طق حنك مش اكتر

السبت، أبريل 17، 2010

المكتوب - من رباعياتى


مـديت ايـدى فى الـزمن اغـير المكتوب

لا طلت نجوم السما ولا اخرت الغروب

عـاندت يوم القـدر لقـيته نـــاشـــف حجر

مستنى ايه من بكره اللى بات ليله مغلوب

.

هناك 16 تعليقًا:

Just waiting يقول...

اول تعليق هيييييييه
هي جامدة بس فكرتني ب
نعيب زماننا والعيب فينا ومالزماننا عيب سوانا
ونهجو ذا الزمان بغير جرم ولو تكلم الزمانا لهجانا

romansy يقول...

مستنى كل خير
يا استاذنا
بكره احلى طول ما احنا معانا ناس بتقدر المسئوليه وناس خايفه علينا

جميل جدا يا استاذى

لاسع افندى يقول...

مدونتى وموضوعى ومش عارف اخد اول تعليق

المهم اقولكم
انا مش من دعاة التشاؤم بس هو احيانا لما بنكون فى اول المشكله بنحس ان الدنيا متقفله لكن بعد كده لما بنبدأ فى التفكير بهدوء بنلاقى حل ودايما نستنى الامل فى بكره حتى اللى بات ليله مغلوب انا بس كنت بوصف شعور انسانى فى لحظة تشاؤم

تحياتى للجميع

ستيتة حسب الله الحمش يقول...

بعد تعليقاتك انت ورومانسي مبقاش فيه حاجة تتقال
بس انت بتكتب رباعيات حلوة
وبرضه كينج توت رباعياته حلوة
صباح الفل

الملاك الحزين يقول...

اللى مكتوب على الجبين لاذم تشوفه العين يا لاسع

ان شاء الله تشوف السعد والهنا ويارب يكرمك

دمت ودام اسمك وقلمك يا فنان

تحيااااااااااااتى
ايناس

ليس فقيرا من يحب يقول...

حلوة اوى اوى

تسلم ايديك يا لاسع افندى

Ms Venus يقول...

مـديت ايـدى فى الـزمن اغـير المكتوب

لا طلت نجوم السما ولا اخرت الغروب


طب اقولك ايه يا لاسع


كلمة جمييييييييييييلة مش كفااية

بجد تسلم ايدك


جميلة اوى رباعياتك


انا جيت متأخرة معلش بقى اعذرنى

زهور الامل يقول...

محدش يقدر يغير القدر
لان القدر ده بايد ربنا وحده

واللي هيحاول يغير فيه اكيد هيرجع خسران

سلمت اناملك

تحياتي

sony2000 يقول...

معلشي يلاسع
هي فعلا الرباعيه حلوه
وبجد بدعيلك ان يارب مشاكلك تتحل
اللهم امين
تحياتي:)

طوبه فضه وطوبه دهب يقول...

هكذا دائما المكتوب لا هنقدر نغيره ولا فى يوم هنهرب منه تسلم ايدك حلوه

إمرأه من ثلج يقول...

سلام عليكم

بجد كلامك متميز ربنا يوفقك

فى حديث عن الرسول فيما معناة ان لو اطلعتم على الغيب لختارتم الواقع

ودة لان ربنا كريم

وان ششاء اللة الجى احسن تحياتى

ليله شتاء يقول...

السلام عليكم
اللهم لا نسألك رد القضاء ولكن نسألك اللطف فيه

أن شاء الله وقت ويعدى

ربعايتك متميزه جداا

دمت بخير

Tarkieb يقول...

عجبيى...والله جميلة اووووي

new-one يقول...

الله عليك\
وحشنى لسعانك والله

موجة يقول...

ايوة الله
لا طلت نجوم السما ولا اخرت الغروب
تصدق دى حالتى انا دلوقت
رباعياتك هايلة
بس سؤال رخم شوية ازاى لاسع وازاى بتكتب كلام موزون كدة؟؟؟؟؟؟؟
ازاى بقاااااااااا
عموما سعدت بزيارة مدونتك

rony يقول...

مـديت ايـدى فى الـزمن اغـير المكتوب

لا طلت نجوم السما ولا اخرت الغروب

مهما عمل البنى ادم علشان يوصل لاحلامه
مش هيطول غير اللى ربنا كتبهوله
حتى لو كنا بنقول عليه وحش ومش بيعجبنا لكن هو ده القدر وهو ده المكتوب
وفى الاخر

عـاندت يوم القـدر لقـيته نـــاشـــف حجر

مستنى ايه من بكره اللى بات ليله مغلوب

بس