طق حنك مش اكتر

الأحد، يوليو 12، 2009

مش باقى منى - النسخه الصينى

video

مش باقى منى ..غير شهاده ورق

مكتوب حروفها بالكفاح والعرق

كان جوه منها حلم عمر اتسرق

وانا فى طابور الشغل

عمرى كله مرق

مش باقى منى....غير شهاده مكتوبه

كبيره وعاليه لكن مش مطلوبه

تعب السنين اتحول

حبر على ورق

.........

مش باقى منى غير جواز سفر

قلبه ابيض مستنى تأشيره

فى كل بلاد الدنيا

قابلوه بتكشيره

راضى بحكم القدر

مش خايف من الغرق

حالف يسافر

لو فى مركب ورق

هناك 37 تعليقًا:

لاسع افندى يقول...

طبعا كل حاجه فى السوق فيه منها الاصلى وفيه منها الصينى حتى قصيدة الاستاذ جمال بخيت عملت منها نسخه صينى
وسعرها اقل بكتير

اتمنى اسمع رايكم فيها بصراحه

عاشقة الأحزان يقول...

السلام عليكم ورحمة الله وبركاته

بجد رأى بصراحه زى رأى كل شاب بعد ما ياخد شاهدته بيفضل واقف فى طابور لما يجى عليه الدور

وكمان بيسافر يدور على شغل لان مالقاش فرصته فى بلده

بيهرب على بلاد تانيه يمكن يلاقى حظه هناك
وياعالم يرجع وولا يضيع ولا ولا ولا

بجد قلبت علينا كتير

وفعلا مش فاضل او باقى مننا غير النسخه الصنيه

دمت بكل خير
وربنا يسعد ايامك يارب اللهم امين
انوسه

مدحت محمد يقول...

ههههههههه

اهى دى الحقيقة المرة والهم اللى يضحك

جنــــــــــة الله يقول...

طبعا مش محتاجة اقول رأيي لانه اصبح معروف
بس اكتر مقطع عجبني هو دة
"
راضى بحكم القدر

مش خايف من الغرق

حالف يسافر

لو فى مركب ورق "
تسلم ايديك
البوست رااائع

promise is promise يقول...

اول مره اشوف حاجه صينى حلوه وصادقه وتمنها فيها

وفعلا هو ده اللى بيحصل تطلع روحنا فى تعليم فاضى وناخد شهاده غير معترف بيها دوليا ولا محلياولا حتى فى سوق العبور

وبعدين الشباب يفكروا فى السفر يجى هم التاشيره طب منين

يروحوا يهاجروا هجره غير شرعيه يقولوا حرام واللى يوت منهم يكفروه ويقولوا مات منتحر

طب ايه العمل

قولولى ايه العمل ؟

والا العمل عمل ربنا ؟

دمت بكل خير
وتقبل مرورى والسلام ختام

اقدم عاصمه فى الحب يقول...

اذا حاولنا ان نظهر فى بلدنا العيوب
فما اكثرها
واذا احتجنا ان ندافع عنها بطول الدروب
فما أكسلنا

بلدنا مش كده
بلدنا حلوه اوى اوى
احنا احسن من اى حد
انا مش بأتحجج والله ولا بضحك على نفسى

بس لو كل واحد قال فى سره
(( هى مصر كلها مافيهاش شغلانه ليا ))

لازم هتلاقى وقتها شغل
ومش هتسافر ولا حتى فى مركب ورق

7annen يقول...

راى ان البطاله بقت اكتر من البنى ادمين

ربنا يسترهاعلينا يارب

حنين

mohamed ghalia يقول...

أنا سمعت القصيدة قبل كده فعلا روعة
أحسنت الإختيار

ريمان يقول...

للاسف هى ده الحقيقه


ربنا يصلحلنا الاحوال وتبقى احسن انشاء الله

شباك موارب يقول...

طبعا جمال بخيت شاعر حزين جدا
انا شايفاه كدا...
بس انت عملت حاجه حلوه
سميها نسخه مصريه شعبيه

mony يقول...

ياحررررررررررامى
سو سورى
اقصد
ياعييييييييييييييينى

elsha3er يقول...

السلام عليكم

بص انا على الرغم انى مدرسة فاجومية

بس بجد از كانت الصينى ولا الاصل والله الاتنين جامدين

بجد جميل لانك برده جسدت واقع حال

احييك


وانا برفض كلمة الصينى دى لانك فعلا ناقشت حاجة تانية خالص تستحق انها تتنسبلك


تحياتى


احمد الشاعر

Ramy Wasel يقول...

دى صينى

بس اصلى

قصيده جميله

بس اكيد حيفضل مننا ذكريات
قد تكون جميله
وقد تكون سيئه

سيف يقول...

