طق حنك مش اكتر

السبت، يوليو 04، 2009

ارانب ..ارانب

الارانب من فصيله القوارض
لاتمشى ولا تجرى
لكنها تنط على رجليها الخلفيه وهى اطول واقوى من الامامه
لما بتحس بخطر بتجرى بسرعه توصل ل 29 كيلو متر فى الساعه
بتدبدب برجليها الخلفيه لما بتحس بخطر وتحذر بعضها

بتتراوح مده حمل الانثى من 26 الى 30 يوم
لما بيتولدوا الصغار مش بيشوفوا ولا يسمعوا ومن غير فرو
بتحفر الام جحر وتجهزه لولادها الصغيريين
وبتقطع فروها بسنانها من جسمها عشان تفرشه تحت اطفالها
وبتولد حوالى 5 مرات فى حياتها
والمره الواحده بتولد من 5 الى8 ارانب
والارانب لحمها ابيض واليافه لينه وفيها كميه بسيطه جدا من الدهون
ومليان بروتين مغذى
ده غير طعمه الرائع
وفروه لما تعمله ميداليه ناعمه وللا محفظه جميله


هناك 39 تعليقًا:

أبو العريف يقول...

دي مش تخاريف دي معلومات رائعه
انا شخصيا بحب الارانب جدا
بحب اشوفهم
والعب معاهم
وافترسهم


تحياتي

mony يقول...
أزال المؤلف هذا التعليق.
mony يقول...

ابوالعريف
اذهلتنى بحضورك
وانا كمان بحب الاانب
لعباواكلا ودخلا
نورتنى

Ramy Wasel يقول...

وفين الملوخيه بالانارب

مكتوبه صح مش غلط
لان الملوخيه بالانارب
تختلف كليا وجزئيا عن الملوخيه بالارانب

mohamed ghalia يقول...

جميله أوى المعلومات
حقيقى أول مرة اعرفها
مجهود رائع
ربنا يكرمك

mony يقول...

رامى
الملوخيه بالانارب
ياسلام لما يكون ارنب مكلبظ
روووووووووووووووووعه
نورتنى

mony يقول...

محمد
اى خدمه ياباشا
منور

أسيرة اللوحة يقول...

بحان الله ,,
ما أعظمها من أم ,,
قد أو بالتأكيد هي أحن من بعض الأمهات في هذا الزمان حين تلقى بأبناءها للخدم ,,

مثال رائع ,,

دمت بخير ^^

جحا المصرى يقول...

جميلة معلوماتك
بالتوفيق دايما

لاسع افندى يقول...

نسيتى حاجه مهمه....ماعندهاش انفلونزا الارانب


تحياتى

بلاش فضايح يقول...

انا بحب اتفرج عليهم بس
مبحبش اكلهم

بس معلومات مفيدة فعلا

شكرا ليك

Hadota ... حدوتة يقول...

اه حلوين جدا الارانب
انا بموت فيهم وبحب جدا اكلهم
:D
طعمهم هايل الصراحة

(Joudy) يقول...

معلومة حقيقى مفيش حد فكر فيها كلنا بنشوف الأرانب وعادى بنتفرج عليها وخلاص مش بنفكر ولا بنتأمل حقيقى جميييل وانا بقى بحب أتفرج عليهم والعب معاهم والمس فروهم الناعم اما الأكل فده لا

دمتى بكل الخير

dramaqueen يقول...

معلومات جميلة اوى
والارانب اصلا شكلها عسول اوى
وطعمها جميل

hérisson يقول...

افهم من كده ان الغدا إنهارده ملوخية بالارانب؟ :D

بجد عجبني اوي المقال ده
وخاصة موقف الام تجاه ولادهاانها تفرش فروتها لأرانبها الصغار
سبحان الله
الجميل ان حتي الحيوانات جواها احساس الامومة والحب لاولادها واهتمامها برعايتهم

عشان كده بزعل اوي لما اسمع عن ام أو أب اهملوا اولادهم
دي الحيوانات مابتعملهاش ما بالك احنا البشر

,,,,,
بجد موضوع جميل وشيق
تحياتي لقلمك

mony يقول...

اسيره اللوحه
شفتى اد ايه الحنيه
بتدفيهم وتحميهم من خشونه الارض
فيه ناس كتير دلوقتى معندهاش حنيه الحيوان
نورتينى

mony يقول...

