طق حنك مش اكتر

الاثنين، أبريل 26، 2010

فضفضه


فضفضه



احبائى المدونين والمدونات

انا قولت افضفض معاكم شويه يمكن افضى الكبت والحيره اللى عندى

اصل انا قربت اطق واتجنن ومش عارفه ومش فاهمه حاجه فى اى حاجه

انا كنت عايزه اعرف هى الدنيا دى ماشيه ازاى؟

زمان اتعلمنا ان الصح صح والغلط غلط اما دلوقتى بقى ان الصح

بقى غلط والغلط بقى صح الصح

اكتشفت ان البنت تعرف تاخد قراراتها لوحدها وبدون مساعده من اى حد

اما الولد وده الغريب طبعا انه ميعرفش ياخد قرار واحد لوحده لي بقى؟؟؟؟

لان ماما هى اللى بتقول وبتعمل وبتاخد القرار هى اللى تقول ينفع او مينفعش

هى اللى تقول ياخد دى او ماياخدش دى يعمل ده ولا ميعملش

دى الرجوله دلوقتى .......... البنت لما بيلاقوها محترمه ومؤدبه

تحافظ على بيقولوا عليها بنت ب 100 راجل دلوقتى هيتقال عليها ايه؟

البنت دلوقتى بتاخد اهم قرارات فى حياتها وبتتحمل النتيجه مهما كانت

اما الولد بيخاف ياخد اى قرار احسن ماما تغضب او بابا وساعتها طبعا

هيتحرم من الميراث سوررررررررررى قصدى المصروف

اكتشفت كمان ان البنت لما تقف جنب خطيبها او جوزها فى بداية حياته وتشجعه

تبقى بتخطى اولى خطوات الفشل فى علاقتها بيه وهيفرط فيها بسهوله جدا

انا بنصح كل بنات جيلى واللى قبلى واللى بعدى كمان كل بنت اتربت تربيه صحيحه بقولهم

ينسوا كل اللى اتعلموه زمان لازم يعرفوا ان الزمن اتغير والمبادئ والقيم اتغيرت كل ماهو

صح زمان غلط جدا جدا دلوقتى احنا فى عصر جديد كله خدع ومفيش امان او امانه فى
التعامل بين الناس
حد يفهمنى ليه الام بتدخل فى حياة ابنها وكأنها بتعمل على سعادته وهناه زى طفل صغير
امتى الام هترفع الوصايه من على ابنها وتسيبه يتحمل مسئولية نفسه على الاقل؟؟؟؟؟؟
ليه يا امى بتربينى صح............ ليه خلتينى غريبه فى وسط الناس..............

حد يفهمنى ليه بيحصل كده فى الدنيا اللى بنفتكره حبيب بيطلع عدو لييييييييييييييييييييييييه؟؟؟
كل المعانى اتغيرت لييييييييييييييييييييييييييه؟؟؟؟؟؟؟؟؟؟؟؟







هناك 35 تعليقًا:

rony يقول...

أصدقائى واحبائى
دى أول مره أفضفض فى المدونه لكن مش هلاقى أحسن منكم أفضفض معاهم
أسألهم ويجاوبونى أكيد بحكمه ووعى واعرف هى الدنيا جرى فيها ايه
يمكن الخنقه اللى عندى تروح وتاخد معاها الكبت والحيره
وبعتذر عن الاطاله فى الفضفضه
وشكرا ان انتوا استحملتوا دوشتى
باى يا أحلى مدونين فى الدنيا
ربنا معاكم

♥♥ شذا ♥ الروح ♥♥ يقول...

طب ممكن اخد الاول بقا
عنوه واقتدار

♥♥ شذا ♥ الروح ♥♥ يقول...

صباح الجمال على ارق بنوته بالدنيا كلها رونى الجميله

♥♥ شذا ♥ الروح ♥♥ يقول...

والله يا حبيبتى مش انتى لوحد اللى بتعانى من ده
كان غيرك اشطر احنا بندن فى مالطه يا اختى ومافيش حاجه هتتغير هيبقا الوضع كما هو عليه

ربك كريم وقادر يعدلها ما بين يوم وليله
واللى زى ده من الشباب يبقا لامؤخذه مش ينعتمد عليه انه يكون رب اسره

والطيور على أشكالها تقع

سيبها على الله المهم انك فضفضتى عشان ترتاحى
واعلمى انه ده مش حالك لوحدك وحالى كمان وبنات كتير اوووى

♥♥ شذا ♥ الروح ♥♥ يقول...

