طق حنك مش اكتر

السبت، أبريل 10، 2010

بـحب لـمـا



بحب لما الم كلام الحب

اللــى مــالى عـيونــك

واحب اغزل دق القلب

لهفه وشوق يحاوطونك

واحب امارس طقوس جنونى

يزيد الحب فى جنونك

واحب منك نغم اسمى

يغطى الورد من لونك

واحب فصل الربيع

وشروق الشمس بجفونك

واحب حبك واحبك

واحب الناس اللى يحبونك

.

هناك 33 تعليقًا:

إبتسامة ملاك يقول...

بخخخخخخخخخخخخخخ

وناخد اول تعليق ونقول الووووووووووووووووووووووووو

إبتسامة ملاك يقول...

واو

من زمان ماعملتهاش عندك يا لاسع

وسع وسع يا عم الحج

إبتسامة ملاك يقول...

أشهد ياعم بلوجر على اللى حصل هنا بمدونة لاسع

نيهاااااهاااااااااااا

إبتسامة ملاك يقول...

الله الله الله

إيه كمية الحب دى يا لاسع

انا نفسى الاقى حد يقولى الكلام دا

اهىء اهىء اهىء اهىء
عااااااااااااااااااا

إبتسامة ملاك يقول...

عاوزه حب من دا

الله عليك كلمات جميله من قلب نابع للحب
ربنا يسعدك زى ما بتسعدنى بأرق الالحان والكلمات

بتمنالك حيالة سعيدة هادئه
مليئه بالحب والفرح والسعاد

كون كما تحب

إبتسامة ملاك يقول...

ربنا يوفقك

كنت هنا واحب وجودى هنا

Manamino يقول...

حلوة قوي
تسلم ايدك ياجميل

Ms Venus يقول...

اتأخرت بس غصب عنى معلش


جميلة اوى يا لاسع


تسلم ايدك واحساسك


تحية وسلام

mira يقول...

ازيك يا جميل
عيد ربيع بخير عليك وعلينا
وعلى حبك كمان
تحيه مليانه بالورد
ميرا

mahmoud يقول...

بصراحة جميلة جدا احييك علي افكارك وطريقة تناولك للمواضيع واضح انك انسان دماغ ودي النوعية اللي بتعجبني
تحياتي
اه علي فكة كنت اتمني اتواصل معك من زمان بس كنت مشغووول قوي

Tears يقول...

جميل اوى الروقان ده يا لاسع افندى

ستيتة حسب الله الحمش يقول...

كالعادة ها امسي وأقول
وانا كمان

بالمناسبة يعني ايه اخرستوس انستي يا لاسع افندي
حاولت افهم ومفهمتش

تحياتي

sony2000 يقول...

يزيد الحب فى جنونك

واحب منك نغم اسمى

يغطى الورد من لونك
بجد راااااائعه جدا جدا
وايه ياعم انت جو الرومانسيه دي ؟
بجد حلو الجو ده
تقبل مروري وتحياتي:)

لاسع افندى يقول...

إبتسامة ملاك

من زمان منتظر احتلالك المحبب

كله يوسع

لاسع افندى يقول...

إبتسامة ملاك

هو حد يقدر ينكر ولا بلوجر ولا غيره

لاسع افندى يقول...

إبتسامة ملاك

اتفضلى كل كلام المدونه مايغلاش عليكى

نحب وجودك هنا

ويارب دايما محتلانا ومنورانا

لاسع افندى يقول...

Manamino

منورنا انت فين ماحدش بيشوفك على الماسنجر
اتمنى تكون بخير وشكرا على العيديه الجميله

لاسع افندى يقول...

Ms Venus

دائما ننتظر حضورك وكلماتك المشجعه

اتمنى دوام التواصل

لاسع افندى يقول...

mira

يارب كل ايامك تكون ربيع

تحياتى

لاسع افندى يقول...

mahmoud

الاول عايز ارحب بيك فى اول زياره
واشكرك على زوقك وكلامك الجميل

واتمنى دوام التواصل

نورتنا

لاسع افندى يقول...

Tears


الربيع فصل الروقان

منورانى دايما بوجودك وكلامك الرقيق

لاسع افندى يقول...

ستيتة حسب الله الحمش

اذيك يادكتوره منورانا

اخرستوس انستى دى تحية عيد القيامه باللغه القبطيه(المصريه)
معناها المسيح قام
والرد بتاعها اليسوس انستى
معناها حقا قام

اتمنى دوام التواصل

لاسع افندى يقول...

sony2000

منوره ارض البلوجر
شكرا على التعليق الجميل وكلماتك الرقيقه
اتمنى دوام التواصل

صوت من مصر يقول...

ياعم ده مش تخاريف

ليله شتاء يقول...

السلام عليكم
ماشاء الله كلامك جميل وأحساسك أجمل

تحياتى

اقدم عاصمه فى الحب يقول...

السلام عليكم

احبك انا احبك :)

زهور الامل يقول...

يا واد انت يا جامد يا ابو كلام زي السكر

الغنوة بجد تحفة
انا مش عارفة انت ليه مش بتحاول تعرضها على حد كويس يغنيها
فكر في الحكاية دي
لانها روعة بجد

تسلم ايدك

جنــــــــــة الله يقول...

تحففففففففففففففة
بجد رووووووووعة
وحشتنى المدونة دى جدااا
تسلم ايديك يا لاسع

Just waiting يقول...

انا جيت متأخر قوي عاااااااااا
انا بحب تخاريفك دي قوي وبجد تحفه بسم الله ماشاء الله عليك

أحمد الصعيدي يقول...

كلمات جميلة جدا وكلها شجن


يسلم احساسك


السلام عليكم ورحمة الله

Manamino يقول...

ربنا يخليك ياجميل
كل سنة وانت طيب وبالف خير
معلش انا اسف بس عندي ملاحظة ارجو انك تقبلها من اخوك الصغير
هو بس اخرستوس انيستي معناها المسيح قام بس باللغة اليونانية
مش القبطية
لان الجملة باللغة القبطية اسمها
بخرستوس افطونف
والرد عليها
خينؤوميثمي افطونف
ده علي حسب معلوماتي البسيطة
وارجو ده مايكونش فيه تجاوز
منور دايما ياجميل وكل سنة وانت طيب

well يقول...

تحياتى لتلك الكلمات التى يملئها التوازن

!!! عارفة ... مش عارف ليه يقول...

ولما أشوووف حد يحبك

يحلى لي أجيب سيرتك

يحلى لي أجيب سيرتك

ويااااااااااااه

---------

معرفش ليه فكرتني

بالكلمتين دوول

إنما متشكر أووي على

الشحنة العاطفية دي

فعلا كنت محتاجها


تحياتي
وليد