلب بس دا لو احنا اخترنا نبعدوا لان فى نفس الوقت ساعات كتير اوى اللى بيبقى بعيد بيقى فيه ليه لحظات كتير اوى اشتياق وعاجبنى اوى البقوست دا وعاجبنى اكتر انو مفهوش كلام كبير او كلام شعر مش مفهوم ومن قلبى بتمنلك كل خير وسعاده وصحه وتوفيق وفبرح وابتسامه تدوم يا رب طول العمر

hayoomaa يقول...

اخيرا لقيت بلوج بيكتب عن حاجه تانيه غير مصر والجزاير بجد حاجه كويسه
انا عن نفسي شايفه ان الحب بيزيد لما الطرفين يكونوا غايبين عن بعد او بينتهي لو مكانش حب حقيقي


تحياتي

زهور الامل يقول...

اللي بيحب بجد عمره ما ينسى اللي بيحبه مهما طالت السنين ومهما بعد عنه

بالعكس ده حبه ليه بيزيد مع اشتياقه

والبعيد عن العين برضو بيفضل جوة القلب
تحياتي

نعكشة يقول...

الوفاء
شئ صعب بالنسبالي للأسف

.....

البعيد عن العين ليهمكان في القلب بس بيقل الشوق ليه مع طول الانتظار ( بالنسبالي برضو)

.....

لا أبحث عن بدائل فالبديل الأفضل بالنسبة لي هو أن أكون مع نفسي و لنفسي

......

لا أعتقد أنه بطول الغياب ساحتمل الانتظار فأنا بطبعي ملولة

.....

الابتعاد لا يعني نهاية الحب
أي شخص احببته هيكون ليه مكان في قلبي
حتىلو مكانه باظ في القلب او حصل عليه تغيرات هيفضل موجود و باسمه حتى لو مش هينفع افضل بحبه بس سيظل كذكرى
هينفع يرجع لنفس المكان تاني بقة او لأ

على حسب المكان باظ خالص ولا لأ
وهل يمكن اصلاحة ولا لأ

....

الكلام اللي فوق دة بالنسبالي انا


بث

سلامٌ عليكِ

خواطر شابة يقول...

اولا احييك على اختيار الصورة كلمات اغنية الاماكن معبرة جدا عن الموضوع
بدايه دعينا نتفق ان البعد جفاء وان البعد يجعل القلوب قاسية ويجعلها قادرة على النسيان هدا ما لم نتعهده بما انعمت به علينا وسائل التكلونوجيا التي جعلت العالم كأنه قرية صغيرة نت ومحمول بالتالي لم يعد الابتعاد او السفر مشكلة فالبعد بالنسبة لي ليس بعدا مكانيا لكن بعد بالمشاعر فمن ابتعد بمشاعره اكيد مع الوقت ستموت مشاعري انا ايضا وأنا لست أيوب لانتظر عودته وتجدد مشاعره فبالتالي سأعامله بالمثل وسأنساه
تحياتي لك

خواطر شابة يقول...

هدا التعليق وجه للاسع افندب وأرجو التوضيح
دخلت مدونات كثيرة اجد تعليقك وتختمه بتحية للمصريين بس
لمادا هداالشعور انا لست مصرية لكن لم يكن عندي يوم عداء لمصر او لشعبها منتخبها اشجعه اكثر مما شجعت منتخب بلدي أردت له الفوز من كل قلبي يوم السبت الماضي لازالت يدي تؤلمني من ضربي للطاولة من الفرحة رقصت وزغردت وشاركتكم الفرحة ويوم الاربعاء تمنيت لكم الفوز ولم يتحقق هده ارادة الله وهده كرة القدم وانا متأكدة ان مثلي من غير المصريين كثير فلم هدا التحيز وحصر الامر في تحية للمصريين بس
أرجو التوضيح لانني لاأحب ان اكون ضيف ثقيل لانه ان كان الامر كدلك على الاقل لن ازعجك في مدونتك وسأفهم انها للمصريين بس
تحياتي

غير معرف يقول...

اللى بيحب بجد
واللى بيسكن القلب

مهما غاب وبعد بيفضل هو اغلى حب واحلى ذكرى
مش بيتنسى ابداااااااا مهما طال الزمن

Qatarat Nada يقول...