جحا المصرى
شكرا على تشجيعك
تحياتى

mony يقول...

لاسع افندى
ونسيت اقول انها مبتلسعش
تحياتى

mony يقول...

حدوته
دى الارانب طعمها حدوووووووووته اوى
انا كنت زيك مبحبهاش
بس هى عاوزه فلفل زياده
منورانى

mony يقول...

جودى
شفتيها وهى صغيره
رررررررررررررائعه
نورتينى

mony يقول...

دراما كوين
تصورى انها ممكن تعضك لو قربتى من ولادها
الصغيرين
تحياتى

THE illusionist يقول...

لا مش تخاريف المره دى
حلوه قوى حته بتقطع من فروها دى
اول مره اعرف
سبحان الله
المره دى
تخاريف حلوه

mony يقول...

herisson
الارانب لسه صغيره مش هندبح دلوقتى
..ربنا حط الحنيه فى قلوب كل الناس بس
فيه ناس لسه موجوده وناس تانى قلوبهم اتحجرت
تحياتى

mony يقول...

the illusionst
اصل انا كنت جعانه
وشميت ريحه ملوخيه بالارانب
رحت كتبت
نورتنى

جنــــــــــة الله يقول...

انا والارانب اصحاب جدااا
بس من بعيد لبعيد
يعني المسهم والعب معاهم مافيش مشكلة
لكن موضوع الاكل
استحااااااااالة
لا يمكن ابدا
معلومات جميلة
تسلم ايديك

marwa يقول...

شكرا على الموضوع والمعلومات القيمة
كل شيئ ربنا خلقه له قيمة عظيمه
سبحان الله في خلقه أبدع كل شيئ
تسلم ايدك

فراشة يقول...

مونى
تحياتى لتخاريفك الجميلة
معلوماتك حلوة قوى
ومدونتكم لاسعه جدا

بس مفيدة
انا كنت بحب الارانب بس للاسف فجأة بقيت مش بقدر اكلهم

تحياتى لموضوعاتكم اللى تجنن

أنــا يقول...

معلومات جميله اوي ..
تستحقي نشكرك عليها :)
تحياتي

mony يقول...

جنه الله
مره كانوا ناس جايبين خروف العيد وقعد عندهم فتره قبل العيد
وجاء العيد وطبعا الخروف لازم يتدبح
امال هو جاى ليه
فيه طفل من اطفال البيت رفض ياكل اللحمه لما عرف ان ده الخروف صاحبه

mony يقول...

مروه
كل مخلوق فى الدنيا له فايده
حتى التعابين والعقارب
سبحان الله
شكرا على مرورك

mony يقول...

انا
شكرا على تشجيعك
واتمنى دوام المرور يا....انت
نورتى

mony يقول...

بلاش فضايح

كفايه الفرجه ماهى ببلاش

شكرا لمرورك

غروب يقول...

جميله اوى الارانب انا بحب شكلها اووووووووووى

معلومات حلوه

تحياتى

mony يقول...

غروب
وانا كمان بس وهما صغيرين لما بيكبروا باكلهم هم هم هم
نورتينى

صيدلانيه طالعه نازله يقول...

حلوه قوى المعلومات دى خصوصا اللى بتقول ان الارنبه بتقطع فروتها عشان تعملها فرشه لصغارها
انا باحب الارانب شكلا قوى و بيصعبوا عليا اما يدبحوا خصوصا اللى لونها ابيض

عاشقة الأحزان يقول...

السلام عليكم
احم احم

ليه كده بس ما جبتش دكرين بط ولا وزيتن عشان الاكله تكمل
هههههههههههههههه
بجد معلومه جميله عن الارنوب
تحياتى لك
انوسه

mony يقول...

البط........
ده دنيا تانى
بس تقيل على المعده
شوفى بقى البطابيط الصفرالصغيرين وهما بيعوموا فى الطشط

mony يقول...

صيدلانيه طالعه نازله
صوت الارانب لما بتندبح
بيبقى صعب اوى
سمعتيه؟

mony يقول...

فراشه
اسفه اول مره اخد بالى من تعليقك
كلامك زى الفراشه
فيه ناس كتير مش بيحبوا ياكلوا الارانب
نورتينى واسفه على التاخير