طق حنك مش اكتر

الجمعة، يوليو 24، 2009

اهداء الى قلبها


قلب العاشق دليله

وانا قلبى حس بيه

شايف دموع قلبك

وجرحه اللى مخبيه

ساكت صامد وصابر

والحيره ساكنه فيه

سامع صمتك بيصرخ

يقول انا ذنبى ايه

نفسه يكمل طريقه

وقلبك مش ملك ليه

امله ترحل مراكبه

فى بحر بكره اللى مستنيه

نفسه يصبح يلاقى

الحيره مش بتلاقيه

يتمنى يبص فى قلبه

مايشوفش قلبك فيه




هناك 37 تعليقًا:

THE illusionist يقول...

لاسع باشا
مساء الفل
على فكره الكلمات حلوه
وتحس انها كلمات اغنيه قبل كده
مش عارف
حاسس ان هانى شاكر كمان اللى مغنيها
بس حلوه
انا بصراحه مش لاقى حاجه تانى اقولها غير
انى اول تعلييق
هيييييييييييييه

7annen يقول...

قلب العاشق دليله دى انا سمعتها فى اغنيه لجورج وسوف

بس بصراحه معرفش باقى الاغنيه ايه

بس دا ميمنعش انها جميله

تسلم ايدك

حنين

7annen يقول...

وطبعا حجز تانى تعلييييييييييق وتالت تعليييييق لحنونه

احتل ولا محتلش

7annen يقول...

افتكر احتل رابع تعليق ولا بلاش علشان مضربش

كفايه كدا

دمت بخير ومستنين المزيد
حنين

أعـــ * أصحاب * ـــز يقول...

تعالى احتفل معانا فى اعز اصحاب بعيد ميلاد ديالا

اعز اصحاب

طوبة ذهب وطوبة فضة يقول...

gamela awy bs leh ysb7 mayshofsh albo maytma a7sn an rbna ygma3km swa

ريمان ونوسه فى هاكونا مطاطا يقول...

لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

عاشقة الأحزان يقول...

السلام عليكم


الله عليك

معاك حق والله قلب العاشق دليله

احيك

ايناس

اقدم عاصمه فى الحب يقول...

السلام عليكم

الاول كده طلقتين فى الهوا علشان الحضور والاستقبال
ثانيا صقفه كبيره خالص على الكلام الجميل ده
ثالثا انا بشرب واحد شاى ارض جو من بتاع الساعه 4 الفجر وبشوف كلامك الجميل وعمال امزمز
والكلام داخل دماغى اوى
تقريبا انا وانت عايشيين نفس الحاله
فعلشان كده انا حاسس كلامك
بقلك ايه بقه
حبه حزن من اللى هما بيدخلوا فى نخاشيش القلب من جوه علشان كده يعنى

mony يقول...

ما تمسح الدموع
وتداوى الجروح
وتنسيييييييييييييييييييييه

romansy يقول...

قلب العاشق دليله
بس العاشيقين حيرانين
ساكن الحزن فيهم
ساكنه الدمعه فى العين
العاشيقين ليه حيرانين
مدام الحب كلمه
تتقال ما بين اتنين

mohamed ghalia يقول...

هايل بجد
ربنا يكرمك ويسعدك

promise is promise يقول...

لاسع افندى

والله شكلك مش لاسع ولا حاجه انت فنااااااااااااااان

تسلم ايدك على الكلمات

hager za3bal يقول...

اهداء جميل اوي ..

بس فيه صور صعبه اوي..

" سامع صمتك بيصرخ
يقول انا ذنبي ايه"

التشبيه ده هزني اوي .. مش عارفه ليه
بس حسيت انه صعب اوي .. بجد يسلم قلمك :)

تحياتي

أعـــ * أصحاب * ـــز يقول...

يلا بسرعه الحق عيد ميلاد ديالا فى شقاوة اخر حاجه واعز اصحاب

اوعى الحفله تفوتك

اعز اصحاب

غير معرف يقول...