ليس كل ما يلمع دهب

احنا فى زمن الوحووش والزيف والخادع

ربنا يتولانا برحمته

وجميله نصيحتك لينا كلنا
ربنا يقويكى يارب
دمتى بكل الخير

تحياتى
شذا الروح

اقدم عاصمه فى الحب يقول...

السلام عليكم
ازيك يا رونى ..؟!
يا رب تكونى بخير :)

تصدقى بقه انا اللى عاوز اعرف انتى كتبتى البوست ده ليه ..؟
فيه فى الدنيا لون ابيض بيبقى اسود الا لما احنا نلونه باللون الاسود ..؟
فى أم فى الدنيا هتوجه ابنها للغلط ..؟
فى حد هيعمل معروف وهيتردله بالاذى الا لو كان اللى بيعمل المعروف ده (( مغفل )) اسف .. بس انا شايفها كده ..!

رونى انا للاسف مش متفق معاكى المره دى
كل شخصيه بتتولد فى مجتمع اى كان هو ايه ولكن المجتمع ده طباعه وعاداته مش موحده لان المجتمع جواه تجمعات كتيره
وعلى هذا الاساس انا بختار
وعلى حسب شخصيتى بكون

ومن ناحيه الصح بقه غلط
والغلط بقه صح
هو اساسا احنا اللى عملنا الصح صح والغلط غلط علشان نبدلهم على مزاجنا وعلى مزاج الزمن اللى بنعيش فيه ..
دى قوانين سموايه وكل واحد مفروض عليه يمشى عليها واللى بيعامل ربنا مش زى اللى بيعامل الناس بالمثل ..
الصح صح ويجب ان يُتبع
والخطأ خطأ ويجب ان يُجتنب
والحكم مش للناس
الحكم عند ربنا
وأهم حاجه الرضا
لازم نكون راضيين عن نفسنا بقدر مناسب
لان مفتاح السعاده هو فعلا الرضا :)
.
أسف انى طولت بس انتى سألتى ليه كده

وانا بمقدار معرفتى الصغيره جدا حاولت اجاوب ..
رونى .. ربنا يرزقك بالصحه والستر والرضا عن نفسك
دوماً أصدقاء :)

Ms Venus يقول...

رونى


ازيك حبيبتى


انا حاسة اوى بحالتك وفهماكى

واسئلتك ملهاش اجابة

ومن غير ليه كل القيم اللى اتربينا عليها اتغيرت

اتبدلت

يمكن الغالبية هتلاقيها كده

لكن هتلاقى بردو لازم اللى شبههنا وزينا

ومهما كان لا يصح الا الصحيح

ربنا معاكى

زهور الامل يقول...

حبيبة قلبي ليه الياس ده بس

الدنيا لسة بخير ومش كل الناس زي بعضها

ولازم تعيشي على اللي اتربيتي عليه على التربية والنشأة الصحيحة ومتخليش زعلك او نرفزتك تغير مفاهيمك
لانه لا يصح الا الصحيح
كل اللي انا عايزاه منك انك متعمليش حاجة انتي مش مقتنعة بيهاولا حباها ولا راضية عنها

وبعدين الدنيا فيها الحلو والوحش وفيها الكويس والسيئ

وبعدين فضفضي يا قمر كلنا موجودين هنا على عالم بلوجر علشان نكون اصدقاء ونكون جمب بعض

تحياتي

rony يقول...

اهلا رونى
فضفضى يا حبيبتى فضفضى
احسن ما يطقلك عرق ولا حاجه
وانا هنحاول نستحملك
يلا زى بعضه خليها علينا المره دى
نورتى يا رونى هانم
وعلى الله اشوف وشك هنا تانى
باى

أبو العريف يقول...

لا طبعا الصح هيفضل ف كل زمان
وكل مكان هو الصح

احمدي ربنا علي انك اتربيتي عالصح

لو حد مش قادر ياخد قرار يبقي عنده مشكله هو مش انت

ربنا يسعدك ويريح بالك

rony يقول...