ياربي ع الكلام
ايه يا لاسع بجد انت مبدع
عبرت عن حاجات كتيرة اوى بكام سؤال
هل ستظل مشاعرك تجاهه كما كانت؟
أم ستقل؟
أم ستزداد مع اشتياقك إليه؟؟

ربنا يديم قلمك ياارب


نأسف عن الغياب

خوخه يقول...

بوست رائع
اولا البعد مش بيقلل من الحب خالص بالعكس ممكن انسان يكون بعيد عنك وعمره ماراح من بالك
والبعيد عن العين عمره ماكان بعيد عن القلب والا على كدا هننسى كل الناس
ومن ناحية البحث عن بديل هذا يعتبر مجرد تسليه لان الانسان لازم ينى الاول الحب القديم تماما وبعد كدا يفكر ف حب جديد
وعموما اذا كان هناك امل لعودته سانتظره
ومشاعري شتظل كما كانت وسوف تزداد
(تقبل مروري
تحياتي خوخه)

Cute Kitty **sookra يقول...

لو هو فى القلب بجد عمره ماهيبقى بعيد عنه حتى لو بعيد عن العين

كلام عيب يقول...

طبعا البعيد عن العين بعيد عن القلب

هو مش هايبعد اوى
بس ش هايكون زى ما كان

لان الانسان فى البعد كل واحد بيتطور لوحده و فى اتجاهات لوحدها

المشكله ان انت حبيت شخصيه ادامك دلوقت
لو تطورت تطور انت مش حابه او ما تخيلتهوش
ساعتها هاتحس ان ده حد تانى و ساعتها هاتحس ان البعيد عن العين بيتغير و ساعتها بيتغير معاه القلب

Eman يقول...

اللي بيحب بجد
حبه مش هيقل في البعد
ولا هيتغير

وثانكيو
XD

فرفشة الوان يقول...

طالما الانسان دخل القلب يبقي علي طول في القلب حتي لو هو بيعيد عن النظر

أريــــــــــــــــــــج يقول...

خواطر شابه هوني عليك حبيبتي من قال انك ضيف تقيل على احد سواء كان مصري اوغير بالعكس انتي تشرفي اي مدونه بزيارتك لها لما تحملينه من رقة احساسك وثقافتك العاليه ولسانك الحلو وطيبة قلبك واهم شي معاملتك الجيده مع الكل واظن انه لم يصدر منكي اي شي غلط لاي حد .اما عن كرة القدم.. ليس ذنب اي حد اذا خسر الفريق المصري مع اننا كنا كلنا نشجعه ونرغب بفوزه لكن قدر الله وما شاء فعل - وبالتالي ما هي الا لعبه وتكسب يا تخسر ....ما هي المشكله حقا انا لا افهم شيئا ...

واذا كان لاسع يختم تعليقاته بالتحيه للمصريين بس فليفعل ما يريد وليحيي كما يشاء على الاقل عندي بيحيي بتحيه لاسعه هههههههههه بيني وبينك كم مره رغبت ان اقول له .. نحله تلسعك يا لاسع



ياجماعه كلنا اخوان في الله وربما يا خواطر هو لا يقصد اي سوء من تحيته هذه


وتحيه خالصه معطره للغاليه خواطر شابه وروني وكل الموجودين دون استثناء

أريــــــــــــــــــــج يقول...

عزيزتي روني

من قال ان الي يبعد عن العين بيبعد عن القلب اكيد هو مخطئ بل هو بيفضل في القلب والتفكير وما بيغيب عنه ابدا مهما بعد لكن لو كان بعده هذا للشغل مثلا او لشي يمنع قربه ..- وما البعد الا بعد المشاعر والاحساس هنا بقا اكيد احنا بدورنا هنبدا نبعد عنه ونحاول ننساه ونبدا حياة جديده من غيرو
وانتهى الامر ..


بصراحه هذا موضوع يحتاج لعدة وقفات
احسنتي اختيارك له ...


اتمنى لك السعاده واحلى الامنيات

دمتي بكل الود

ريمان يقول...