بتكتب حلو
بس دايما حزين
وانا محبش انك تكون كده
ما فيش حاجه تستاهل
كله بيهون
وكله بيرخص
وكله بيعدى

Pink Dreams يقول...

الله بجد كلمات جميله جدااااااااااا

وكلها احاسيس وحسيت بيها قوى

ميرسى كتيييييييييييير

تحياتى

أبو العريف يقول...

قلب العاشق دا يا ابني
دايما يكدب عــــــليه

يعمل عارف وفـــــاهم
وهو مالهش فــــــــيه

تلاقيه بيحب واحـــــد
خاين يضحك عليــــــه

يرسم احلام يلاقــــــي
احزان تجرح عنيــــــه

سيبك من دا وقولــــي
ازيك عامل ايــــــــه



اديني علقت يا عم الحج
عشان تفض الاضراب
وشوف بقي قدرت افض اضرابك عن التعليق عندي
ولا طلعت خايب
تخاريف بتخاريف بقي

تحياتي

جحا المصرى يقول...

جميلة دائما كلماتك
أستشعر أنها كلمات من زمن فات

لاسع افندى يقول...

THE illusionist

منورنى فى اول مرور هانى شاكر بيغنى اغنيه جميله اسمها حكاية كل عاشق بس مختلفه تماما عن الخاطره دى

اتمنى دوام الصداقه

لاسع افندى يقول...

7annen

اشكرك على المرور والتعليق
احتمال يكون فعلا مطلع الخاطره موجود فى اغنيه الله اعلم بس انا ماسمعتهاش عند حد ..هى بتيجى كده

اتمنى دوام المرور

لاسع افندى يقول...

7annen

منورانى فى تانى تعليق

لاسع افندى يقول...

7annen

ماينعش تحتلى المدونه لانها ملكك اصلا
ومحدش بيحتل بيته
اهلا بيكى قارئه ومعلقه ومحتله وصاحبة بيت


تحياتى

لاسع افندى يقول...

أعـــ * أصحاب * ـــز

انا حضرت الاحتفال واكلت التورته

تحياتى

لاسع افندى يقول...

طوبة ذهب وطوبة فضة

علشان هو خلاص باع وعايز ينسى


اتمنى دوام المرور

لاسع افندى يقول...

ريمان ونوسه فى هاكونا مطاطا

انا جاى وجايبلكم معايا سيمبا وكيارا ونالا

تحياتى

لاسع افندى يقول...

عاشقة الأحزان

منورانى دايما بحضورك ونشاطك

لاسع افندى يقول...

اقدم عاصمه فى الحب

بتشرب شاى وحدك

لاسع افندى يقول...

mony

الدموع دى علشان سايبانى وحدى فى الشغل
ومش باسجل الشغل فى الدفاتر

لاسع افندى يقول...

romansy

حضورك رومانسى جدا ومميز
اتمنى دوام المرور

لاسع افندى يقول...

mohamed ghalia

انا كمان بابعت رسالة شكر لقلمك الجميل اللى دايما بيسمعنا احلى تعليقات

لاسع افندى يقول...

promise is promise

انا باعتبر كل المدونين لاسعين

تحياتى

لاسع افندى يقول...

hager za3bal

لما اللسان مايقدرش يتكلم ..الصمت جوانا بيصرخ بس الصرخه دى مايسمعهاش غير قلب عاشق

اتمنى دوام الصداقه

لاسع افندى يقول...

Pink Dreams

منورانى فى اول زياره للمدونه واتمنى دوام الصداقه

لاسع افندى يقول...

أبو العريف

خلاص الاضراب اتفك بقوه
ياريت الحكومه تتعلم منك

تحياتى

لاسع افندى يقول...

جحا المصرى

اشكرك على الحضور وتمنى دوام الصداقه

Tadwina يقول...

مرحباً / لاسع افندي
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1359

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com.
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com