اصلى جدا....
كان ادامى شغلانه بس فجئه اختفت منى يا ترى مين اخدها.........
********
1-لاسع افندى
2-عاشقه الاحزان
3-اقدم عاصمه فى الحب
********
لو عرفت الاجابه..خلاص هتعمل ايه دورلك على شغلانه غيرها,
مع تحيات:المفتش فاضلكو :)

جحا المصرى يقول...

مش باقى منى
يااااااااااااه
قلبت علينا المواجع
إختيارك رائع يا صديقى
دمت بكل الود

romansy يقول...

عارف يا عم الاسع انا بيعجبنى كلامك قوى بحس انك علشان ظروف الشغل دايما بتكتب عن مشكل الشباب ومشاكل اللى بتحصل جوالينا
بحس انك حته من مصر ومصر منك

ليس فقيرا من يحب يقول...

السلام عليكم

جيت على الجرح ياعم لاسع افندى

مش باقى منى....غير شهاده مكتوبه

كبيره وعاليه لكن مش مطلوبه

تعب السنين اتحول

حبر على ورق

انا بقى باقى منى شهادتين والتالته باذن الله فى السكه هاحطهم جنب بعض واقعد .....تفتكر اعمل ايه بيهم
هههههههههههههههه

تحياتى لحضرتك

لاسع افندى يقول...

عاشقة الأحزان يقول...

منوره يا انوسه وشكرا على متابعتك واهتمامك


تحياتى

لاسع افندى يقول...

مدحت محمد

معاك حق هم يضحك

اتمنى دوام المرور والصداقه

لاسع افندى يقول...

جنــــــــــة الله


والله ده مشكلام ده واقع الشباب بيسافروا فعلا فى مراكب اقل من الورق

شكرا على المتابعه

لاسع افندى يقول...

promise is promise


العمل عمل ربنا

اتمنى دوام التواصل

لاسع افندى يقول...

اقدم عاصمه فى الحب

لا يا اخى مصر مليانه شغل بس زى مابقولك صعب تشتغل بالشهاده بتاعتك اللى تعبت كتير فيها

تحياتى

لاسع افندى يقول...

7annen


معاكى حق ربنا يسترها علينا بس هى المشكله الاكبر ان حتى اللى شغال محتاج شغلانه بعد الضهر علشان الشغلانه الاولى مش مكفياه

اتمنى دوام التواصل

لاسع افندى يقول...

mohamed ghalia


منورنى دايما بحضورك....قصيدة جمال بخيت اكتر من رائعه انا نزلتها على الكمبيوتر وعلى الموبايل وكان ناقص اعملها نغمة رنين

تحياتى

لاسع افندى يقول...

ريمان

شكرا على الحضور واتمنى دوام الصداقه

تحياتى

لاسع افندى يقول...

شباك موارب


حاضر..نسميها نسخه مصريه شعبيه صينى
او نسميها تقليد

شكرا على المرور واتمنى دوام الصداقه

لاسع افندى يقول...

mony

مش هرد عليكى بس هحضرلك مفاجأه زى المره اللى فاتت

لاسع افندى يقول...

elsha3er

اشكرك على تقديرك واتمنى دوام الصداقه

لاسع افندى يقول...

Ramy Wasel

منورنى دايما بحضورك واتمنى دايما احوز رضاك
.....تحياتى

لاسع افندى يقول...

سيف

لا والله مش انا اللى اخدت الشغلانه..اقولك دور على غيرها علشان ماحدش هينفعك ولا كرومبو ولا فاضلكو ولا جيمس بوند حتى

اتمنى دوام الزيارات بيننا....تحياتى

لاسع افندى يقول...

جحا المصرى
نورت المدونه والبلوجر كله
اتمنى دوام الصداقه

لاسع افندى يقول...

romansy

الكلام الحلو ده كتير علينا ياعمنا واشكرك على الحضور
تحياتى

لاسع افندى يقول...

ليس فقيرا من يحب

مبروك عليكى الشهادات بس لو حبينا نبلهم ونشرب ميتهم هيعملوا كوكتيل حلو
اتمنى دوام الصداقه

أبو العريف يقول...

حلوه قوي يا باشا
واطمنك
ان اللي باقي منك ده
معدش باقي مني


تحياتي

سمسم يقول...

السلام عليــــــــــــكم
كتيير حلو هالحكي
بوجع وبضحك
مهو هم يضحك وهم يبكي
وفي نوعين باققين منم الهم
تعرفهم ؟؟؟؟؟؟؟؟؟؟
مستني جواب

تأثير الفراشة يقول...

السلام عليكم و رحمة الله و بركاته

أتمنى إن حضرتك تكون بخير

أشكرك مرتين، مرة على الفيديو لقصيدة الشاعر جمال بخيت الأكثر من رائعة، و أشكرك المرة الثانية على نسختك و التى تعبر عنك و عن آلاف الشباب و اللى واضح فيها موهبة جميلة

وفقك الله دائما

تحياتى لحضرتك

rony يقول...

عظمه على عظمه يا ست اووووووو
قصدى يا لاسع