شذا الروح

انتى تنورى
والمدونه كلها تحت امرك

rony يقول...

شذا الروح

صباح الفل ومسا الياسمين على اجمل
وارق واحلى شذا فى الدنيا

rony يقول...

شذا الروح

الحمدلله ان فى حد بيأيد كلامى
او شايف اللى انا شايفاه
بس اللى يزعلنى انه حالى وحال بنات كتيييييييير اوى
المشكله ان الحكايه دى بقت منتشره جدا
ربنا يصلح حال كل الشباب ويرجع
للقيم اللى اتربينا عليها ولصورة الرجل فى مجتمعنا اللى اتعودنا نشوفها من اهلنا
ربك يصلح الحال

rony يقول...

شذا الروح

ليس كل ما يلمع ذهبا
فعلا
ربنا يرحمنا ويحمينا من المجتمع ده
اللى انا عن نفسى بجد حسيت بالغربه فيه

ويبعد عنا الناس اللى بالشكل ده

نورتى يا قمر
واتمنى اشوفك هنا دايما
تحياتى

عاشقه الرومانسيه يقول...

الصح صح مهما كااان يارونى
انا لايمكن اغير مبادئ اتربيت عليها علشان اى حد مهما كان

rony يقول...

أقدم عاصمه فى الحب

يا رب انت تكون بخير
الحمد لله انا كويسه
انا اقولك يا سيدى انا كتبت البوست ليه
لما تبقى تمشى فى الدنيا على ثوابت وتربيه المفروض انها صحيحه وتليق بمجتمع شرقى مصرى وتلاقى ان بعض الثوابت واللى اتربيت عليه بقا فاضل منه الاقل بكتييييييييييير من اللى المعتاد
بالعكس ده تلاقيه نادر جدافى الزمن ده
والناس تبقى تبصلك وتستغرب تصرفاتك
وتقول هو لسه فيه كده حد ماشى كده
وحاجات من النوع ده........
تحس انك غريب عنهم لانك مش عارف تبقى زيهم
والحال بيبقى اسوأ من وقت للتانى
والاجيال بتنحدر وتجرى ورا الشكليات والاوهام
انت مش متفق معايا يمكن لانك من الناس اللى بتعرف تاخد قرار فى زمن
انا شفت فيه اولاد كتيييييييييييييير متقدرش تاخد قرار لوحدهابدون تدخل ماما والغريب ان عددهم بيزيد بشكل غير طبيعى
يعنى البنت دلوقتى بتتصرف احسن من الولد وتعرف تحافظ على نفسها وتاخد قراراتها لوحدها وبتتحمل نتيجة القرار
وبما انك اعترضت تبقى مش زيهم
نورت المدونه
وشكرا لسؤالك عنى

غير معرف يقول...

اول مره ادخل مدونه الاقى فيها حد محتار حيرتى
نفسى اعرف ليه كل حاجه اتغيرت
ليه اصبر سنين طويله واقف جنبه واحلم
حلم قمه فى البراءه والبساطه والحلم ده يبقى كل حياتى
وبعد ده كله يتقال لى بابا مش موافق دلوقت وانا مش قادر ادخل فى مشكله معاه
بصى انااسف انا حبيتك
بس نعتذر عن هذا الحلم
هى كلمه بس دى اااااه منها
تقبلى مرورى
تحياتى

just waiting يقول...

بصي ياروني حاليا بقيت بحس ان الموازين مقلوبه شفت ان الست هي بتنزل تشتغل وبتشيل البيت والراجل مش عارف يشتغل وقاعد بالعيال دي بقى حالتين من قرايبنا يعني مش حد قايلي بقيت بشوف فعلا ان البنت تقدر تختار وتقول لأهلها لأ على العريس او تصمم على الي بتحبه اما الولد فمامته تقوله دي لأ يقول حاضر ويبيع عشرة سنين دي بقى شفتها في اصحابي
ماتحتاريش انتي صح وخليكي صح

rony يقول...

MS VENUS

وحشاااااااااانى جدا جدا
شكرا على احساسك بيا
كان نفسى يكون عندك اجابه
لكن زى ماقولتى اسئله مالهاش اجابه
واللى شبهنا وزينا مش بنلاقيهم غير بعد فوات الاوان متأخر أوى
وفى النهايه لا يصح الا الصحيح

نورتينى واتمنى اشوفك دايما

rony يقول...

