طق حنك مش اكتر

الخميس، يوليو 30، 2009

الحقيقه


سؤال من عاشقة الاحزان ........اذكر10حقائق

ولان الاجابه صعبه جدا...وناس كتير عاشت

وماتت بتدرو على الحقيقه وما وصلتش

والغش حوالينا فى كل مكان...تعالوا مع بعض ندور على الحقيقه


فيه حقيقه بننكرها..........

وحقيقه بنكرهها..........

حقيقه بتجرحنا..........

وحقيقه تفرحنا.........

حقيقه جوهرها سراب...........

وحقيقه جواها عذاب.........

حقيقه تلاقيها فى كتاب.........

وحقيقه تشوفها.........

فى عيون الاصحاب........

الله حقيقه

الوجود حقيقه

الموت حقيقه

الحب حقيقه

الكره حريقه
.

هناك 24 تعليقًا:

rony يقول...

كلها حقائق اكيده
بس فين باقى الحقائق؟؟؟؟؟؟؟؟

rony يقول...

نسيت اقولك.........
الحق اطفى الحريقه.

اقدم عاصمه فى الحب يقول...

السلام عليكم

انت غير فى تفكيرك
.
كلامك صح ونجمه وعشره على عشره وممتاز
تسلم ايدك يا كبير
.
.
مودتى :)

7annen يقول...

gameeeeeel awy bas fen 10 7a2y2 el5asa bek

7annen

Pink Dreams يقول...

فعلا عندك حق

فى حقايق كتير قوى فى حياتنا

بس ايه الكره حريقه

هو فعلا حريقه لانه بيحرق قلوبنا معاه

تحياتى

Pink Dreams

حلم بيعافر يقول...

الكره فعلا حريقة

عاشقة الأحزان يقول...

اشكر حضرتك على قبول سؤالى لحضرتك


جميل قووى احساسك ومعاك حق الكره ده نار موقته

اداما الله عليك نعمة الحب

تحياتى

ايناس

شباك موارب يقول...

كام مره ذكرت كلمه حقيقه في مدونه تخاريف مشكله؟؟؟؟؟؟

للاجابه الاتصال على رقم..............
ومن خارج مصر...........

بهزر طبعا
انا لسه عايزه اجاوب على الاسئله دي..

mony يقول...

الارض كرويه حقيقه
فوأد المهندس حقيقه

promise is promise يقول...

حلوه قوى حقيقه جوهرها سراب وحقيقه جواها عذاب

بيقولوا عندنا فى الامثال كلمه الحق توجع

اكثر من رائع

دمت بكل خير
والسلام ختام

بنجاواتى يقول...

الحقيقة ان الدنيا ما تستاهلش الزعل ولا الخصام ولا الكره

والحقيقة ان الكره حريقة (كلمة جميلة)

تحياتى

شباك موارب يقول...

هو انتم مدونه مشتركه
ولا بقت كدا قريب
mony بسلم عليكي كتير اوي

شريكة في المطعم يقول...

عندك حق
اجابات مختلفة عن المألوف
تسلم ايدك...

لنحيا فى اجواء الحب يقول...

ياريت بس ماتقولشى تخاريف لانك بتتكلم عن حقايق كلامك بيعبر عن انسان عاقل جداااا
ربنا يوفقك
منى سلام
مصرى دائما

فراشة يقول...

لاسع افندى
دايما كلامك عميق وعامل زى البحر محتاج ان الواحد يتعمق فيه عشان يلم به

بجد فكرك واسع ورائع وممتع

تحياتى لك

سمسم يقول...

السلام عليكم
والله الحقائق كتيييييييييييرة اوي
اوي فالدنيا
وممكن نحبها او نكرها او تجرحنا او تفرحنا
كل ده ممكن
المهم انها حقيقة وموجوده ولازم نتعامل معاها
تحياتي

shemo يقول...

السلام عليكم.....
حلو اوووووووووى اجاباتك يا لاسع ومختصرة بس فيها افادة........دومت بخير........فى رعاية الله.
shemo

coraline يقول...

احييك على اجابتك

تأثير الفراشة يقول...

إجابة فى منتهى الإبداع، أحييك عليها

تحياتى لحضرتك

دمت مبدعا

micheal يقول...

تصفيق حاد
بوست فلسفي رائع
اجابات أكثر من رائعة
تحياتي

Appy يقول...

كويس انك عرفت تحط ايدك على حقايق لان فيه ناس كتير بتوه فيها

طوبة ذهب وطوبة فضة يقول...

kher elklam ma kal wadal wanta ktbt akl klam ba7la efada tslm aydak

عازفة الأوتار يقول...

كلام جميل بجد

تسلم ايدك يا لاسع افندى

انت قلت قول رأيك بصراحة
فانا حعلقت عليق بسيط كدة
حاول تنوع شوية فى الألفاظ
يعنى متكررش الفاظك
علشان البوست اللى بعد ده تقريبا فيه نفس الألفاظ اللى هنا


ده كان مجر تعليق
اتمنى تقبله بصدر رجب
بس بجد بجييك على البوست ده

لاسع افندى يقول...

كل الناس الغاليين
اللى عندى معلقين
معلش احنا اسفين
على رد جمايلكم مش قادرين


اعتذار منى لكل اللى علق وماقدرتش ارد على التعليق بس انا حريص جدا على زيارتكم ومتابعة اعمالكم

تحياتى اللاسعه