انا مش مع المقاله اللى بتقول اللى بعيد عن العين بعيد عن القلب


الجمله دى تمشى مع اللى مرتبطين ببعض لكن مفيش بينهم حب حقيقى


لو فى حب حقيقى مهما كان البعاد مش ممكن طرف ينسى التانى

بالعكس هيتسك بيه اكتر ويحبه ويشتاق له اكتر

وكمان يخلص له فى غيابه

عاشق الجنة من الإخوان صلى على النبى يقول...

البعيد عن العين ممكن بعيد عن العقل
بس رأي عن القلب لا
صلي علي النبي

مي يقول...

البعيد عن العيد موجود فى القلب والعقل بيكبر معاه الحب
البعد بيعلم الحب الحقيقى لانه حب قوى مش اى رياه بتهزه

ليس فقيرا من يحب يقول...

السلام عليكم

لو حب حقيقى فبيتهيألى

يمكن كمان يكبر وينمو مهما طال البعاد

لو حاجه كده اى كلام فكل حاجه هتروح

لحالها مع اول لحظه بعاد

ازيك يا رونى

يارب تكونى بخير

rony يقول...

لاسع افندى

اخيرا والبركه فيك

rony يقول...

لاسع افندى

كلامك صح الصح

rony يقول...

لاسع افندى

مونى لسه بتشك فى قدراتى
مش عارفه قيمتى كويس

rony يقول...

لاسع افندى

احتل براحتك البيت بيتك
تحب تحتل واطلع انا بره
يعنى اللى تشوفه سعادتك

تحيه لاسعه من لسعاتك

rony يقول...

mony

اهلا بأكبر لاسعه فى المدونه

rony يقول...

mony

شفتينى وانا لاسعه؟؟؟؟؟؟
اجنن مش كده

rony يقول...

mony

يا بنتى لاسع ده استاذ لسعان
وبيوزع علينا فى الشغل كمان

rony يقول...

mony

كلامك صح يا مونى
امال شركات المحمول دى تشتغل ازاى
دول يا عينى بيستنوا حد يشحن
كارت او على الهوا علشان يضمنوا
مرتبات الموظفين
يعنى يجيبوا مرتبات منين
دول غلابه وللا انتى فاكراهم شغالين معانا
ومش لاقييين اللضه لازم نراعى ظروف
بعض ونشحن كتير ونتكلم كتيييييييييير
مش علشان البعيد لالالا علشان مرتباتهم
وللا ايه

rony يقول...

لا تشتاق

ماشى كلامك بس النوع ده دلوقتى بقى
قليل حبتين لكن انا معاك اللى حبه
قوى عمره ماينسى حبيبه البعيد

نورت المدونه
تحياتى

rony يقول...

romansy

هقول ايه؟؟؟؟
رومانسى طبعا

شرفتنى بالزياره
تحياتى

rony يقول...

blue-wave

كتبت باختصار المفيد

شكرا على الزياره
نورت

rony يقول...

amirelhob

بشكرك على التعليق الجميل ده
بجد رفعت معنوياتى جااااااامد
بس عايزه اقولك زى ما البعد
ساعات بيخلى فى اشتياق
فى ساعات تانيه بيربى الجفا
ربنا يوفقك ويسعدك ودايما اشوف
بوستاتك حلوه ومنوره
تحياتى يا امير الحب كله

rony يقول...

hayoomaa

وحشتيييييييييينى ازيك وعامله ايه؟؟؟؟

اصل انا يا بنتى ماليش فى الكوره
انا معاكى يا هيوما لو مفيش حب
حقيقى باقل فتره هيبعدوا عن بعض
نورتى المدونه
تحياتى يا قمر

rony يقول...

زهور الامل

كلامك صح
البعيد عن العين برضو بيفضل جوه القلب

تحياتى
ونورتى المدونه

rony يقول...

نعكوشتى

يمكن يا نعكوشتى علشان لسه ما قابلتيش
الحب الحقيقى اللى يخليكى تنتظريه مهما
بعد او طالت المسافات بينكم

بث خلاث
نورتى يا نعكوشتى

اقصوصه يقول...