زهور الامل

الدنيا مش كلها بخير ولا حاجه
بس اللى شفته خلانى أيأس كفايه
وانا مش قدامى غير انى اعيش فعلا غير
على اللى اتربيت عليه
عارفه ليه ؟؟؟؟؟؟؟
لانى مش هعرف اعيش غير كده حاجه بقت فى دمى مش هعرف اغيرها ولا اقبل الغلط ولو للحظه
شكرا انكم كلكم استحملتوا فضفضتى
وانتم ونعم الاصدقاء ربنا ما يحرمنى منكم كلكم

نورتى المدونه كلها

rony يقول...

أبو العريف

طبعا الصح هيفضل صح بس الغلط بقى كتير اوى
بيخلينا احيانا نندم على انناصح
بس فى الاخر بنرجع نقول الحمد لله على اننا اتربينا صح
وادينا فى الدنيا بنتفرج على كل
الحاجات اللى انتشرت دلوقتى بين الناس
شكرا لدعائك وادعيلى كتييييييير

نورتنى

rony يقول...

دودو عاشقة الرومانسيه

ازيك يا قمر
فعلا الصح صح مهما كان
بس لا انتى ولا انا ولا اى حد من اللى
اتربوا على مبادئ هيعرف يغيرها فى يوم من الايام لأى سبب من الاسباب
بس كنت حابه افضفض معاكم واشوف رأيكم
والحمد لله لقيتكم كلكم معايا

نورتى ياقمر

rony يقول...

الشوكه الناعمه

مش عارفه اقول الحمدلله ان فى حد زييى
وللا اقول الحمدلله ان ربنا بعتكم ليا تصبرونى
عموما الحمدلله على كل حال
كلمة اسف هتفيد فى ايه
ولا هتقدر تلم ذرة من الجرح
والتردد وعدم اتخاذ الولد لاى قرار
هيتعبه هو فى حياته اكتر ما انتى تحسى
بتعب الفراق والبعد ده اسهل بكتير

ربنا يريح قلبك وبالك يارب

يا ريت تزورينا دايما
نورتى

rony يقول...

Just Waiting

الست بقت بتشتغل وبتعمل كل حاجه
حتى لو جوزها بيشتغل ومش عاطل وبرضه بتساعده فى البيت
بس المشكله ان الكل بيبص على ان ده شئ عادى وملزمه الست تعمله
ومش بتسمع حتى كلمة شكرا
بس السؤال الحال هيفضل كده على طول

الكويس هيبقى نادر الوجود والوحش هو اللى هيبقى سائد فى المجتمع
وده فى حد ذاته مصيبه سودا
ربنا يرحمنا ويطلعنا منها بسلام

نورتينى وشرفتينى بزيارتك

أحمد الصعيدي يقول...

انظري خلفك


بس خلاص


هيا الدنيا ماشية كدة


السلام عليكم

جارة القمر يقول...

عزيزتي

جميل ان نبوح بمكنوناتنا ونعبر عما بداخلنا

ونسأل الغير

ولكن ثقي دوما بخطواتك ولا تجعليها مهزوزة


وتأكدي ان ماتفعليه صح قبل ان تخطي لفعله

كوني بخير

Tears يقول...

رونى كلامك فيه حرقة و وجع اوى مش مجرد تدوينة

بس عايزة اقولك ان الخطا ليس فى تلك الأم التى تتدخل و لا فى الأم التى تربى على الصح

المشكلة فى الولد الذى كبر و لكنه مازال يتصرف كطفل و يقبل التدخلات و لهذا دائما اقول هناك فارق كبير بين الذكر و الرجل لان الرجال تقريبا انقرضوا

الرجل كلمة و موقف و قوة و عقل و حنان...للاسف هذا النموذج نادر او منقرض لان الغالبية ذكور لا تقوى حتى على تحمل المسئوليه بل انهم فى بحثهم عن الزوجة ينشدوا فيها الأم التى تفكر و تخطط لهم و تخلى بالها من كل تفصيلة بدلا من ان يكون هو سند و ضهر لها

اخر الرجال المحترمين كان ايام زمان...جايز اكون متشائمة بس فعلا مش قادرة اشوف غير كده

اوعى تنخدعى بكلامهم او محاولتهم مهما ابدوأ ثقة بانفسهم قبل ان تشاهدى بعينك اكثر من اختبار عملى

فتــافيت (رحاب الخضري) يقول...