اكيد الاجابه تفرق من شخص لاخر

بس باعتقادي الشخص

لو البعد طول احيانا

ممكن يصير

البعيد عن القلب بعيد عن العين

بس بنفس الوقت في ناس

ممكن نقضي 3 ارباع اعمارنا

بعيد عنهم

رغم هالشي هم متربعين في قلوبنا

حتى الموت :)

rony يقول...

خواطر شابه

ازيك يا قمر
انا معاكى ان البعد جفا لانه
الحب مش بيكون حقيقى يعنى كده وكده
بس لو فى حب حقيقى اى بعد مش هيأثر فيه بالعكس المشاعر بتزيد
اما عن بعد المشاعر فهو مش حب من البدايه
تحياتى ونورتى يا قمر

لاسع افندى يقول...

خواطر شابة

تنورينا فى اى وقت و تشرفى اى مكان بوجودك وكلامك الجميل


تحيه لاسعه

rony يقول...

vannen

شرفت بزيارتك

نورتى يا قمر

rony يقول...

جنة الله

جوه كل واحد فينا اسئله كتيره
ومالهاش جواب
شرفتى بزيارتك ومتتأخريش علينا تانى

نورتى

rony يقول...

خوخه

فى ناس مهما بعدوا عننا هما ساكنين
جوانااما من ناحية اللى بيدور على تنسيه حد بعيد فهو يبقى اى حاجه تانيه غير الحب
سعدت بمرورك
تحياتى ليكى خوخه ونمنم وفلفل

rony يقول...

sookra

جمله صغيره بس معناها اكبر

نورتى المدونه

rony يقول...

كلام عيب

انا معاك ان البعد ساعات بيغير ناس
كتير بس ده بيكون ما بينهم حب مش
متأسس مش بجد
وفى ناس بتعيش على ذكريات واصحابها
مش موجوده فى الدنيا
يبقى اسمه الوفاء واسمه الحب الحقيقى

نورت المدونه

rony يقول...

وحبى لك لن يموت

اسمك وحده رد على الموضوع

نورتينا يا قمر

rony يقول...

فرفشة ألوان

مش معنى ان الانسان امتلك القلب
يبقى يستهين بيه ويسيبه ويمشى
ممكن البعد والاحتياج يغيره
نورتى يا قمر

لاسع افندى يقول...

الايــــــــــام

اهلا بيكى وبخواطر شابه
حضوركم مميز ويسعدنى جدا
شكرا على النحله وصلت ولسعت
ههههههههههههههه
بس اللى انتى ماتعرفيهوش انى خريج زراعه يعنى واخد حصانه من النحل ولسعاته

هو انا لسعت من قليل

تحيه لاسعه لكل حبايب مصر(بدون نحل)

rony يقول...

الايام

عزيزتى
فعلا البعد هو بعد المشاعروالاحساس
مفيش اكتر من كده بعد

نورتى يا قمر

rony يقول...

ريمان

فعلا لو العلاقه كانت سطحيه ممكن البعد يغير القلوب

منورانى يا قمر

rony يقول...

عاشق الجنه من الاخوان صلى على النبى

نورت بوجودك
صلى على النبى

rony يقول...

مى

البعد بيقوى الحب الحقيقى ويموت الحب المزيف

منورانا دايما

rony يقول...

ليس فقيرا من يحب

انا الحمدلله كويسه يا حبيبتى
انتى ازيك يا رانيا؟
وحشتينى كتييييييييييير
منوره اول موضوعاتى
ويا رب اشوفك دايما واتطمن عليكى

rony يقول...

اقصوصه

معاكى حق احيانا طول البعد بيخلى اليأس يعرف طريقه لقلوبنا ساعتها ممكن البعيد عن العين يبقى بعيد عن القلب

منورانى يا قمر

صمتي كلام يقول...

هذا يعتمد على على نوع الحب..،،

rony يقول...

صمتى كلام

اهلا بيكى فى اول زياره
واول موضوعاتى
اكيد تأثير البعد حسب نوع الحب
يعنى لو حب حقيقى عمره ما ينساه حبيبه
انما لو حب مزيف حتى لو جنبه مش هيحس بيه
نورتى المدونه ويا رب تزورينا تانى
كل سنه وانتى طيبه