ديه فضفضة ممكن اوقع عليها وانا مغمضة
لانها بتقول كتير اوي من اللي قولته وبقوله وهاقوله طول عمري
عشت تجربة بنفس المعنى والظروف.. حاجة بقت تشل
المشكلة ان البنات اتربت على انها تبقى قد قراراها وتبقى بمليون راجل وجدعة وفاهمة وواعية هي بتعمل ايه بالظبط.. لكن مابقاش فيه رجالة بنفس الشكل.. يلا عليه العووووووووض

rony يقول...

احمدالصعيدى
فعلا هى الدنيا ماشيه كده

كان نفسى تكون احسن من كده

نورت المدونه

لاسع افندى يقول...

كويس انك طلعتى اللى جواكى
بصى يارينا مجتمعنا بقى عامل زى خلية النحل الست فيه بتعمل كل حاجه بتشتغل بره وجوه وبتشيل مسؤليات بيهرب منها الرجاله وفى الاخر بتتحمل دلع الرجال زوج وابن وحبيب او حتى عشيق كله عايز يتحكم وخلاص
تخيلى انا من كتر احترامى و اشفاقى على الست العربيه عموما والمصريه خصوصا خايف اخلف بنات

اتأخرت عليكى فى التعليق
تحيه لاسعه

rony يقول...

جارة القمر

وحشااانى كتيييييييييير
الف حمدلله على سلامتك يا قمر
ويا رب ما تغيبى عنا تانى
شكرا على النصيحه انا فعلا كنت
محتاجه افضفض معاكم شويه وتدلونى
اعمل ايه لانى احترت وانجرحت
والبركه فيكم خففتوا غنى الوجع
ادعيلى ان استعيد ثقتى فى نفسى
وفى الناس اللى حواليا

نورتى يا قمر

rony يقول...

Tears

كلامى فيه حرقه لانى عشته وجربته
معاكى حق فعلا المشكله فى الولدا
اللى دايما عايز حد يشيله مسئولية قراراته
الرجل كلمة و موقف و قوة و عقل و حنان
انتى ترجمتى المعنى الحقيقى للرجوله اللى فعلا انقرض من زمان
وقالوها فى الامثال زمان
يا مأمنه للرجال يا مأمنه للميه فى الغربال

بشكرك على تشريفك ومتابعتك موضوعاتنا

نورتى ياقمر

rony يقول...

فتافيت

الجرح واحد جرح كل بنت اتربت صح
فى زمن ساد فيه الغلط

الحقيقه مش عارفه افرح لمشاركتكم حزنى
وللا ازعل لانى مش لوحدى فى المأساه دى
مش عارفه اقول ايه ؟
غير ان ربنا موجود هو يقدر يخفف اوجاعنا

ربنا معانا كلنا
نورتى يا فتافيت السكر
احب اشوفك دايما

rony يقول...

لاسع افندى

اخيرا عبرتنى وطليت على الفضفضه
واخيرا برضه راجل اعترف بفضل الست عليه وتعبها ومجهوداتهاناحية بيتها وجوزها وقراراتها فى حياتها
يا بختها ياعم
على العموم انت خلف البنت متخافش
وانا هعلمها الدرس بكل حذافيره

تحياتى يا لاسع
واتمنى تزورنى دايما

غروب يقول...

لالالالالالالالالالا بجد لالالا
انتى كاتبه الكلام ده عنى صح؟؟؟؟؟؟؟

بس انا مش معاكي في نقطه واحده

ان البنت اللى بتقف جنب خطيبها بيسيبها بمنتهى السهوله

عاوزه اقولك ان لو كانت العلاقه محدده ومفيهاش اى غلط البنت مش هتندم خالص والله ومش هتحس ان المبادئ اتغيرت ولا حاجه

وهاتعرف ده بالتدريج لما تشوف في نظره عينه الندم

المبادئ ان شاء الله مش هاتتغير

بس وجعتيلي قلبي

يلا خير